ਨਵੀਂ ਦਿੱਲੀ: ਭਾਰਤੀ ਜਨਤਾ ਪਾਰਟੀ ਦੀ ਸੰਸਦੀ ਦਲ ਬੈਠਕ ਮੰਗਲਵਾਰ ਨੂੰ ਸੰਸਦ ਲਾਇਬਰੇਰੀ ਬਿਲਡਿੰਗ ‘ਚ ਹੋਈ। ਬੈਠਕ ਦੀ ਪ੍ਰਧਾਨਗੀ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅਤੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕੀਤੀ। ਇਸ ਦੌਰਾਨ ਪੀਐਮ ਨੇ ਸੰਸਦਾਂ ਨੂੰ ਸਮਾਜ ਸੇਵਾ ਨਾਲ ਜੁੜਣ ਲਈ ਕਿਹਾ ਨਾਲ ਹੀ ਮੰਤਰੀਆਂ ਦੇ ਕੰਮ ਨੂੰ ਲੈ ਕੇ ਸਖ਼ਤੀ ਵੀ ਵਿਖਾਈ। ਉਨ੍ਹਾਂ ਨੇ ਕਿਹਾ ਕਿ ਡਿਊਟੀ ਤੋਂ ਬਾਅਦ ਵੀ ਮੰਤਰੀਆਂ ਦੇ ਨਾ ਆਉਣ ‘ਤੇ ਵਿਰੋਧੀ ਪੱਖ ਸ਼ਿਕਾਇਤ ਕਰਦਾ ਹੈ। ਉਨ੍ਹਾਂ ਨੇ ਅਜਿਹੇ ਮੰਤਰੀਆਂ ਦੇ ਨਾਮ ਵੀ ਮੰਗੇ ਜੋ ਡਿਊਟੀ ‘ਤੇ ਨਹੀਂ ਜਾਂਦੇ।

ਸੰਸਦਾਂ ਨੂੰ ਪੀਐਮ ਦੀ ਹਿਦਾਇਤ

ਪੀਐਮ ਨੇ ਬੈਠਕ ਵਿੱਚ ਸੰਸਦਾਂ ਨੂੰ ਕਿਹਾ ਕਿ ਆਪਣੇ ਖੇਤਰਾਂ ਲਈ ਚੰਗੇ ਤਰੀਕਿਆਂ ਨਾਲ ਸੋਚਿਆਂ ਕਰੋ। ਉਨ੍ਹਾਂ ਨੇ ਸੰਸਦਾਂ ਨੂੰ ਸਾਮਾਜਕ ਕੰਮਾਂ ਨਾਲ ਜੁੜਣ ਲਈ ਵੀ ਕਿਹਾ। ਪੀਐਮ ਨੇ ਪਸ਼ੂ ਪਾਲਨ ‘ਤੇ ਚਰਚਾ ਕਰਦੇ ਹੋਏ ਸੰਸਦਾਂ ਵਲੋਂ ਮਵੇਸ਼ੀਆਂ ਨਾਲ ਸਬੰਧੀ ਬੀਮਾਰੀਆਂ ਨਾਲ ਨਿਬੜਨ ਲਈ ਕਿਹਾ ਜੋ ਸਾਲ ਦੇ ਇਸ ਸਮੇਂ ‘ਚ ਕਾਫ਼ੀ ਫੈਲਣ ਲਗਦੀਆਂ ਹਨ। ਪੀਐਮ ਨੇ 115 ਪਛੜੇ ਜ਼ਿਲਿਆਂ ਵਿੱਚ ਖ਼ਾਸ ਤੌਰ ‘ਤੇ ਸੰਸਦਾਂ ਨੂੰ ਕੰਮ ਕਰਨ ਦੀ ਜ਼ਰੂਰਤ ਦੱਸੀ।

ਡਿਊਟੀ ਨੂੰ ਲੈ ਕੇ ਸਖਤੀ

ਇਸ ਦੌਰਾਨ ਪੀਐਮ ਨੇ ਡਿਊਟੀ ‘ਤੇ ਆਉਣ ਨੂੰ ਲੈ ਕੇ ਵੀ ਸੰਸਦਾਂ ‘ਤੇ ਸਖਤੀ ਵਿਖਾਈ। ਉਨ੍ਹਾਂ ਨੇ ਕਿਹਾ, ਜੋ ਮੰਤਰੀ ਰੋਸਟਰ ਡਿਊਟੀ ‘ਚ ਨਹੀਂ ਜਾਂਦੇ ਉਨ੍ਹਾਂ ਦੇ ਨਾਮ ਮੈਨੂੰ ਦਿਓ,  ਮੈਨੂੰ ਸਾਰਿਆ ਨੂੰ ਠੀਕ ਕਰਨਾ ਆਉਂਦਾ ਹੈ। ਪੀਐਮ ਨੇ ਦੱਸਿਆ ਕਿ ਰਾਜ ਸਭਾ ਅਤੇ ਲੋਕ ਸਭਾ ‘ਚ ਮੰਤਰੀਆਂ ਦੀ ਦੋ-ਦੋ ਘੰਟੇ ਦੀ ਡਿਊਟੀ ਲੱਗਦੀ ਹੈ ਕਈ ਵਾਰ ਮੰਤਰੀ ਸਦਨ ‘ਚ ਨਹੀਂ ਹੁੰਦੇ ਤਾਂ ਵਿਰੋਧੀ ਪੱਖ ਪੀਐਮ ਨੂੰ ਪੱਤਰ ਭੇਜ ਕੇ ਸ਼ਿਕਾਇਤ ਕਰਦਾ ਹੈ।