ਨਵੀਂ ਦਿੱਲੀ : ਮੁੰਬਈ ਤੋਂ ਦਿੱਲੀ ਲਈ ਰਵਾਨਾ ਹੋਣ ਦੇ ਕਰੀਬ ਦੋ ਘੰਟੇ ਬਾਅਦ ਗੋ ਏਅਰ ਦੀ ਫਲਾਇਟ ਦੀ ਮੁੰਬਈ ਵਿਚ ਐਮਰਜੈਂਸੀ ਲੈਂਡਿੰਗ ਕਰਵਾਉਣੀ ਪਈ। ਦੱਸਿਆ ਜਾਂਦਾ ਹੈ ਕਿ ਪਾਇਲਟ ਨੂੰ ਜਹਾਜ਼ ਦੇ ਇੰਜਣ ਵਿਚ ਜਿਆਦਾ ਖੜਕਾ ਹੋਣ ਦਾ ਅਹਿਸਾਸ ਹੋਣ ਦੇ ਚਲਦੇ ਇਹ ਫੈਸਲਾ ਲਿਆ ਗਿਆ। ਸੂਤਰਾਂ ਦੇ ਮੁਤਾਬਕ ਇਹ ਜਹਾਜ਼ ਛਤਰਪਤੀ ਸ਼ਿਵਾਜੀ ਮਹਾਰਾਜ ਅੰਤਰਰਾਸ਼ਟਰੀ ਹਵਾਈ ਅੱਡੇ ਉਤੇ ਸੁਰੱਖਿਅਤ ਤਰੀਕੇ ਨਾਲ ਉਤਾਰਿਆ ਗਿਆ। ਇਸ ਫਲਾਇਟ ਵਿਚ 168 ਯਾਤਰੀ ਸਵਾਰ ਸਨ।

ਇਸ ਸੰਬੰਧ ਵਿਚ ਸੰਪਰਕ ਕਰਨ ਉਤੇ ਗੋ-ਏਅਰ ਦੇ ਕਰਮਚਾਰੀ ਨੇ ਦੱਸਿਆ ਕਿ ਗੋ-ਏਅਰ ਦੀ ਉਡ਼ਾਣ G8319 ਮੁੰਬਈ ਹਵਾਈ ਅੱਡੇ ਤੋਂ 10 ਵਜਕੇ 17 ਮਿੰਟ ਉਤੇ ਦਿੱਲੀ ਲਈ ਰਵਾਨਾ ਹੋਈ। ਪਰ ਅਸਮਾਨ ਵਿਚ ਜਹਾਜ਼ ਦੇ ਇਕ ਇੰਜਣ ਵਿਚ ਬਹੁਤ ਤੇਜ਼ ਖੜਕਾ ਹੋਣ ਲੱਗਿਆ ਜਿਸ ਦੇ ਨਾਲ ਪਾਇਲਟ ਨੂੰ ਏਟੀਸੀ ਤੋਂ ਮੁੰਬਈ ਮੁੜਨ ਦੀ ਇਜਾਜਤ ਮੰਗਣੀ ਪਈ। ਸੂਤਰਾਂ ਨੇ ਦੱਸਿਆ ਕਿ ਜਹਾਜ਼ ਕਰੀਬ ਸਵਾ ਬਾਰਾਂ ਵਜੇ ਆਪਾ ਹਵਾਈ ਅੱਡੇ ਉਤੇ ਸੁਰੱਖਿਅਤ ਉਤਾਰਿਆ ਗਿਆ। ਗੋ-ਏਅਰ ਨੇ ਇਕ ਬਿਆਨ ਵਿਚ ਕਿਹਾ, ਉਡਾਨ G8319 (ਮੁੰਬਈ-ਦਿੱਲੀ) ਰਵਾਨਾ ਹੋਣ ਤੋਂ ਬਾਅਦ ਤਕਨੀਕੀ ਗੜਬੜੀ ਦੇ ਚਲਦੇ ਮੁੰਬਈ ਮੁੜ ਆਈ।

ਤੁਰੰਤ ਬਾਅਦ ਵਿਚ ਸਾਰੇ ਮੁਸਾਫਰਾਂ ਨੂੰ ਦਿੱਲੀ ਜਾਣ ਲਈ ਦੂਜੇ ਜਹਾਜ਼ ਵਿਚ ਬਿਠਾਇਆ ਗਿਆ। ਦੱਸ ਦਈਏ ਕਿ ਐਤਵਾਰ 6 ਜਨਵਰੀ ਨੂੰ ਦੁਬਈ ਜਾ ਰਹੀ ਏਅਰ ਇੰਡੀਆ ਦੀ ਫਲਾਇਟ ਨੂੰ ਤਕਨੀਕੀ ਖਰਾਬੀ ਤੋਂ ਬਾਅਦ ਮੁੰਬਈ ਵਿਚ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ ਸੀ। ਇਹ ਫਲਾਇਟ (IX-247) ਮੁੰਬਈ ਤੋਂ ਦੁਬਈ ਜਾ ਰਹੀ ਸੀ। ਉਦੋਂ ਫਲਾਇਟ ਦੇ ਹਾਈਡਰੋਲੀਕ ਸਿਸਟਮ ਵਿਚ ਖਰਾਬੀ ਆ ਗਈ ਇਸ ਤੋਂ ਬਾਅਦ ਫਲਾਇਟ ਨੂੰ ਤੁਰੰਤ ਮੁੰਬਈ ਏਅਰਪੋਰਟ ਉਤੇ ਹੀ ਉਤਾਰਨਾ ਪਿਆ ਸੀ।