ਨਵੀਂ ਦਿੱਲੀ : ਓਡਿਸ਼ਾ ਵਿਚ ਪਾਰਾਦੀਪ ਤੱਟ ਦੇ ਕੋਲ ਤੱਟ ਰੱਖਿਆ ਕਰਮਚਾਰੀਆਂ ਦੁਆਰਾ ਕਥਿਤ ਰੂਪ ਤੋਂ ਕੀਤੀ ਗਈ ਗੋਲੀਬਾਰੀ ਵਿਚ ਇਕ ਮਛੇਰੇ ਦੀ ਮੌਤ ਹੋ ਗਈ। ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਦੱਸਿਆ ਕਿ ਇਹ ਘਟਨਾ ਸ਼ੁੱਕਰਵਾਰ ਰਾਤ ਦੀ ਹੈ ਜਦੋਂ ਬਾਲਾਸੋਰ ਜਿਲ੍ਹੇ ਦੇ ਸਿਮੁਲਿਆ ਪੁਲਿਸ ਥਾਣਾ ਖੇਤਰ ਦੇ ਤਹਿਤ ਆਉਣ ਵਾਲੇ ਨਾਰਨਪੁਰ ਪਿੰਡ ਦਾ ਮਾਇਆਧਰ ਮਲਿਕ ਗਹਿਰਮਾਥਾ ਦੇ ਨੇੜੇ ਇਕ ਕਿਸ਼ਤੀ ਚਲਾ ਰਿਹਾ ਸੀ। ਤੱਟ ਰੱਖਿਆ ਬਲ ਨੇ ਕਿਹਾ ਕਿ ਉਸ ਨੇ ਘਟਨਾ ਦੀ ਜਾਂਚ ਦੇ ਆਦੇਸ਼ ਦਿਤੇ ਹਨ।

ਤੱਟ ਰੱਖਿਆ ਬਲ ਨੇ ਇਕ ਬਿਆਨ ਵਿਚ ਕਿਹਾ ਕਿ ਭਾਰਤੀ ਤੱਟ ਰੱਖਿਆ ਪੋਤੋਂ ਨੇ ਗਹਿਰਮਾਥਾ ਤੱਟ ਉਤੇ ਇਕ ਸ਼ੱਕੀ ਕਿਸ਼ਤੀ ਦੇਖੀ। ਉਨ੍ਹਾਂ ਨੂੰ ਦੇਖਣ ਉਤੇ ਕਿਸ਼ਤੀ ਵਿਚ ਸਵਾਰ ਵਿਅਕਤੀ ਨੇ ਭੱਜਣ ਦੀ ਕੋਸ਼ਿਸ਼ ਪਰ ਜਦੋਂ ਬਲਾਂ ਨੇ ਕਿਸ਼ਤੀ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੇ ਬਚ ਕੇ ਭੱਜਣ ਦੀ ਕੋਸ਼ਿਸ਼ ਕੀਤੀ ਅਤੇ ਆਈਸੀਜੀ ਦੇ ਜਹਾਜ਼ ਵਿਚ ਟੱਕਰ ਵੀ ਮਾਰੀ। ਇਸ ਵਿਚ ਕਿਹਾ ਗਿਆ ਹੈ ਕਿ ਆਈਸੀਜੀ ਦੇ ਜਹਾਜ਼ਾਂ ਨੇ ਮੱਛੀ ਫੜਨ ਵਾਲੀ ਕਿਸ਼ਤੀ ਨੂੰ ਰੋਕਣ ਲਈ ਚੇਤਾਵਨੀ ਦਿੰਦੇ ਹੋਏ ਹਵਾ ਵਿਚ ਗੋਲੀਆਂ ਵੀ ਚਲਾਈਆਂ।

ਸ਼ੱਕੀ ਕਿਸ਼ਤੀ ਉਤੇ ਚੜ੍ਹਨ ਤੋਂ ਬਾਅਦ ਤੱਟ ਰੱਖਿਆ ਬਲ ਦੇ ਕਰਮਚਾਰੀਆਂ ਨੇ ਮਿਲਿਆ ਕਿ ਇਕ ਵਿਅਕਤੀ ਜਖ਼ਮੀ ਹੈ। ਉਸ ਨੂੰ ਹੁਣ ਬੰਦਰਗਾਹ ਉਤੇ ਲਿਆਇਆ ਗਿਆ ਅਤੇ ਪਾਰਾਦੀਪ ਪੋਰਟ ਹਸਪਤਾਲ ਵਿਚ ਭਰਤੀ ਕਰਵਾਇਆ ਗਿਆ, ਜਿਥੇ ਉਸ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿਤਾ ਗਿਆ। ਤੱਟ ਰੱਖਿਆ ਬਲ ਦੇ ਡੀਆਈਜੀ, ਪਾਰਾਦੀਪ, ਰਾਜੇਸ਼ ਮਕਵਾਨਾ ਨੇ ਕਿਹਾ, ‘‘ਤੱਟ ਰੱਖਿਆ ਬਲਾਂ ਦੇ ਕਰਮਚਾਰੀਆਂ ਨੇ ਇਸ ਸ਼ੱਕ ਵਿਚ ਗੋਲੀ ਚਲਾਈ ਕਿ ਕਿਸ਼ਤੀ ਵਿਚ ਕੁੱਝ ਰਾਸ਼ਟਰ ਵਿਰੋਧੀ ਤੱਤ ਹੋ ਸਕਦੇ ਹਨ। ਕਿਸ਼ਤੀ ਨੂੰ ਕਿਸੇ ਵੀ ਤਰ੍ਹਾਂ ਨਾਲ ਰੋਕਣਾ ਸੀ।’’