Rahul Gandhi

ਨਵੀਂ ਦਿੱਲੀ : ਭਗੋੜੇ ਕਾਰੋਬਾਰੀ ਵਿਜੇ ਮਾਲਿਆ ਦੇ ਵਿੱਤ ਮੰਤਰੀ ਅਰੁਣ ਜੇਟਲੀ ਨਾਲ ਮਿਲਣ ਦੇ ਦਾਅਵੇ ਨੂੰ ਲੈ ਕੇ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਵੀਰਵਾਰ ਨੂੰ ਜੇਟਲੀ 'ਤੇ ਮਾਲਿਆ ਦੇ ਨਾਲ ਮਿਲੀਭੁਗਤ ਦਾ ਇਲਜ਼ਾਮ ਲਗਾਇਆ ਅਤੇ ਕਿਹਾ ਕਿ ਜੇਟਲੀ ਨੂੰ ਇਹ ਦੱਸਣਾ ਚਾਹੀਦਾ ਹੈ ਕਿ ਇਹ ਸੱਭ ਉਨ੍ਹਾਂ ਨੇ ਖੁਦ ਤੋਂ ਕੀਤਾ ਜਾਂ ਇਸ ਦੇ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਆਰਡਰ ਆਇਆ ਸੀ। ਜੇਟਲੀ ਦੇ ਅਸਤੀਫੇ ਦੀ ਮੰਗ ਦੋਹਰਾਂਦੇ ਹੋਏ ਗਾਂਧੀ ਨੇ ਇਹ ਵੀ ਦਾਅਵਾ ਕੀਤਾ ਕਿ ਇਸ ਮਾਮਲੇ ਵਿਚ ਵਿੱਤ ਮੰਤਰੀ ਅਤੇ ਸਰਕਾਰ ਝੂਠ ਬੋਲ ਰਹੀ ਹੈ।

ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਦੇ ਸੀਨੀਅਰ ਨੇਤਾ ਪੀਐਲ ਪੁਨਿਆ ਸੰਸਦ ਦੇ ਕੇਂਦਰੀ ਚੈਂਬਰ ਵਿਚ ਹੋਈ ਜੇਟਲੀ ਮਾਲਿਆ ਦੀ 15 - 20 ਮਿੰਟ ਦੀ ਮੁਲਾਕਾਤ ਦੇ ਗਵਾਹ ਹਨ ਅਤੇ ਜੇਟਲੀ ਨੂੰ ਦੇਸ਼ ਨੂੰ ਦੱਸਣਾ ਚਾਹੀਦਾ ਹੈ ਕਿ ਮਾਲਿਆ ਨੂੰ ਭਜਾਉਣ ਲਈ ਕੀ ਡੀਲ ਹੋਈ ਸੀ। ਗਾਂਧੀ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਕੱਲ ਜੇਟਲੀ ਜੀ ਨੇ ਕਿਹਾ ਕਿ ਵਿਜੇ ਮਾਲਿਆ ਨੇ ਉਨ੍ਹਾਂ ਨੂੰ ਸੰਸਦ ਵਿਚ ਗੈਰ-ਰਸਮੀ ਮੀਟਿੰਗ ਕਰ ਲਈ ਸੀ। ਉਹ ਲੰਮੇ - ਲੰਮੇ ਬਲਾਗ ਲਿਖਦੇ ਹਨ ਪਰ ਕਿਸੇ ਬਲਾਗ ਵਿਚ ਇਸ ਮੁਲਾਕਾਤ ਦਾ ਜ਼ਿਕਰ ਨਹੀਂ ਕੀਤਾ।

ਜੇਟਲੀ ਜੀ ਨੇ ਜੋ ਕਿਹਾ ਉਹ ਝੂਠ ਕਿਹਾ। ਸਾਡੀ ਪਾਰਟੀ ਦੇ ਨੇਤਾ ਪੀਐਲ ਪੁਨਿਆ ਜੀ ਨੇ ਦੇਖਿਆ ਕਿ ਦੋਹਾਂ ਵਿਚ ਸੰਸਦ ਦੇ ਕੇਂਦਰੀ ਚੈਂਬਰ ਵਿਚ ਮੁਲਾਕਾਤ ਹੋਈ ਸੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਵਿਚ ਦੋ ਸਵਾਲ ਉਠਦੇ ਹਨ। ਪਹਿਲਾ ਸਵਾਲ ਕਿ ਵਿੱਤ ਮੰਤਰੀ ਭਗੋੜੇ ਨਾਲ ਗੱਲ ਕਰਦੇ ਹਨ ਅਤੇ ਉਹ ਉਨ੍ਹਾਂ ਨੂੰ ਲੰਡਨ ਜਾਣ ਬਾਰੇ ਦੱਸਦਾ ਹੈ ਪਰ ਫਿਰ ਵੀ ਵਿੱਤ ਮੰਤਰੀ ਨੇ ਸੀਬੀਆਈ, ਈਡੀ ਜਾਂ ਪੁਲਿਸ ਨੂੰ ਕਿਉਂ ਨਹੀਂ ਕੀਤਾ ? ਗਾਂਧੀ ਨੇ ਇਹ ਵੀ ਪੁੱਛਿਆ ਕਿ ਡਿਟੇਨ ਨੋਟਿਸ ਨੂੰ ਇਨਫਾਰਮ ਨੋਟਿਸ ਵਿਚ ਕਿਸਨੇ ਬਦਲਵਾਇਆ ?

ਇਹ ਕੰਮ ਉਹੀ ਕਰ ਸਕਦਾ ਹੈ ਜੋ ਸੀਬੀਆਈ ਨੂੰ ਕਾਬੂ ਕਰਦਾ ਹੈ। ਜੇਕਰ ਜੇਟਲੀ ਜੀ ਨੇ ਖੁਦ ਕੀਤਾ ਤਾਂ ਦੱਸਣ। ਜੇਕਰ ਉਨ੍ਹਾਂ ਨੂੰ ਉਤੇ ਤੋਂ ਆਦੇਸ਼ ਮਿਲਿਆ ਤਾਂ ਵੀ ਉਹ ਵੀ ਦੱਸਣ। ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਇਹ ਬਿਲਕੁੱਲ ਸਪੱਸ਼ਟ ਮਾਮਲਾ ਹੈ। ਲੰਡਨ ਭੱਜਣ ਤੋਂ ਪਹਿਲਾਂ ਮਾਲਿਆ ਸੰਸਦ ਵਿਚ ਵਿੱਤ ਮੰਤਰੀ ਨਾਲ ਮਿਲਦਾ ਹੈ ਅਤੇ ਵਿੱਤ ਮੰਤਰੀ ਝੂਠ ਬੋਲਦੇ ਹਨ। ਇਹ ਪੂਰੀ ਤਰ੍ਹਾਂ ਨਾਲ ਮਿਲੀਭੁਗਤ ਹੈ। ਕੋਈ ਨਾ ਕੋਈ ਡੀਲ ਹੋਈ ਹੈ। ਵਿੱਤ ਮੰਤਰੀ ਨੂੰ ਦੇਸ਼ ਨੂੰ ਕਾਰਨ ਦੱਸਣਾ ਚਾਹੀਦਾ ਹੈ ਅਤੇ ਉਨ੍ਹਾਂ ਨੂੰ ਅਸਤੀਫਾ ਦੇਣਾ ਚਾਹੀਦਾ ਹੈ।

ਇਹ ਪੁੱਛੇ ਜਾਣ 'ਤੇ ਕਿ ਕੀ ਉਹ ਪ੍ਰਧਾਨ ਮੰਤਰੀ ਦੀ ਭੂਮਿਕਾ 'ਤੇ ਸਵਾਲ ਕਰ ਰਹੇ ਹਨ ਤਾਂ ਗਾਂਧੀ ਨੇ ਕਿਹਾ ਕਿ ਬਿਲਕੁੱਲ। ਪ੍ਰਧਾਨ ਮੰਤਰੀ ਜੀ ਇਸ ਸਰਕਾਰ ਵਿਚ ਸਾਰੇ ਫੈਸਲੇ ਕਰਦੇ ਹਨ। ਜੇਟਲੀ ਜੀ ਦੱਸਣ ਕਿ ਕੀ ਉਨ੍ਹਾਂ ਨੇ ਖੁਦ ਇਕ ਅਪਰਾਧੀ ਨੂੰ ਦੇਸ਼ ਤੋਂ ਭੱਜਣ ਦਿਤਾ ਜਾਂ ਫਿਰ ਮੋਦੀ ਜੀ ਦਾ ਆਰਡਰ ਆਇਆ ਸੀ ? ਦਰਅਸਲ, ਮਾਲਿਆ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਭਾਰਤ ਤੋਂ ਰਵਾਨਾ ਹੋਣ ਤੋਂ ਪਹਿਲਾਂ ਵਿੱਤ ਮੰਤਰੀ ਨੂੰ ਮਿਲਿਆ ਸੀ।  ਲੰਡਨ ਵਿਚ ਵੇਸਟਮਿੰਸਟਰ ਮਜਿਸਟ੍ਰੇਟ ਦੀ ਅਦਾਲਤ ਵਿਚ ਪੇਸ਼ ਹੋਣ ਲਈ ਪੁੱਜੇ ਮਾਲਿਆ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਸਨੇ ਮੰਤਰੀ ਨਾਲ ਮੁਲਾਕਾਤ ਕੀਤੀ ਸੀ ਅਤੇ ਬੈਂਕਾਂ ਦੇ ਮਾਮਲੇ ਦਾ ਨਬੇੜਾ ਕਰਨ ਦੀ ਪੇਸ਼ਕਸ਼ ਕੀਤੀ ਸੀ।

ਉਧਰ, ਵਿੱਤ ਮੰਤਰੀ ਨੇ ਮਾਲਿਆ ਦੇ ਬਿਆਨ ਨੂੰ ਝੂਠਾ ਕਰਾਰ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ 2014 ਤੋਂ ਬਾਅਦ ਉਸ ਨੂੰ ਕਦੇ ਮਿਲਣ ਦਾ ਸਮਾਂ ਨਹੀਂ ਦਿਤਾ। ਜੇਟਲੀ ਨੇ ਕਿਹਾ ਕਿ ਮਾਲਿਆ ਰਾਜ ਸਭਾ ਮੈਂਬਰ ਦੇ ਤੌਰ 'ਤੇ ਹਾਸਲ ਵਿਸ਼ੇਸ਼ ਅਧਿਕਾਰ ਦੀ ਗਲਤ ਵਰਤੋਂ ਕਰਦੇ ਹੋਏ ਸੰਸਦ - ਭਵਨ ਦੇ ਗਲਿਆਰੇ ਵਿਚ ਉਨ੍ਹਾਂ ਦੇ ਕੋਲ ਆ ਗਿਆ ਸੀ। ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਕੱਲ ਮਾਲਿਆ ਦੇ ਦਾਅਵੇ ਨੂੰ ਗੰਭੀਰ ਇਲਜ਼ਾਮ ਕਰਾਰ ਦਿਤਾ ਸੀ ਅਤੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮੋਦੀ ਨੂੰ ਜਾਂਚ ਦਾ ਆਦੇਸ਼ ਦੇਣਾ ਚਾਹੀਦਾ ਹੈ ਅਤੇ ਜਾਂਚ ਪੂਰੀ ਹੋਣ ਤੱਕ ਜੇਟਲੀ ਨੂੰ ਅਸਤੀਫਾ ਦੇ ਦੇਣੇ ਚਾਹੀਦਾ ਹੈ।