ਰੰਗ ਦਾ ਕੰਮ ਕਰ ਰਹੇ 2 ਮਜ਼ਦੂਰਾਂ ਦੀ ਕਰੰਟ ਲੱਗਣ ਨਾਲ ਹੋਈ ਦਰਦਨਾਕ ਮੌਤ

ਸਿਰਸਾ-ਸਿਰਸਾ ਦੇ ਡੱਬਵਾਲੀ ਤੋਂ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। ਇਥੋ ਦੇ ਦੇ ਚੌਟਾਲਾ ਰੋਡ ਸਥਿਤ ਸ਼ਰਮਾ ਸਵੀਟਸ ਐਂਡ ਗੈਸਟ ਹਾਊਸ ’ਤੇ ਰੰਗ ਦਾ ਕੰਮ ਕਰ ਰਹੇ 2 ਮਜ਼ਦੂਰਾਂ ਦੀ ਕਰੰਟ ਲੱਗਣ ਨਾਲ ਮੌਤ ਹੋ ਗਈ। ਜਾਣਕਾਰੀ ਅਨੁਸਾਰ 5 ਮਜ਼ਦੂਰ ਦੁਕਾਨ 'ਚ ਰੰਗ ਦਾ ਕੰਮ ਕਰ ਰਹੇ ਸਨ ਕਿ ਅਚਾਨਕ ਸਾਈਨ ਬੋਰਡ ’ਚ ਕਰੰਟ ਆ ਗਿਆ ਤੇ ਦੋ ਮਜ਼ਦੂਰਾਂ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ਜਦਕਿ ਤਿੰਨ ਗੰਭੀਰ ਜ਼ਖਮੀ ਹੋ ਗਏ।

ਇਹ ਵੀ ਪੜ੍ਹੋ : ਆਪ ਬਣੀ ਰਾਸ਼ਟਰੀ ਪਾਰਟੀ ਪਰ ਤ੍ਰਿਣਮੂਲ, ਕਮਿਊਨਿਸਟ ਤੇ ਐਨ.ਸੀ.ਪੀ. ਹੇਠਾਂ ਆ ਕੇ ਇਲਾਕਾਈ ਪਾਰਟੀਆਂ ਬਣੀਆਂ

ਮ੍ਰਿਤਕਾਂ ਦੀ ਪਛਾਣ ਸੋਨੂੰ ਤੇ ਆਕਾਸ਼ ਵਾਸੀ ਕਿਲਿਆਂਵਾਲੀ ਜ਼ਿਲ੍ਹਾ ਮੁਕਤਸਰ ਵਜੋਂ ਹੋਈ ਹੈ।  ਜਾਣਕਾਰੀ ਮੁਤਾਬਕ ਸ਼ਰਮਾ ਸਵੀਟਸ ਐਂਡ ਗੈਸਟ ਹਾਊਸ ’ਤੇ ਕਈ ਦਿਨਾਂ ਤੋਂ ਰੰਗ ਕਰਵਾਉਣ ਦਾ ਕੰਮ ਚੱਲ ਰਿਹਾ ਸੀ।

ਇਹ ਵੀ ਪੜ੍ਹੋ : ਅੱਜ ਦਾ ਹੁਕਮਨਾਮਾ (12 ਅਪ੍ਰੈਲ 2023)  

ਮੰਗਲਵਾਰ ਨੂੰ ਦੁਕਾਨ ’ਤੇ ਰੰਗ ਕਰਨ ਦੇ ਕੰਮ ’ਚ 5 ਮਜ਼ਦੂਰ ਲੱਗੇ ਹੋਏ ਸਨ। ਸੋਨੂੰ ਤੇ ਆਕਾਸ਼ ਵੀ ਰੰਗ ਦਾ ਕੰਮ ਕਰ ਰਹੇ ਸੀ। ਮ੍ਰਿਤਕਾਂ ਦੇ ਵਾਰਿਸਾਂ ਦਾ ਕਹਿਣਾ ਹੈ ਕਿ ਦੁਕਾਨਦਾਰ ਨੇ ਪੇਂਟਰਾਂ ਕੋਲੋਂ ਹੀ ਦੁਕਾਨ ਦੇ ਅੱਗੇ ਲੱਗਿਆ ਸਾਈਨ ਬੋਰਡ ਹਟਵਾਇਆ। ਸਾਈਨ ਬੋਰਡ ਹਟਾਉਂਦੇ ਸਮੇਂ ਉਹ ਬਿਜਲੀ ਦੀ ਤਾਰ ਨਾਲ ਉਲਝ ਗਿਆ, ਜਿਸ ਕਰ ਕੇ ਉਸ ’ਚ ਕਰੰਟ ਆ ਗਿਆ। ਕਰੰਟ ਦਾ ਝਟਕਾ ਲੱਗਣ ਕਰ ਕੇ ਸੋਨੂੰ ਤੇ ਆਕਾਸ਼ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ।