munna bajrangi murder

ਮੇਰਠ : ਮੁੰਨਾ ਬਜਰੰਗੀ ਨੂੰ ਬਾਗਪਤ ਜੇਲ੍ਹ ਲਿਆਉਣ ਦੇ 12 ਘੰਟੇ ਦੇ ਅੰਦਰ ਹੀ ਉਸ ਦਾ ਕਤਲ ਕਰ ਦਿਤਾ ਗਿਆ। ਪ੍ਰਦੇਸ਼ ਦੀ ਸਿਆਸਤ ਨੂੰ ਹਿਲਾਉਣ ਵਾਲੇ ਇਸ ਹਾਈ-ਪ੍ਰੋਫਾਈਲ ਮਰਡਰ ਦੇ ਪਿੱਛੇ ਮੰਨਿਆ ਜਾ ਰਿਹਾ ਹੈ ਕਿ ਪੂਰੀ ਯੋਜਨਾ ਦੇ ਤਹਿਤ ਬਜਰੰਗੀ ਦੇ ਖਾਤਮੇ ਦੀ ਜ਼ਿੰਮੇਵਾਰੀ ਪੱਛਮ ਉਤਰ ਪ੍ਰਦੇਸ਼ ਦੇ ਬਦਨਾਮ ਸੁਨੀਲ ਰਾਠੀ ਨੂੰ ਦਿੱਤੀ ਗਈ। ਅਸਲਾ ਰਾਠੀ ਦੇ ਸ਼ੂਟਰ ਰਾਬਿਨ ਨੇ ਜੇਲ੍ਹ ਤਕ ਪਹੁੰਚਾਏ। ਜੇਲ੍ਹ ਦੇ ਕੁੱਝ ਕਰਮਚਾਰੀਆਂ ਨੇ ਇਸ ਵਿਚ ਮਦਦ ਕੀਤੀ।

ਰਾਬਿਨ ਫਿਲਹਾਲ ਫਰਾਰ ਹੈ। ਮੁੰਨਾ ਬਜਰੰਗੀ ਦੇ ਕਤਲ ਵਿਚ ਸਵਾਲਾਂ ਤੋਂ ਪਰਦਾ ਉਠਣਾ ਸ਼ੁਰੂ ਹੋ ਗਿਆ ਹੈ। ਪੁਲਿਸ ਦੀ ਹੁਣੇ ਤੱਕ ਦੀ ਪੜਤਾਲ ਵਿਚ ਪਤਾ ਚਲਿਆ ਹੈ ਕਿ ਬਾਗਪਤ ਜੇਲ੍ਹ ਵਿਚ ਕਾਫ਼ੀ ਪਹਿਲਾਂ ਤੋਂ ਮੁੰਨਾ ਬਜਰੰਗੀ ਦੇ ਕਤਲ ਦੀ ਸਾਜਿਸ਼ ਰਚੀ ਜਾ ਰਹੀ ਸੀ। ਇਸ ਦੇ ਲਈ ਸੁਨੀਲ ਰਾਠੀ ਅਤੇ ਉਸ ਦੇ ਗੁੰਢਿਆਂ ਨੇ ਪੂਰਾ ਇੰਤਜ਼ਾਮ ਕਰ ਲਿਆ ਸੀ। ਕਰੀਬ ਇਕ ਮਹੀਨਾ ਪਹਿਲਾਂ ਮੁਲਾਕਾਤ ਦੇ ਦੌਰਾਨ ਰਾਠੀ ਨੇ ਇਸ ਦੀ ਜਾਣਕਾਰੀ ਅਪਣੇ ਸ਼ੂਟਰ ਰਾਬਿਨ ਨੂੰ ਦਿਤੀ।

ਪੁਲਿਸ ਸੂਤਰਾਂ ਦੇ ਮੁਤਾਬਕ ਰਾਬਿਨ ਹੀ ਉਹ ਕੜੀ ਹੈ, ਜਿਨ੍ਹੇ ਮੁੰਨਾ ਬਜਰੰਗੀ ਦੇ ਕਤਲ ਲਈ ਦੋ ਪਿਸਟਲ ਜੇਲ੍ਹ ਤਕ ਪਹੁੰਚਾਈਆਂ। ਇਸ ਤੋਂ ਬਾਅਦ ਇਸ ਪਿਸਟਲ ਨੂੰ ਜੇਲ੍ਹ ਕਰਮਚਾਰੀਆਂ ਦੀ ਮਦਦ ਨਾਲ ਅੰਦਰ ਲੁਕਾਇਆ ਗਿਆ। ਹਾਲਾਂਕਿ ਹੁਣੇ ਇਹ ਸਾਫ਼ ਨਹੀਂ ਹੋ ਸਕਿਆ ਕਿ ਜੇਲ੍ਹ ਵਿਚ ਇਹ ਪਿਸਟਲ ਕਿਵੇਂ ਦਾਖਲ ਕੀਤੀਆਂ ਗਈਆਂ ਪਰ ਕਿਹਾ ਜਾ ਰਿਹਾ ਹੈ ਕਿ ਇਸ ਵਿਚ ਜੇਲ੍ਹ ਕਰਮਚਾਰੀਆਂ ਨੇ ਮਦਦ ਕੀਤੀ।

ਰਾਬਿਨ ਵੀ ਫਰਾਰ ਹੈ ਅਤੇ ਉਸ ਨੂੰ ਫੜਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।  ਰਾਬਿਨ ਦੇ ਫੜੇ ਜਾਣ ਤੋਂ ਬਾਅਦ ਖੁਲਾਸਾ ਹੋ ਸਕਦਾ ਹੈ ਕਿ ਜੇਲ੍ਹ ਦੇ ਅੰਦਰ ਪਿਸਟਲ ਕਿਵੇਂ ਪਹੁੰਚਾਈ ਗਈ। ਸੀਓ ਵੰਦਨਾ ਸ਼ਰਮਾ ਦਾ ਕਹਿਣਾ ਹੈ ਕਿ ਜੇਲ੍ਹ ਵਿਚ ਅਸਲਾ, ਕਾਰਤੂਸ ਕਿਵੇਂ ਪਹੁੰਚੇ, ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। 

ਰਾਠੀ ਦਾ ਖਾਸ ਹੈ ਰਾਬਿਨ : ਰਾਬਿਨ ਛਪਰੌਲੀ ਦਾ ਰਹਿਣ ਵਾਲਾ ਦੋਸ਼ੀ ਹੈ ਅਤੇ ਸੁਨੀਲ ਰਾਠੀ ਦਾ ਖਾਸ ਹੈ। ਰਾਠੀ ਲਈ ਰਾਬਿਨ ਨੇ ਪਹਿਲਾਂ ਵੀ ਕਈ ਵਾਰਦਾਤਾਵਾਂ ਅੰਜਾਮ ਦਿਤੀਆਂ ਹਨ। ਰੁਡ਼ਕੀ ਜੇਲ੍ਹ ਦੇ ਬਾਹਰ ਹੋਈ ਗੈਂਗਵਾਰ ਵਿਚ ਵੀ ਰਾਬਿਨ ਦਾ ਨਾਮ ਸਾਹਮਣੇ ਆਇਆ ਸੀ। ਕੁੱਝ ਸਾਲ ਪਹਿਲਾਂ ਬਾਗਪਤ ਤੋਂ ਜਦੋਂ ਸੁਨੀਲ ਰਾਠੀ ਦਾ ਸ਼ੂਟਰ ਅਮਿਤ ਉਰਫ਼ ਭੂਰਾ ਫਰਾਰ ਹੋਇਆ ਸੀ, ਉਸ ਸਮੇਂ ਵੀ ਰਾਬਿਨ ਅਤੇ ਉਸ ਦਾ ਭਰਾ ਵਾਰਦਾਤ ਵਿਚ ਸ਼ਾਮਿਲ ਸਨ। ਭੂਰਾ ਅਤੇ ਰਾਬਿਨ ਪੁਲਿਸ ਤੋਂ ਏ ਕੇ-47 ਲੁੱਟ ਕੇ ਭੱਜੇ ਸਨ।  

ਦੋ ਮੈਗਜੀਨ, 22 ਜਿੰਦਾ ਕਾਰਤੂਸ ਮਿਲੇ : ਬਾਗਪਤ ਜਿਲਾ ਜੇਲ੍ਹ ਦੇ ਗਟਰ ਤੋਂ ਮੁੰਨਾ ਬਜਰੰਗੀ ਦੀ ਹੱਤਿਆ ਵਿਚ ਪ੍ਰਯੋਗ ਕੀਤੀ ਗਈ ਪਿਸਟਲ ਦੇ ਨਾਲ ਦੋ ਮੈਗਜ਼ੀਨ ਅਤੇ ਕਰੀਬ ਦੋ ਦਰਜਨ ਜ਼ਿੰਦਾ ਕਾਰਤੂਸ ਮਿਲੇ ਹਨ। ਇਹ ਸਾਰੇ ਪਾਬੰਦੀਸ਼ੁਦਾ ਚੀਜ਼ਾਂ ਜੇਲ੍ਹ ਵਿਚ ਕਿਵੇਂ ਪਹੁੰਚੀਆਂ, ਪੁਲਿਸ ਇਸ ਦੀ ਜਾਂਚ ਵਿਚ ਜੁੱਟ ਗਈ ਹੈ। ਮੁੰਨਾ ਬਜਰੰਗੀ ਦੀ ਹੱਤਿਆ ਤੋਂ ਬਾਅਦ ਪੁੱਛਗਿਛ ਦੇ ਦੌਰਾਨ ਸੁਨੀਲ ਰਾਠੀ ਨੇ ਹੱਤਿਆ ਵਿਚ ਵਰਤੀ ਗਈ ਪਿਸਟਲ ਜੇਲ੍ਹ ਦੇ ਗਟਰ ਵਿਚ ਸੁੱਟਣ ਦੀ ਜਾਣਕਾਰੀ ਅਧਿਕਾਰੀਆਂ ਨੂੰ ਦਿਤੀ ਸੀ। ਪੁਲਿਸ ਪ੍ਰਧਾਨ ਨੇ ਉਦੋਂ ਗਟਰ ਸਾਫ਼ ਕਰਨ ਲਈ ਸਫਾਈ ਯੰਤਰ ਮੰਗਾ ਲਏ ਸਨ। ਸੋਮਵਾਰ ਦੇਰ ਰਾਤ ਤਕ ਗਟਰ ਦੀ ਸਫਾਈ ਚੱਲਦੀ ਰਹੀ। ਇਸ ਤੋਂ ਬਾਅਦ ਉੱਥੇ ਤੋਂ ਪਿਸਟਲ ਦੇ ਨਾਲ ਦੋ ਖਾਲੀ ਮੈਗਜ਼ੀਨ ਅਤੇ 22 ਜਿੰਦਾ ਕਾਰਤੂਸ ਮਿਲੇ। ਪੁਲਿਸ ਨੇ ਸਾਰਾ ਸਮਾਨ ਕੱਬਜ਼ੇ ਵਿਚ ਲੈ ਲਿਆ।  

ਇਕ ਤੋਂ ਜ਼ਿਆਦਾ ਪਿਸਟਲ ਦੀ ਵਰਤੋਂ : ਆਧਿਕਾਰੀਆਂ ਨੂੰ ਕਾਰਤੂਸ ਦੇ ਖੋਖੇ ਤਾਂ ਮੁੰਨਾ ਬਜਰੰਗੀ ਦੀ ਲਾਸ਼ ਦੇ ਕੋਲ ਪਾਏ ਗਏ ਸਨ ,ਪਰ ਪਿਸਟਲ ਲੱਭਣ ਵਿਚ 14 ਘੰਟੇ ਲੱਗ ਗਏ। ਪਿਸਟਲ ਦੇ ਨਾਲ ਹੀ ਗਟਰ ਤੋਂ ਦੋ ਮੈਗਜ਼ੀਨ ਅਤੇ 22 ਜਿੰਦਾ ਕਾਰਤੂਸ ਮਿਲੇ ਤਾਂ ਅਫ਼ਸਰਾਂ ਦੀ ਅੱਖਾਂ ਖੁਲ੍ਹਿਆਂ ਰਹਿ ਗਈਆਂ। ਕਿਹਾ ਜਾ ਰਿਹਾ ਹੈ ਕਿ ਇਸ ਹਤਿਆਕਾਂਡ ਨੂੰ ਅੰਜਾਮ ਦੇਣ ਲਈ ਇਕ ਤੋਂ ਜ਼ੀਆਦਾ ਪਿਸਟਲ ਦੀ ਵਰਤੋਂ ਕਿਤਾ ਗਿਆ ਹੈ ਪਰ ਕੋਈ ਵੀ ਅਧਿਕਾਰੀ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕਰ ਰਿਹਾ ਹੈ।  

ਦੋ ਗੇਟ ਪਾਰ ਕਰ ਗਟਰ 'ਚ ਸੁੱਟੀ ਪਿਸਟਲ : ਜੇਲ੍ਹ ਵਿਚ ਮੁੰਨਾ ਬਜਰੰਗੀ ਦੀ ਹੱਤਿਆ ਤਨਹਾਈ ਬੈਰਕ ਦੇ ਸਾਹਮਣੇ ਕੀਤੀ ਗਈ। ਉਥੇ ਤੋਂ ਅਹਾਤੇ ਦੇ ਗਟਰ ਦੀ ਦੂਰੀ ਕਰੀਬ 200 ਮੀਟਰ ਹੈ। ਤਨਹਾਈ ਬੈਰਕ ਤੋਂ ਉੱਥੇ ਤਕ ਪਹੁੰਚਣ ਲਈ ਦੋ ਗੇਟ ਪਾਰ ਕਰਨੇ ਪੈਂਦੇ ਹਨ। ਇਹਨਾਂ ਗੇਟਾਂ ਉਤੇ ਬੰਦੀ ਰਖਿਅਕ ਤਾਇਨਾਤ ਰਹਿੰਦੇ ਹਨ। ਹੁਣ ਸਵਾਲ ਇਹ ਉਠਦਾ ਹੈ ਕਿ ਦੋਸ਼ੀ ਨੇ ਉਥੇ ਪਿਸਟਲ ਅਤੇ ਕਾਰਤੂਸ ਕਿਵੇਂ ਪਹੁੰਚਾਏ। ਕਿਤੇ ਜੇਲ੍ਹ ਦੇ ਹੀ ਕਿਸੇ ਕਰਮਚਾਰੀ ਨੇ ਤਾਂ ਇਸ ਕੰਮ ਵਿਚ ਉਸ ਦਾ ਸਹਿਯੋਗ ਤਾਂ ਨਹੀਂ ਦਿਤਾ, ਪੁਲਿਸ ਪ੍ਰਸ਼ਾਸਨ ਇਸ ਦੀ ਵੀ ਜਾਂਚ ਕਰਾ ਰਿਹਾ ਹੈ। 

ਬਰਾਮਦ ਪਿਸਟਲ ਦੀ ਹੋਵੇਗੀ ਫਾਰੈਂਸਿਕ ਜਾਂਚ : ਪੁਲਿਸ ਪ੍ਰਧਾਨ ਜੈਪ੍ਰਕਾਸ਼ ਨੇ ਦੱਸਿਆ ਕਿ ਜੇਲ੍ਹ ਦੇ ਗਟਰ ਤੋਂ ਪਿਸਟਲ ਮਿਲ ਗਈ ਹੈ। ਇਸ ਪਿਸਟਲ ਦਾ ਮੁੰਨਾ ਬਜਰੰਗੀ ਦੀ ਹੱਤਿਆ ਵਿਚ ਵਰਤਿਆ ਜਾਣਾ ਦੱਸਿਆ ਜਾ ਰਿਹਾ ਹੈ। ਪਿਸਟਲ ਦੀ ਫਾਰੈਂਸਿਕ ਜਾਂਚ ਕਰਾਈ ਜਾਵੇਗੀ। ਉਸ ਤੋਂ ਬਾਅਦ ਹੀ ਪਤਾ ਚੱਲ ਸਕੇਗਾ ਕਿ ਇਸ ਪਿਸਟਲ ਨਾਲ ਹੱਤਿਆ ਹੋਈ ਹੈ ਜਾਂ ਨਹੀਂ। ਏਡੀਜੀ ਜੇਲ੍ਹ ਚੰਦਰਪ੍ਰਕਾਸ਼ ਨੇ ਮੰਗਲਵਾਰ ਨੂੰ ਜਿਲ੍ਹਾ ਜੇਲ੍ਹ ਦੀ ਜਾਂਚ ਕੀਤੀ। ਡੀਆਈਜੀ ਅਤੇ ਜੇਲ੍ਹ ਪ੍ਰਧਾਨ ਤੋਂ ਘਟਨਾ ਦੀ ਜਾਣਕਾਰੀ ਲਈ। ਇਸ ਦੌਰਾਨ ਉਨ੍ਹਾਂ ਨੇ ਨਾਮਜ਼ਦ ਦੋਸ਼ੀ ਸੁਨੀਲ ਰਾਠੀ ਤੋਂ ਵੀ ਘੰਟਿਆਂ ਤੱਕ ਪੁੱਛਗਿਛ ਕੀਤੀ।  ਉਨ੍ਹਾਂ ਨੇ ਕਿਹਾ ਕਿ ਦੋਸ਼ੀ ਦੀ ਜਾਂਚ ਬਾਗਪਤ ਪੁਲਿਸ ਕਰ ਰਹੀ ਹੈ। 

ਏਡੀਜੀ ਜੇਲ੍ਹ ਚੰਦਰਪ੍ਰਕਾਸ਼ ਮੰਗਲਵਾਰ ਦੁਪਹਿਰ ਬਾਗਪਤ ਜਿਲਾ ਜੇਲ੍ਹ ਪਹੁੰਚੇ। ਸੱਭ ਤੋਂ ਪਹਿਲਾਂ ਉਥੇ ਪਹੁੰਚ ਕੇ ਉਨ੍ਹਾਂ ਨੇ ਮੁੰਨਾ ਬਜਰੰਗੀ ਦੇ ਕਤਲ ਦੇ ਦੋਸ਼ੀ ਮਸ਼ਹੂਰ ਬਦਮਾਸ਼ ਸੁਨੀਲ ਰਾਠੀ ਤੋਂ ਘੰਟਿਆਂ ਤੱਕ ਪੁੱਛਗਿਛ ਕੀਤੀ। ਬਾਅਦ ਵਿਚ ਅਪਣੇ ਸਾਹਮਣੇ ਹੀ ਬੈਰਕਾਂ ਦੀ ਤਲਾਸ਼ੀ ਕਰਾਈ। ਜਗ੍ਹਾ - ਜਗ੍ਹਾ ਮਿਲੀ ਖਾਮੀਆਂ ਨੂੰ ਤੁਰਤ ਦੁਰੁਸਤ ਕਰਨ ਦੇ ਨਿਰਦੇਸ਼ ਵੀ ਉਨ੍ਹਾਂ ਨੇ ਜੇਲ੍ਹ ਅਧਿਕਾਰੀਆਂ ਨੂੰ ਦੇ ਦਿਤੇ। ਸੰਪਾਦਕਾਂ ਨਾਲ ਗੱਲ ਬਾਤ ਵਿਚ ਉਨ੍ਹਾਂ ਨੇ ਕਿਹਾ ਕਿ ਜੇਲ੍ਹ ਵਿਚ ਹੱਤਿਆ ਦੀ ਜਾਂਚ ਪੁਲਿਸ ਦੇ ਅਧਿਕਾਰੀ ਕਰ ਰਹੇ ਹਨ।

ਜੇਲ੍ਹ ਵਿਚ ਪਿਸਟਲ ਅਤੇ ਹੋਰ ਸਮਾਨ ਕਿਵੇਂ ਪਹੁੰਚਿਆ, ਇਸ ਦੀ ਜਾਂਚ ਡੀਆਈਜੀ ਜੇਲ੍ਹ ਕਰ ਰਹੇ ਹਨ। ਡੀਆਈਜੀ ਦੋ ਦਿਨ ਤੋਂ ਬਾਗਪਤ ਜੇਲ੍ਹ ਵਿਚ ਹੀ ਡੇਰਾ ਜਮਾਏ ਹੋਏ ਹਨ। ਜਾਂਚ ਵਿਚ ਜੋ - ਜੋ ਵੀ ਜੇਲ੍ਹ ਅਧਿਕਾਰੀ ਅਤੇ ਕਰਮਚਾਰੀ ਦੋਸ਼ੀ ਮਿਲਣਗੇ, ਉਨ੍ਹਾਂ ਦੇ ਖਿਲਾਫ਼ ਵੀ ਕਾਰਵਾਈ ਕੀਤੀ ਜਾਵੇਗੀ। ਜੇਲ੍ਹ ਵਿਚ ਕੈਮਰੇ ਲੱਗਣ ਵਿਚ ਹੋਈ ਦੇਰੀ ਦੇ ਸਵਾਲ ਉਤੇ ਉਨ੍ਹਾਂ ਨੇ ਕਿਹਾ ਕਿ ਕਾਗਜੀ ਪ੍ਰਕਿਰਿਆ ਵਿਚ ਦੇਰੀ ਹੋਈ ਹੈ। ਛੇਤੀ ਹੀ ਕੈਮਰੇ ਲਵਾ ਦਿੱਤੇ ਜਾਣਗੇ। ਇਸ ਤੋਂ ਇਲਾਵਾ ਬਾਗਪਤ ਪੁਲਿਸ ਅਤੇ ਕ੍ਰਾਈਮ ਬ੍ਰਾਂਚ ਦੀ ਟੀਮ ਵੀ ਦਿਨ ਵੀ ਬਜਰੰਗੀ ਹਤਿਆ ਮਾਮਲੇ ਨਾਲ ਜੁੜੇ ਤਾਰਾਂ ਨੂੰ ਲੱਭਣ ਵਿਚ ਜੁਟੀ ਰਹੀ। ਖਾਸ ਕਰ ਉਨ੍ਹਾਂ ਲੋਕਾਂ ਦੀ ਕੁੰਡਲੀ ਖੰਗਾਲੀ ਜਾ ਰਹੀ ਹੈ, ਜਿਨ੍ਹਾਂ ਨੇ ਪਿਛਲੇ ਕੁੱਝ ਦਿਨਾਂ ਵਿਚ ਸੁਨੀਲ ਰਾਠੀ ਅਤੇ ਦੂਜੇ ਬਦਮਾਸ਼ਾਂ ਨਾਲ ਮੁਲਾਕਾਤ ਕੀਤੀ ਹੈ। ਅਜਿਹੇ ਲੋਕਾਂ ਦੀ ਸੀਡੀਆਰ ਵੀ ਨਿਕਲਵਾਈ ਜਾ ਰਹੀ ਹੈ।