ਚੇਨਈ: ਤਾਮਿਲਨਾਡੂ ਵਿਚ ਹੋਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ਫਿਲਮ ਅਦਾਕਾਰ ਕਮਲ ਹਸਨ ਕੋਇੰਬਟੂਰ ਦੱਖਣੀ ਸੀਟ ਤੋਂ ਉਮੀਦਵਾਰ ਹੋਣਗੇ। ਉਨ੍ਹਾਂ ਨੇ ਸ਼ੁਕਰਵਾਰ ਨੂੰ ਅਪਣੀ ਪਾਰਟੀ ਮੱਕਲ ਨੀਧੀ ਮਾਇਆਮ (ਐਮਐਨਐਮ) ਦੇ ਉਮਿਦਵਾਰਾਂ ਦੀ ਦੂਜੀ ਸੂਚੀ ਜਾਰੀ ਕੀਤੀ, ਇਸਦੇ ਅਧੀਨ ਮੁਕਾਂਬਿਕਾ ਨੂੰ ਉਦਮਲਪੇਟ ਸੀਟ ਤੋਂ ਉਮੀਦਵਾਰ ਬਣਾਇਆ ਗਿਆ ਹੈ।

ਪਾਝਾ ਕਾਰੁਪਿਆ ਨੂੰ ਟੀ ਨਗਰ ਸੀਟ ਤੋਂ, ਸ਼੍ਰੀਪ੍ਰਿਆ ਨੂੰ ਮਾਈਲਾਪੁਰ, ਸ਼ਰਦ ਬਾਬੂ ਨੂੰ ਅਲਾਨਦੁਰ, ਡਾ. ਸੰਤੋਸ਼ ਬਾਬੂ ਨੂੰ ਵੇਲਾਚੇਰੀ, ਡਾ. ਆਰ ਮਹੇਂਦਰਨ ਨੂੰ ਸਿਗਨਾਲੁਰ ਸੀਟ ਤੋਂ ਉਮੀਦਵਾਰ ਬਣਾਇਆ ਗਿਆ ਹੈ। ਮੱਕਲ ਨਿਧੀ ਮਾਇਆਮ (ਐਮਐਨਐਮ) ਦੇ ਕੰਨਿਆਕੁਮਾਰ ਲੋਕ ਸਭਾ ਸੀਟ ਉਤੇ ਹੋਣ ਵਾਲੀਆਂ ਉਪ ਚੋਣਾਂ ਦੇ ਲਈ ਡਾ. ਸ਼ੁਭਰਾ ਚਾਰਲਸ ਨੂੰ ਉਮੀਦਵਾਰ ਐਲਾਨਿਆ ਗਿਆ ਹੈ।

ਰਾਜ ਵਿਚ ਸਰਕਾਰ ਬਣਾਉਣ ਦਾ ਮੌਕਾ ਦਿੱਤੇ ਜਾਣ ਉਤੇ ਉਨ੍ਹਾਂ ਦੀ ਪਾਰਟੀ ਜੋ ਕੰਮ ਕਰੇਗੀ, ਉਸਦੇ ਬਾਰੇ ਦੱਸਦੇ ਹੋਏ ਅਦਾਕਾਰ ਤੋਂ ਨੇਤਾ ਬਣੇ ਕਮਲ ਹਸਨ ਨੇ ਕਿਹਾ ਕਿ ਸਰਕਾਰੀ ਸੈਕਟਰ ਵਿਚ ਮਹਿਲਾਵਾਂ ਦੇ ਲਈ 50 ਫੀਸਦੀ ਦਾ ਰਾਖਵਾਂਕਰਨ ਹੋਵੇਗਾ। ਸੈਨੇਟਰੀ ਨੈਪਕਿਨ ਦੇਣਾ, ਮਹਿਲਾਵਾਂ ਦੀ ਸੁਰੱਖਿਆ, ਐਮਐਨਐਮ ਪ੍ਰਮੁੱਖ ਨੇ ਨੌਜਵਾਨਾਂ ਦੇ ਲਈ 50 ਲੱਖ ਨੌਕਰੀਆਂ ਦੇਣ ਦਾ ਵੀ ਵਾਅਦਾ ਕੀਤਾ ਅਤੇ ਕਿਹਾ ਕਿ ਬੇਰੁਜਗਾਰੀ ਭੱਤੇ ਵਿਚ ਸੋਧ ਕੀਤੀ ਜਾਵੇਗੀ।