FILE PHOTO

ਨੌਪਦਾ: ਕੋਰੋਨਾ-ਵਾਇਰਸ ਕਾਰਨ ਦੇਸ਼ ਦੇ ਲੋਕਾਂ ਨੂੰ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।  ਇਹਨਾਂ ਵਿੱਚੋਂ ਇੱਕ ਸਮੱਸਿਆ ਹੈ ਆਰਥਿਕ ਜ਼ਰੂਰਤਾਂ ਪੂਰੀਆਂ ਕਰਨਾ। ਤਾਜ਼ਾ ਮਾਮਲਾ ਉੜੀਸਾ ਦੇ ਨੌਪਦਾ ਦਾ ਹੈ, ਜਿੱਥੇ ਇਕ ਔਰਤ ਆਪਣੀ 120 ਸਾਲਾ ਮਾਂ ਨੂੰ ਵਿਲੱਖਣ ਢੰਗ ਨਾਲ ਬੈਂਕ ਲੈ ਕੇ ਜਾਂਦੀ ਵੇਖੀ ਗਈ।

ਦਰਅਸਲ, ਬੈਂਕ ਨੇ ਖਾਤਾ ਧਾਰਕ ਦੀ ਸਰੀਰਕ ਤਸਦੀਕ ਕਰਨ ਲਈ ਕਿਹਾ ਸੀ, ਇਸ ਲਈ ਇਹ ਔਰਤ ਆਪਣੀ 120 ਸਾਲਾ ਮਾਂ ਨੂੰ ਮੰਜੇ ਸਮੇਤ ਬੈਂਕ ਵੱਲ ਤੁਰ ਪਈ। ਹੈਰਾਨੀ ਦੀ ਗੱਲ ਹੈ ਕਿ ਮਾਂ ਨੂੰ ਮੰਜੇ ਦੇ ਨਾਲ ਖਿੱਚਣ ਵਾਲੀ ਇਹ ਔਰਤ ਵੀ 70 ਸਾਲਾਂ ਦੀ ਹੈ। ਇਹ ਔਰਤ ਆਪਣੀ ਮਾਂ ਦੀ ਪੈਨਸ਼ਨ ਲੈਣ ਲਈ ਬੈਂਕ ਗਈ ਸੀ।

ਇਹ ਮਾਮਲਾ ਬੁੱਧਵਾਰ ਨੂੰ ਨੌਪੜਾ ਦੇ ਪਿੰਡ ਬਰਾਗਨ ਵਿੱਚੋਂ ਸਾਹਮਣੇ ਆਇਆ। 120 ਸਾਲ ਦੀ ਔਰਤ ਜਿਸ ਨੂੰ ਮੰਜੇ  ਸਮੇਤ ਖਿੱਚਿਆ ਗਿਆ। ਨੌਪਦਾ ਦੇ ਜ਼ਿਲ੍ਹਾ ਵਿਧਾਇਕ ਰਾਜੂ  ਢੋਲਕੀਆ ਨੇ ਕਿਹਾ ਮੈਂ ਇਸ ਕੇਸ ਦੀ ਸਖਤ ਨਿੰਦਾ ਕਰਦਾ ਹਾਂ। ਮੈਂ ਸਰਕਾਰ ਨੂੰ ਬੇਨਤੀ ਕਰਦਾ ਹਾਂ ਕਿ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾਵੇ।

ਪ੍ਰਾਪਤ ਜਾਣਕਾਰੀ ਅਨੁਸਾਰ, 120 ਸਾਲਾ ਮਾਂ ਨੇ ਆਪਣੀ 70 ਸਾਲ ਦੀ ਬੇਟੀ ਗੁੰਜਾ ਦੇਵੀ ਨੂੰ ਬੈਂਕ ਤੋਂ 1500 ਰੁਪਏ ਕਢਵਾਉਣ  ਲੈਣ ਲਈ ਭੇਜਿਆ ਸੀ, ਪਰ ਬੈਂਕ ਅਧਿਕਾਰੀ ਨੇ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਖਾਤਾ ਧਾਰਕ ਦੀ ਸਰੀਰਕ ਤਸਦੀਕ ਕਰਨ ਲਈ ਕਿਹਾ।

ਅਜਿਹੀ ਸਥਿਤੀ ਵਿੱਚ ਗੁੰਜਾ ਦੇਵੀ ਕੋਲ ਆਪਣੀ ਮਾਂ ਨੂੰ ਮੰਜੇ ਸਮੇਤ ਖਿੱਚਣ ਤੋਂ ਇਲਾਵਾ ਹੋਰ ਕੋਈ ਚਾਰਾ ਨਹੀਂ ਸੀ। ਹਾਲਾਂਕਿ, ਖਾਤਾ ਧਾਰਕ ਨੂੰ ਵੇਖਦਿਆਂ ਬੈਂਕ ਨੇ ਪੈਨਸ਼ਨ ਜਾਰੀ ਕੀਤੀ।

ਇਕ ਹੋਰ ਸਥਾਨਕ ਵਿਧਾਇਕ ਅਧੀਰਾਜ ਪਾਨੀਗੜ੍ਹੀ ਨੇ ਬੈਂਕ ਕਰਮਚਾਰੀਆਂ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ