ਜੈਪੁਰ :- ਜੋ ਵੀ ਲੋਕ ਗਲੀ ਵਿਚ ਘੁੰਮਣ ਵਾਲੀਆਂ ਗਾਵਾਂ ਨੂੰ ਗੋਦ ਲੈਣਗੇ ਉਨ੍ਹਾਂ ਨੂੰ ਰਾਜਸਥਾਨ ਦੀ ਕਾਂਗਰਸ ਸਰਕਾਰ ਗਣਤੰਤਰ ਦਿਵਸ ਅਤੇ ਆਜ਼ਾਦੀ ਦਿਵਸ 'ਤੇ ਸਨਮਾਨਿਤ ਕਰੇਗੀ। ਇਹ ਗੱਲ ਜ਼ਿਲ੍ਹਾ ਕਲੈਕਟਰਾਂ ਨੂੰ ਦਿੱਤੇ ਆਦੇਸ਼ ਵਿਚ ਕਹੀ ਗਈ ਹੈ। ਗੋਪਾਲਨ ਡਾਇਰੈਕਟੋਰੇਟ, ਜੋ ਗਊਆਂ ਦੇ ਕਲਿਆਣ ਦੇ ਬਾਰੇ ਵਿਚ ਦੇਖਦਾ ਹੈ, ਉਸ ਨੇ ਕਿਹਾ ਹੈ ਕਿ ਚੈਰੀਟੇਬਲ ਅਤੇ ਸੰਵੇਦਨਸ਼ੀਲ ਨਾਗਰਿਕ ਜਿਨ੍ਹਾਂ ਨੇ ਸਟਰੇ (ਗਲੀ ਵਿਚ ਘੁੰਮਣ ਵਾਲੀ) ਗਊਆਂ ਨੂੰ ਗੋਦ ਲਿਆ ਹੈ, ਉਸ ਨੂੰ ਜ਼ਿਲ੍ਹਾ ਕਲੈਕਟਰ ਦੁਆਰਾ ਆਜ਼ਾਦੀ ਅਤੇ ਗਣਤੰਤਰ ਦਿਵਸ 'ਤੇ ਸਨਮਾਨਿਤ ਕੀਤਾ ਜਾਵੇਗਾ।

ਕਾਂਗਰਸ ਸਰਕਾਰ ਦੇ ਸੱਤਾ ਵਿਚ ਆਉਣ ਤੋਂ ਬਾਅਦ 28 ਦਸੰਬਰ ਨੂੰ ਇਹ ਆਰਡਰ ਜਾਰੀ ਹੋਇਆ ਹੈ। ਇਸ ਤੋਂ ਪਹਿਲਾਂ ਜਦੋਂ ਰਾਜ ਵਿਚ ਭਾਜਪਾ ਸਰਕਾਰ ਵੀ ਉਦੋਂ ਰਾਜਸਥਾਨ ਅਜਿਹਾ ਪਹਿਲਾ ਰਾਜ ਬਣਿਆ ਸੀ ਜਿੱਥੇ ਕੋਈ ਗਾਂ ਮੰਤਰੀ ਬਣਿਆ। ਇਹ ਅਹੁਦਾ ਓਟਾਰਾਮ ਦੇਵਾਸੀ ਨੂੰ ਦਿਤਾ ਗਿਆ ਸੀ। ਹੁਣ ਪ੍ਰਮੋਦ ਭਾਯਾ ਰਾਜ ਦੇ ਨਵੇਂ ਗਾਂ ਮੰਤਰੀ ਹਨ। ਇਸ ਆਦੇਸ਼ ਵਿਚ ਜ਼ਿਲ੍ਹਾ ਕਲੈਕਟਰਾਂ ਨੂੰ ਕਿਹਾ ਗਿਆ ਹੈ ਕਿ ਉਹ ਜਨਤਾ, ਦਾਨਸ਼ੀਲ ਲੋਕ, ਅਧਿਕਾਰੀ ਅਤੇ ਸਾਮਾਜਕ ਕਰਮਚਾਰੀਆਂ ਨੂੰ ਗਊਆਂ ਨੂੰ ਗੋਦ ਲੈਣ ਲਈ ਪ੍ਰੇਰਿਤ ਕਰੇ।

ਉਨ੍ਹਾਂ ਨੇ ਕਿਹਾ 'ਜੋ ਲੋਕ ਵੀ ਗਾਂ ਗੋਦ ਲੈਣਾ ਚਾਹੁੰਦੇ ਹਨ, ਉਹ ਸਥਾਨਕ ਗਾਵਾਂ ਦੁਆਰਾ ਤੈਅ ਕੀਤੀ ਗਈ ਇਕ ਵਿਸ਼ੇਸ਼ ਰਾਸ਼ੀ ਜਮ੍ਹਾ ਕਰ ਸਕਦੇ ਹਨ ਅਤੇ ਕਿਸੇ ਵੀ ਸਮੇਂ ਗਊਸ਼ਾਲਾ ਆ ਕੇ ਜਾਨਵਰਾਂ ਨੂੰ ਵੇਖ ਸਕਦੇ ਹਨ। ਜੇਕਰ ਕੋਈ ਉਨ੍ਹਾਂ ਵਿਚੋਂ ਕਿਸੇ ਗਾਂ ਨੂੰ ਗੋਦ ਲੈ ਕੇ ਅਪਣੇ ਘਰ ਲੈ ਜਾਣਾ ਚਾਹੁੰਦਾ ਹੈ ਤਾਂ ਲੈ ਜਾ ਸਕਦਾ ਹੈ। ਚੋਣਾਂ ਤੋਂ ਪਹਿਲਾਂ ਵੀ ਕਾਂਗਰਸ ਸਰਕਾਰ ਨੇ ਗਊਆਂ ਦੀ ਬਿਹਤਰੀ ਦਾ ਬਚਨ ਕੀਤਾ ਸੀ। ਗਊਆਂ ਨੂੰ ਗੋਦ ਲੈਣ ਵਾਲਾ ਇਹ ਆਵੇਦਨ ਜ਼ਿਲ੍ਹਾ ਕਲੈਕਟਰ, ਜੁਆਇੰਟ ਡਾਇਰੈਕਟਰ ਪਸ਼ੂ ਪਾਲਣ ਵਿਭਾਗ, ਸੂਚਨਾ ਅਤੇ ਜਨਸੰਪਰਕ ਵਿਭਾਗ ਅਤੇ ਸਭ ਡਿਵੀਜ਼ਨਲ ਅਫਸਰਾਂ ਨੂੰ ਨਿਰਧਾਰਤ ਕੀਤਾ ਜਾ ਸਕਦਾ ਹੈ।