Suman rao

ਨਵੀਂ ਦਿੱਲੀ: ਰਾਜਸਥਾਨ ਦੀ ਸੁਮਨ ਰਾਓ ਨੇ ਮਿਸ ਇੰਡੀਆ 2019 ਦਾ ਖ਼ਿਤਾਬ ਜਿੱਤ ਲਿਆ ਹੈ। 22 ਸਾਲ ਦੀ ਸੁਮਨ ਸੀਏ ਦੀ ਤਿਆਰੀ ਕਰ ਰਹੀ ਹੈ। ਸ਼ਨੀਵਾਰ ਨੂੰ ਮੁੰਬਈ ਦੇ ਵੱਲਭ ਭਾਈ ਪਟੇਲ ਸਟੇਡੀਅਮ ਵਿਚ ਅਯੋਜਿਤ ਕੀਤੇ ਗਏ ਇਸ ਸਮਾਰੋਹ ਵਿਚ ਸੁਮਨ ਰਾਓ ਨੂੰ 2018 ਦੀ ਵਿਜੈਤਾ ਅਨੁਕ੍ਰਤਿ ਦਾਸ ਨੇ ਮਿਸ ਇੰਡੀਆ ਦਾ ਤਾਜ ਪਹਿਨਾਇਆ।

ਮਿਸ ਇੰਡੀਆ 2019 ਦੇ ਸਮਾਰੋਹ ਦੌਰਾਨ ਕੈਟਰੀਨਾ ਕੈਫ਼, ਵਿੱਕੀ ਕੌਸ਼ਲ, ਮੋਨੀ ਰਾਏ, ਹੁਮਾ ਕੁਰੈਸ਼ੀ ਅਤੇ ਦੀਆ ਮਿਰਜ਼ਾ ਵਗਰੇ ਕਈ ਬਾਲੀਵੁੱਡ ਦੇ ਸਿਤਾਰੇ ਨਜ਼ਰ ਆਏ। ਸੁਮਨ ਰਾਓ 2018 ਵਿਚ ਪਹਿਲੀ ਰਨਰ ਅੱਪ ਵੀ ਰਹਿ ਚੁਕੀ ਹੈ, 2018 ਵਿਚ ਅਸਫ਼ਲ ਹੋਣ ਤੋਂ ਬਾਅਦ ਉਹਨਾਂ ਨੇ 2019 ਨੂੰ ਅਪਣੀ ਮਿਹਨਤ ਨਾਲ ਅਪਣਾ ਸੁਪਨਾ ਪੂਰਾ ਕਰ ਲਿਆ ਅਤੇ ਇਹ ਤਾਜ ਹਾਸਿਲ ਕੀਤਾ। ਸੁਮਨ ਥਾਈਲੈਂਡ ਵਿਚ ਹੋਣ ਵਾਲੇ ਮਿਸ ਵਰਲਡ ਕੱਪ 2019 ਵਿਚ ਭਾਰਤ ਦੀ ਨੁਮਾਇੰਦਗੀ ਕਰੇਗੀ। ਫੈਮਿਨਾ ਮਿਸ ਇੰਡੀਆ ਦਾ ਖ਼ਿਤਾਬ ਜਿੱਤਣ ਤੋਂ ਬਾਅਦ ਸੁਮਨ ਰਾਓ ਮਿਸ ਵਰਲਡ ਵਿਚ ਹਿੱਸਾ ਲਵੇਗੀ।

ਸੁਮਨ ਨੇ ਖ਼ਿਤਾਬ ਜਿੱਤਿਆ ਤਾਂ ਉਥੇ ਹੀ ਤੇਲੰਗਾਨਾ ਦੀ ਸੰਜਨਾ ਪਹਿਲੀ ਰਨਰ ਅੱਪ ਰਹੀ ਅਤੇ ਬਿਹਾਰ ਦੀ ਸ਼੍ਰੇਆ ਸ਼ੰਕਰ ਨੇ ਮਿਸ ਇੰਡੀਆ ਯੂਨਾਇਟਿਡ ਕਾਂਟਿਨੇਂਟ ਦਾ ਖ਼ਿਤਾਬ ਜਿੱਤਿਆ। ਇਸ ਸਮਾਰੋਹ ਨੂੰ ਬਾਲੀਵੁੱਡ ਫ਼ਿਲਮ ਨਿਰਮਾਤਾ ਕਰਨ ਜੌਹਰ ਅਤੇ ਅਦਾਕਾਰ ਮਨੀਸ਼ ਪਾਲ ਨੇ ਹੋਸਟ ਕੀਤਾ। ਉਥੇ ਹੀ ਕੈਟਰੀਨੇ ਕੈਫ, ਵਿੱਕੀ ਕੌਸ਼ਲ ਅਤੇ ਮੋਨੀ ਰਾਏ ਨੇ ਵੀ ਅਪਣੀ ਡਾਂਸ ਪਰਫਾਰਮੈਂਸ ਦਿੱਤੀ।