95 ਸਾਲ ਦੀ ਸੱਸ ਨੂੰ ਬੰਦੀ ਬਣਾ ਕੇ ਰੱਖਦੀ ਸੀ ਨੂੰਹ
ਦਿੱਲੀ ਵਿਚ ਰਹਿਣ ਵਾਲੀ ਇਕ ਮਹਿਲਾ ਨੇ ਅਪਣੇ ਪਤੀ ਦੀ ਮਾਂ ਯਾਨੀ ਸੱਸ ਨੂੰ ਬੀਤੇ ਕਈ ਦਿਨਾਂ ਤੋਂ ਬੰਦੀ ਬਣਾ ਕੇ ਰੱਖਿਆ ਹੋਇਆ ਸੀ। ਸ਼ੁਕਰਵਾਰ ਨੂੰ ਮਹਿਲਾ ਦੇ...
ਨਵੀਂ ਦਿਲੀ : (ਪੀਟੀਆਈ) ਦਿੱਲੀ ਵਿਚ ਰਹਿਣ ਵਾਲੀ ਇਕ ਮਹਿਲਾ ਨੇ ਅਪਣੇ ਪਤੀ ਦੀ ਮਾਂ ਯਾਨੀ ਸੱਸ ਨੂੰ ਬੀਤੇ ਕਈ ਦਿਨਾਂ ਤੋਂ ਬੰਦੀ ਬਣਾ ਕੇ ਰੱਖਿਆ ਹੋਇਆ ਸੀ। ਸ਼ੁਕਰਵਾਰ ਨੂੰ ਮਹਿਲਾ ਦੇ ਪਤੀ ਨੂੰ ਜਦੋਂ ਇਸ ਦੀ ਜਾਣਕਾਰੀ ਹੋਈ ਤਾਂ ਉਸ ਨੇ ਦਿੱਲੀ ਮਹਿਲਾ ਕਮਿਸ਼ਨ ਤੋਂ ਅਪਣੀ ਪਤਨੀ ਅਤੇ ਸਹੁਰੇਚਾਲੇ ਦੇ ਵਿਰੁਧ ਸ਼ਿਕਾਇਤ ਦਰਜ ਕਰਵਾਈ। ਪਤੀ ਨੇ ਅਪਣੀ ਸ਼ਿਕਾਇਤ ਵਿਚ ਕਿਹਾ ਕਿ ਉਸ ਦੀ ਪਤਨੀ ਉਸ ਦੀ ਮਾਂ ਨੂੰ ਬੀਤੇ ਕਈ ਦਿਨਾਂ ਤੋਂ ਬੰਦੀ ਬਣਾ ਕੇ ਸ਼ੋਸ਼ਨ ਕਰ ਰਹੀ ਹੈ। ਜਦੋਂ ਕਿ ਉਸ ਦੀ ਮਾਂ ਇੰਨੀ ਬੁੱਢੀ ਹਨ ਕਿ ਅਪਣੇ ਬਿਸਤਰੇ ਤੋਂ ਉਠ ਵੀ ਨਹੀਂ ਸਕਦੀ।
ਪਤੀ ਨੇ ਮਹਿਲਾ ਕਮਿਸ਼ਨ ਨੂੰ ਦੱਸਿਆ ਕਿ ਜਦੋਂ ਤੋਂ ਉਸ ਦਾ ਵਿਆਹ ਹੋਇਆ, ਉਦੋਂ ਤੋਂ ਦੋਨੇ ਅਲਗ ਰਹਿੰਦੇ ਹਨ। ਦੋਨਾਂ ਦਾ ਕਿਸੇ ਗੱਲ ਨੂੰ ਲੈ ਕੇ ਅਣਬਣ ਹੋ ਗਈ ਸੀ। ਇਸ ਦੌਰਾਨ ਜਦੋਂ ਵੀ ਉਹ ਘਰ ਆਉਣ ਦੀ ਕੋਸ਼ਿਸ਼ ਕਰਦਾ, ਉਸ ਦੀ ਪਤਨੀ ਉਸ ਨੂੰ ਅੰਦਰ ਨਹੀਂ ਆਉਣ ਦਿੰਦੀ। ਅਜਿਹੇ ਵਿਚ ਅਪਣੀ ਮਾਂ ਨੂੰ ਵੇਖੇ ਹੋਏ ਉਸ ਨੂੰ ਤਿੰਨ ਮਹੀਨੇ ਤੋਂ ਵੱਧ ਹੋ ਗਏ ਸਨ। ਵਿਚ ਵਿਚ ਕਦੇ ਵੀ ਜੇਕਰ ਉਸ ਨੂੰ ਅਪਣੀ ਮਾਂ ਨੂੰ ਵੇਖਣਾ ਹੁੰਦਾ ਸੀ ਤਾਂ ਪੁਲਿਸ ਦੀ ਮਦਦ ਲੈਣੀ ਪੈਂਦੀ ਸੀ।
ਜਦੋਂ ਮਹਿਲਾ ਕਮਿਸ਼ਨ ਇਸ ਸ਼ਿਕਾਇਤ 'ਤੇ ਧਿਆਨ ਦਿੰਦੇ ਹੋਏ ਮਹਿਲਾ ਦੇ ਘਰ ਪਹੁੰਚੀ ਤਾਂ ਉਸ ਨੇ ਉਨ੍ਹਾਂ ਨੂੰ ਵੀ ਘਰ ਵਿਚ ਵੜਣ ਨਹੀਂ ਦਿਤਾ। ਵਾਰ - ਵਾਰ ਦਬਾਅ ਬਣਾਉਣ 'ਤੇ ਉਸਨੇ ਇਸ ਸ਼ਰਤ 'ਤੇ ਦਰਵਾਜ਼ਾ ਖੋਲ੍ਹਿਆ ਕਿ ਉਸ ਦਾ ਪਤੀ ਯਾਨੀ ਸ਼ਿਕਾਇਤਕਰਤਾ ਇਹ ਲਿਖਤੀ ਵਿਚ ਦੇਣ ਕਿ ਉਹ ਅਪਣੀ ਮਾਂ ਨੂੰ ਲੈ ਕੇ ਕਦੇ ਵਾਪਸ ਨਹੀਂ ਆਵੇਗਾ। ਪਤੀ ਨੇ ਗੱਲ ਮੰਨ ਲਈ ਅਤੇ ਲਿਖਤੀ ਵਿਚ ਇਹ ਮਹਿਲਾ ਨੂੰ ਦੇ ਦਿਤਾ। ਕਮਰੇ ਵਿਚ ਵੜਣ ਤੋਂ ਬਾਅਦ ਟੀਮ ਨੇ ਜੋ ਵੇਖਿਆ ਉਹ ਬਹੁਤ ਹੀ ਤਰਸਯੋਗ ਸੀ। 95 ਸਾਲ ਦੀ ਬੀਮਾਰ ਬੁੱਢੀ ਮਹਿਲਾ ਦੀ ਹਾਲਤ ਬਹੁਤ ਖ਼ਰਾਬ ਸੀ।
ਖੁਦ ਨੂੰ ਢਕਣ ਲਈ ਸਿਰਫ਼ ਕਪੜੇ ਦਾ ਇਕ ਛੋਟਾ ਟੁਕੜਾ ਹੀ ਸੀ, ਬਿਸਤਰੇ ਦੇ ਬਗਲ ਵਿਚ ਰੱਖੇ ਬਾਲਟੀ ਵਿਚ ਮਲ-ਮੂਤਰ ਕਰਨਾ ਪੈਂਦਾ ਸੀ। ਟੀਮ ਨੇ ਤੁਰਤ ਐਂਬੁਲੈਂਸ ਦੀ ਮੰਗ ਕੀਤੀ। ਜਿਸ ਤੋਂ ਬਾਅਦ ਬੁੱਢੀ ਔਰਤ ਨੂੰ ਹਸਪਤਾਲ ਲਿਜਾਇਆ ਗਿਆ। ਡਾਕਟਰ ਨੇ ਦੱਸਿਆ ਕਿ ਉਹਨਾਂ ਨੂੰ ਗੰਭੀਰ ਸੰਕਰਮਣ ਹੈ ਅਤੇ ਤੱਤਕਾਲ ਇਲਾਜ ਦੀ ਲੋੜ ਹੈ।