ਸ਼ਿਕਾਰੀਆਂ ਵੱਲੋਂ ਚਿੱਟੇ ਜਿਰਾਫ਼ ਦੀ ਦੁਰਲੱਭ ਮਾਂ-ਬੱਚੇ ਦੀ ਜੋੜੀ ਦਾ ਸ਼ਿਕਾਰ
ਸ਼ਿਕਾਰੀਆਂ ਨੇ ਇਨ੍ਹਾਂ ਦੁਰਲੱਭ ਜਿਰਾਫਾਂ ਨੂੰ ਮਾਰ ਦਿੱਤਾ ਹੈ
ਇਹ ਸਾਲ 2017 ਦੀ ਗੱਲ ਹੈ, ਜਦੋਂ ਖ਼ਬਰਾਂ ਵਿਚ ਇਕ ਮਾਦਾ ਜਿਰਾਫ ਅਤੇ ਉਸ ਦੇ ਬੱਚੇ ਦੀਆਂ ਤਸਵੀਰਾਂ ਆਈਆਂ ਸਨ। ਇਹ ਇਸ ਲਈ ਸੀ ਕਿਉਂਕਿ ਉਹ ਦੋਵੇਂ ਆਮ ਜਿਰਾਫ ਦੀ ਤਰ੍ਹਾਂ ਬਰਾਉਨ ਨਹੀਂ ਸਨ। ਬਲਕਿ ਬਿਲਕੁਲ ਚਿੱਟੇ ਸਨ, ਨਾਲ ਹੀ ਉਨ੍ਹਾਂ ਦੇ ਸਰੀਰ 'ਤੇ ਆਮ ਜਿਰਾਫਾਂ ਵਰਗੇ ਪੈਟਰਨ ਨਹੀਂ ਸਨ। ਇਹ ਦੁਨੀਆ ਦੇ ਬਹੁਤ ਹੀ ਦੁਰਲੱਭ ਚਿੱਟੇ ਜਿਰਾਫ ਸਨ। ਜੋ ਕੀਨੀਆ ਦੀ ਜੰਗਲੀ ਜੀਵ ਸੇਂਚੁਰੀ ਵਿਚ 2016 ਵਿਚ ਵੇਖਿਆ ਗਿਆ ਸੀ।
ਪਰ ਹੁਣ ਸ਼ਿਕਾਰੀਆਂ ਨੇ ਇਨ੍ਹਾਂ ਦੁਰਲੱਭ ਜਿਰਾਫਾਂ ਨੂੰ ਮਾਰ ਦਿੱਤਾ ਹੈ। ਹੁਣ ਦੁਨੀਆ ਵਿਚ ਇਕੋ ਚਿੱਟਾ ਜਿਰਾਫ ਹੈ। ਰਿਪੋਰਟ ਦੇ ਅਨੁਸਾਰ, ਰੇਂਜਰਾਂ ਨੂੰ ਇੱਕ ਮਾਦਾ ਅਤੇ ਉਸ ਦੇ ਬੱਚੇ ਦੀ ਲਾਸ਼ ਉੱਤਰ-ਪੂਰਬੀ ਕੀਨੀਆ ਦੇ ਗਰੀਸਾ ਕਾਉਂਟੀ ਦੇ ਇੱਕ ਪਿੰਡ ਵਿੱਚ ਮਿਲੀ। ਇਸ ਸਮੇਂ, ਤੀਸਰਾ ਜਿਰਾਫ ਜ਼ਿੰਦਾ ਹੈ। ਹੁਣ ਮੰਨਿਆ ਜਾਂਦਾ ਹੈ ਕਿ ਉਹ ਦੁਨੀਆ ਵਿਚ ਇਕੋ ਚਿੱਟਾ ਜਿਰਾਫ ਹੈ।
ਇਸਹਾਕਬੀਨੀ ਹਿਰੋਲਾ ਕਮਿਊਨਿਟੀ ਕੰਜ਼ਰਵੇਸ਼ਨ ਦੇ ਮੈਨੇਜਰ ਮੁਹੰਮਦ ਅਹਿਮਦਨੂਰ ਨੇ ਕਿਹਾ,"ਮਾਰੇ ਗਏ ਦੋ ਜਿਰਾਫ ਪਿਛਲੇ ਤਿੰਨ ਮਹੀਨੇ ਪਹਿਲਾਂ ਆਖ਼ਰੀ ਵਾਰ ਵੇਖੇ ਗਏ ਸਨ।" ਇਹ ਪੂਰੇ ਕੀਨੀਆ ਲਈ ਬਹੁਤ ਦੁਖਦਾਈ ਦਿਨ ਹੈ। ਕਿਉਂਕਿ ਸਾਡੇ ਕੋਲ ਪੂਰੀ ਦੁਨੀਆ ਵਿਚ ਚਿੱਟਾ ਜਿਰਾਫ ਹੈ!' ‘ਅਫਰੀਕਾ ਵਾਈਲਡ ਲਾਈਫ ਫਾਊਡੇਸ਼ਨ’ ਦੇ ਅਨੁਸਾਰ ਪਿਛਲੇ 30 ਸਾਲਾਂ ਵਿੱਚ ਜਿਰਾਫ ਦੀ ਆਬਾਦੀ ਵਿੱਚ 40 ਪ੍ਰਤੀਸ਼ਤ ਦੀ ਕਮੀ ਆਈ ਹੈ।
ਕਿਉਂਕਿ ਸ਼ਿਕਾਰੀ ਉਨ੍ਹਾਂ ਨੂੰ ਮਾਸ ਅਤੇ ਚਮੜੇ ਲਈ ਮਾਰ ਰਹੇ ਹਨ। ਇੰਟਰਨੈਸ਼ਨਲ ਯੂਨੀਅਨ ਫਾਰ ਕੰਜ਼ਰਵੇਸ਼ਨ ਆਫ਼ ਨੇਚਰ (ਆਈਯੂਸੀਐਨ) ਦੇ ਅਨੁਸਾਰ, 1985 ਵਿੱਚ ਜਿਰਾਫ ਦੀ ਅਬਾਦੀ 155,000 ਸੀ, ਜੋ 2015 ਵਿੱਚ ਘੱਟ ਕੇ 97,000 ਰਹਿ ਗਈ ਹੈ। ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ। ਪਰ ਅਜੇ ਤੱਕ ਸ਼ਿਕਾਰੀਆਂ ਦੀ ਪਛਾਣ ਨਹੀਂ ਹੋ ਸਕੀ ਹੈ।
ਅਤੇ ਇਹ ਸਪਸ਼ਟ ਨਹੀਂ ਹੈ ਕਿ ਉਨ੍ਹਾਂ ਨੇ ਇਨ੍ਹਾਂ ਜ਼ਿਰਾਫਾਂ ਨੂੰ ਕਿਉਂ ਮਾਰਿਆ। ਦੋਵੇਂ ਜੀਰਾਫ ਲੱਯੂਸਿਜ਼ਮ ਨਾਂ ਦੀ ਜੈਨੇਟਿਕ ਬਿਮਾਰੀ ਤੋਂ ਪੀੜਤ ਸਨ, ਜੋ ਚਮੜੀ ਦੇ ਸੈੱਲਾਂ ਦੇ ਪਿਗਮੈਂਟੇਸ਼ਨ (ਚਮੜੀ ਦੇ ਅਸਲ ਰੰਗ ਦੀ ਘਾਟ) ਨੂੰ ਰੋਕਦਾ ਹੈ। ਲੱਯੂਸਿਜ਼ਮ ਵਿੱਚ, ਕਾਲਾ ਰੰਗ ਅੱਖਾਂ ਦੇ ਨੇੜੇ ਬਣਿਆ ਰਹਿੰਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।