ਤੇਲ ਕੰਪਨੀਆਂ ਨੇ ਦਿੱਤਾ ਝਟਕਾ, ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ 100 ਨੂੰ ਪਾਰ
ਘਰੇਲੂ ਤੇਲ ਕੰਪਨੀਆਂ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ ਦਾ ਹਵਾਲਾ ਦਿੰਦਿਆਂ ਹਰ ਦਿਨ ਕੀਮਤਾਂ ਵਧਾ ਰਹੀਆਂ ਹਨ।
ਨਵੀਂ ਦਿੱਲੀ: ਪੈਟਰੋਲ( Petrol) ਅਤੇ ਡੀਜ਼ਲ( Diesel) ਦੀਆਂ ਕੀਮਤਾਂ 'ਤੇ ਕੋਈ ਲਗਾਮ ਲੱਗਦੀ ਨਹੀਂ ਦਿਸ ਰਹੀ। ਘਰੇਲੂ ਤੇਲ ਕੰਪਨੀਆਂ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ ਦਾ ਹਵਾਲਾ ਦਿੰਦਿਆਂ ਹਰ ਦਿਨ ਕੀਮਤਾਂ ਵਧਾ ਰਹੀਆਂ ਹਨ।
ਸਰਕਾਰੀ ਪੈਟਰੋਲੀਅਮ ਮਾਰਕੀਟਿੰਗ ਕੰਪਨੀਆਂ ਨੇ ਸ਼ਨੀਵਾਰ ਨੂੰ ਗਲੋਬਲ ਕੱਚੇ ਤੇਲ ਦੀ ਮਾਰਕੀਟ ਵਿਚ ਤੇਜ਼ੀ ਦੇ ਮੱਦੇਨਜ਼ਰ ਪੈਟਰੋਲ( Petrol) ਦੀ ਕੀਮਤ ਵਿਚ 27 ਪੈਸੇ ਪ੍ਰਤੀ ਲੀਟਰ ਅਤੇ ਡੀਜ਼ਲ ਵਿਚ 23 ਪੈਸੇ ਦਾ ਵਾਧਾ ਕੀਤਾ ਗਿਆ।
ਇਹ ਵੀ ਪੜ੍ਹੋ: ਮਾੜੇ ਹਾਲਾਤਾਂ ਤੋਂ ਦੁਖੀ ਨੌਜਵਾਨ ਨੇ ਚੁਣਿਆ ਖ਼ੁਦਕੁਸ਼ੀ ਦਾ ਰਾਹ ਪਰ ਇਕ ਸੋਚ ਨੇ ਬਦਲੀ ਜ਼ਿੰਦਗੀ
ਪੰਜਾਬ ਵਿਚ ਡੀਜ਼ਲ 89.71 ਰੁਪਏ ਵਿਕ ਰਿਹਾ ਹੈ ਜਦਕਿ ਪੈਟਰੋਲ 98.02 ਰੁਪਏ ਵਿਕ ਰਿਹਾ ਹੈ। 4 ਮਈ ਤੋਂ ਬਾਅਦ ਪੈਟਰੋਲੀਅਮ ਪਦਾਰਥਾਂ ਦੀਆਂ ਕੀਮਤਾਂ ਵਿਚ 23 ਗੁਣਾ ਵਾਧਾ ਕੀਤਾ ਗਿਆ ਹੈ, ਜਿਸ ਕਾਰਨ ਰਾਜਸਥਾਨ ਵਿਚ ਡੀਜ਼ਲ( Diesel) ਦੀ ਕੀਮਤ 100 / ਲੀਟਰ ਅਤੇ ਕਰਨਾਟਕ ਵਿਚ ਪੈਟਰੋਲ( Petrol) ਦੀ ਕੀਮਤ ਵੀ 100 / ਲੀਟਰ ਤੱਕ ਪਹੁੰਚ ਗਈ ਹੈ।
ਦਿੱਲੀ ਵਿਚ ਪੈਟਰੋਲ( Petrol) ਦੀ ਕੀਮਤ 96.12 ਰੁਪਏ ਪ੍ਰਤੀ ਲੀਟਰ ਅਤੇ ਡੀਜ਼ਲ( Diesel) ਦੀ ਕੀਮਤ 86.98 ਰੁਪਏ ਪ੍ਰਤੀ ਲੀਟਰ 'ਤੇ ਪਹੁੰਚ ਗਈ ਹੈ।
ਭਾਰਤ ਵਿਚ ਡੀਜ਼ਲ( Diesel) ਦੀ ਕੀਮਤ ਨੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ ਅਤੇ ਪਹਿਲੀ ਵਾਰ 100 ਰੁਪਏ ਪ੍ਰਤੀ ਲੀਟਰ ਨੂੰ ਪਾਰ ਕਰ ਗਿਆ ਹੈ ਰਾਜਸਥਾਨ ਦੇ ਗੰਗਾਨਗਰ ਵਿੱਚ ਡੀਜ਼ਲ( Diesel) ਦੀ ਕੀਮਤ 100.05 ਰੁਪਏ ਪ੍ਰਤੀ ਲੀਟਰ ਤੱਕ ਪਹੁੰਚ ਗਈ ਹੈ।
ਇਹ ਵੀ ਪੜ੍ਹੋ: ਹਰਿਆਣਾ: ਪਹਾੜਪੁਰ ਵਿਖੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬੇਅਦਬੀ ਦਾ ਜਗੀਰ ਕੌਰ ਨੇ ਲਿਆ ਸਖ਼ਤ ਨੋਟਿਸ
ਕਰਨਾਟਕ ਵਿੱਚ, ਬੀਦਰ, ਬੇਲਾਰੀ, ਕਪਲ, ਦਵਾਂਗੇਰੇ, ਸ਼ਿਮੋਗਾ ਅਤੇ ਚਿਕਮਗਲੂਰ ਵਿੱਚ ਪੈਟਰੋਲ( Petrol) 100 ਰੁਪਏ ਤੋਂ ਉੱਪਰ ਵਿਕ ਰਿਹਾ ਹੈ। ਬੰਗਲੌਰ ਵਿਚ ਪੈਟਰੋਲ ਦੀ ਕੀਮਤ 99.39 ਰੁਪਏ ਅਤੇ ਡੀਜ਼ਲ ਦੀ ਕੀਮਤ 92.27 ਰੁਪਏ ਪ੍ਰਤੀ ਲੀਟਰ ਹੈ।