ਨੀਦਰਲੈਂਡ 2022-23 ਵਿਚ ਭਾਰਤ ਦਾ ਤੀਜਾ ਸਭ ਤੋਂ ਵੱਡਾ ਬਣੇਗਾ ਵਪਾਰਕ ਭਾਈਵਾਲ

ਨਵੀਂ ਦਿੱਲੀ : ਨੀਦਰਲੈਂਡ ਅਮਰੀਕਾ ਅਤੇ ਸੰਯੁਕਤ ਅਰਬ ਅਮੀਰਾਤ (ਯੂ. ਏ. ਈ.) ਤੋਂ ਬਾਅਦ ਪਿਛਲੇ ਵਿੱਤੀ ਸਾਲ (2022-23) ਵਿਚ ਭਾਰਤ ਦੇ ਤੀਜੇ ਸਭ ਤੋਂ ਵੱਡੇ ਨਿਰਯਾਤ ਸਥਾਨ ਵਜੋਂ ਉਭਰਿਆ ਹੈ। ਭਾਰਤ ਇਨ੍ਹਾਂ ਦੇਸ਼ਾਂ ਨੂੰ ਪੈਟਰੋਲੀਅਮ ਉਤਪਾਦ, ਇਲੈਕਟ੍ਰਾਨਿਕ ਵਸਤੂਆਂ, ਰਸਾਇਣ ਅਤੇ ਐਲੂਮੀਨੀਅਮ ਵਸਤੂਆਂ ਦਾ ਨਿਰਯਾਤ ਕਰਦਾ ਹੈ। ਇਹ ਜਾਣਕਾਰੀ ਵਣਜ ਮੰਤਰਾਲੇ ਦੇ ਅੰਕੜਿਆਂ ਤੋਂ ਮਿਲੀ ਹੈ।

ਨੀਦਰਲੈਂਡ ਦੇ ਨਾਲ ਭਾਰਤ ਦਾ ਵਪਾਰ ਸਰਪਲੱਸ 2021-22 ਵਿਚ $8 ਬਿਲੀਅਨ ਤੋਂ ਵੱਧ ਕੇ 2022-23 ਵਿਚ $13 ਬਿਲੀਅਨ ਹੋਣ ਦੀ ਉਮੀਦ ਹੈ।
ਅੰਕੜੇ ਦਸਦੇ ਹਨ ਕਿ ਨੀਦਰਲੈਂਡ ਨੇ ਭਾਰਤ ਤੋਂ ਨਿਰਯਾਤ ਦੇ ਮਾਮਲੇ ਵਿਚ ਯੂਕੇ, ਹਾਂਗਕਾਂਗ, ਬੰਗਲਾਦੇਸ਼ ਅਤੇ ਜਰਮਨੀ ਨੂੰ ਪਿੱਛੇ ਛੱਡ ਦਿਤਾ ਹੈ।

ਨੀਦਰਲੈਂਡ ਨੂੰ ਭਾਰਤ ਦਾ ਨਿਰਯਾਤ 2021-22 ਦੇ 12.5 ਬਿਲੀਅਨ ਡਾਲਰ ਤੋਂ 2022-23 ਵਿਚ 18.52 ਬਿਲੀਅਨ ਡਾਲਰ ਤੱਕ ਲਗਭਗ 48 ਫੀਸਦੀ ਵਧਣ ਦਾ ਅਨੁਮਾਨ ਹੈ।

ਪੜ੍ਹੋ ਇਹ ਖ਼ਬਰ :ਪਟਿਆਲਾ : ਗੁਰਦੁਆਰਾ ਸ੍ਰੀ ਦੁਖ ਨਿਵਾਰਨ ਸਾਹਿਬ ’ਚ ਮਹਿਲਾ ਦਾ ਗੋਲੀਆਂ ਮਾਰ ਕੇ ਕਤਲ 

ਵਿੱਤੀ ਸਾਲ 2021-22 ਅਤੇ 2020-21 ਵਿਚ ਨੀਦਰਲੈਂਡ ਨੂੰ ਨਿਰਯਾਤ ਕ੍ਰਮਵਾਰ $12.55 ਬਿਲੀਅਨ ਅਤੇ $6.5 ਬਿਲੀਅਨ ਸੀ। ਨੀਦਰਲੈਂਡ ਨੂੰ ਨਿਰਯਾਤ 2000-01 ਤੋਂ ਲਗਾਤਾਰ ਵਧ ਰਿਹਾ ਹੈ।

ਪੜ੍ਹੋ ਇਹ ਖ਼ਬਰ : ਨਵਾਂਸ਼ਹਿਰ : ਮਾਂ ਦੇ ਸਸਕਾਰ ’ਤੇ ਜਾ ਰਹੇ ਪੁੱਤ ਦੀ ਸੜਕ ਹਾਦਸੇ ’ਚ ਮੌਤ 

ਨੀਦਰਲੈਂਡ 2020-21 ਵਿਚ ਭਾਰਤ ਦੇ ਸਭ ਤੋਂ ਵੱਡੇ ਨਿਰਯਾਤ ਸਥਾਨ ਦੇ ਰੂਪ ਵਿੱਚ ਨੌਵੇਂ ਸਥਾਨ 'ਤੇ ਸੀ। ਇਹ 2021-22 ਵਿਚ ਪੰਜਵੇਂ ਸਥਾਨ 'ਤੇ ਚਲਾ ਗਿਆ।
ਫੈਡਰੇਸ਼ਨ ਆਫ ਇੰਡੀਅਨ ਐਕਸਪੋਰਟ ਆਰਗੇਨਾਈਜ਼ੇਸ਼ਨਜ਼ (ਐਫਆਈਈਓ) ਦੇ ਡਾਇਰੈਕਟਰ ਜਨਰਲ ਅਜੇ ਸਹਾਏ ਨੇ ਕਿਹਾ ਕਿ ਨੀਦਰਲੈਂਡ ਕੁਸ਼ਲ ਬੰਦਰਗਾਹਾਂ ਅਤੇ ਸੜਕ, ਰੇਲਵੇ ਅਤੇ ਜਲ ਮਾਰਗਾਂ ਨਾਲ ਕੁਨੈਕਟੀਵਿਟੀ ਦੇ ਨਾਲ ਯੂਰਪ ਲਈ ਇੱਕ ਹੱਬ ਵਜੋਂ ਉਭਰਿਆ ਹੈ।