ਹਿਸਾਰ ਤੋਂ ਚੰਡੀਗੜ੍ਹ ਰੂਟ 'ਤੇ ਪਿਛਲੇ 7 ਸਾਲਾਂ ਤੋਂ ਬੰਦ ਲਗਜ਼ਰੀ ਬੱਸ ਸੇਵਾ ਮੁੜ ਹੋਈ ਸ਼ੁਰੂ

Hisar To Chandigarh Bus Service

 

ਹਿਸਾਰ: ਹਿਸਾਰ ਤੋਂ ਚੰਡੀਗੜ੍ਹ ਮਾਰਗ (Hisar To Chandigarh) 'ਤੇ ਪਿਛਲੇ 7 ਸਾਲਾਂ ਤੋਂ ਬੰਦ ਲਗਜ਼ਰੀ ਬੱਸ ਸੇਵਾ (Luxury Bus Service) ਇਕ ਵਾਰ ਫਿਰ ਸ਼ੁਰੂ ਕਰ ਦਿੱਤੀ ਗਈ ਹੈ। ਪਹਿਲਾਂ ਦੀ ਤਰ੍ਹਾਂ ਇਸ ਵਾਰ ਵੀ ਇਸ ਦਾ ਕਿਰਾਇਆ ਆਮ ਨਾਲੋਂ ਦੁੱਗਣਾ ਰੱਖਿਆ ਗਿਆ ਹੈ। ਯਾਤਰੀਆਂ ਨੂੰ ਬੱਸ ਵਿਚ AC, ਮੋਬਾਈਲ ਚਾਰਜਿੰਗ, ਬਿਹਤਰ ਸੀਟ ਦੀ ਸਹੂਲਤ ਮਿਲੇਗੀ। ਫਿਲਹਾਲ, ਇਸ ਰੂਟ ਤੇ ਅਜ਼ਮਾਇਸ਼ ਦੇ ਤੌਰ ਤੇ ਸਿਰਫ਼ ਇਕ ਬੱਸ ਹੀ ਚਲਾਈ ਜਾ ਰਹੀ ਹੈ। ਹਿਸਾਰ ਤੋਂ ਚੰਡੀਗੜ੍ਹ ਲਈ ਬੱਸ ਦਾ ਕਿਰਾਇਆ 510 ਰੁਪਏ ਹੋਵੇਗਾ, ਜੋ ਆਮ ਬੱਸ ਨਾਲੋਂ ਦੁੱਗਣਾ ਹੈ।

ਇਹ ਵੀ ਪੜ੍ਹੋ: ਪੰਜਾਬ ’ਚ ਹਾਈ ਅਲਰਟ ਮਗਰੋਂ ਚੰਡਗਿੜ੍ਹ ’ਚ ਧਾਰਾ 144 ਲਾਗੂ, ਡਰੋਨ ਉਡਾਉਣ ’ਤੇ ਵੀ ਲਗਾਈ ਪਾਬੰਦੀ

ਇਸ ਤੋਂ ਪਹਿਲਾਂ 2012 ਵਿਚ ਹਿਸਾਰ ਤੋਂ ਦਿੱਲੀ ਅਤੇ ਹਿਸਾਰ ਤੋਂ ਚੰਡੀਗੜ੍ਹ ਮਾਰਗ 'ਤੇ ਲਗਜ਼ਰੀ ਬੱਸਾਂ ਚਲਾਈਆਂ ਗਈਆਂ ਸਨ, ਪਰ ਦੋ ਸਾਲ ਬਾਅਦ ਉੱਚ-ਸੰਭਾਲ (High Maintenance) ਅਤੇ ਘੱਟ ਆਮਦਨੀ ਕਾਰਨ ਇਨ੍ਹਾਂ ਨੂੰ ਬੰਦ ਕਰ ਦਿੱਤਾ ਗਿਆ ਸੀ। ਹੁਣ 7 ਸਾਲਾਂ ਬਾਅਦ ਦੁਬਾਰਾ, ਇਕ ਰੂਟ 'ਤੇ ਲਗਜ਼ਰੀ ਬੱਸ ਸੇਵਾ ਸ਼ੁਰੂ ਕੀਤੀ ਗਈ ਹੈ। ਇਹ ਬੱਸ ਸਵੇਰੇ 6:10 ਵਜੇ ਹਿਸਾਰ ਤੋਂ ਰਵਾਨਾ ਹੋਵੇਗੀ ਅਤੇ ਨਰਵਾਣਾ, ਕੈਥਲ, ਪੇਹਵਾ, ਅੰਬਾਲਾ, ਜ਼ੀਰਕਪੁਰ ਦੇ ਰਸਤੇ ਰਾਹੀਂ ਚੰਡੀਗੜ੍ਹ ਜਾਵੇਗੀ।

ਇਹ ਵੀ ਪੜ੍ਹੋ: ਕਾਂਗਰਸੀ ਸੰਸਦ ਮੈਂਬਰ ਨੇ ਜੁੱਤੇ ਪਾ ਕੇ ਜਲਾਈ ਮਾਤਾ ਦੀ ਜੋਤ, ਛਿੜਿਆ ਵਿਵਾਦ 

ਇਹ ਬੱਸ ਸਵੇਰੇ 10:25 ਵਜੇ ਚੰਡੀਗੜ੍ਹ ਪਹੁੰਚੇਗੀ। ਵਾਪਸੀ ਵੇਲੇ ਇਹ ਬੱਸ ਚੰਡੀਗੜ੍ਹ ਤੋਂ ਸ਼ਾਮ 4:45 ਵਜੇ ਰਵਾਨਾ ਹੋਵੇਗੀ। ਪੇਹਵਾ ਵਿਖੇ ਬੱਸ 10 ਮਿੰਟ ਦਾ ਲਈ ਰੁਕੇਗੀ। ਬਰਵਾਲਾ ਦਾ ਕਿਰਾਇਆ 65 ਰੁਪਏ, ਨਰਵਾਨਾ 140, ਕੈਥਲ 230, ਪਿਹੋਵਾ 285, ਅੰਬਾਲਾ ਸਿਟੀ 385 ਅਤੇ ਚੰਡੀਗੜ੍ਹ 510 ਰੁਪਏ ਪ੍ਰਤੀ ਵਿਅਕਤੀ ਹੋਵੇਗਾ। ਇਹ ਬੱਸ ਉਨ੍ਹਾਂ ਲਈ ਇਕ ਵੱਡੀ ਸਹੂਲਤ ਸਾਬਤ ਹੋ ਸਕਦੀ ਹੈ ਜੋ ਸਵੇਰੇ ਕੰਮ ਲਈ ਚੰਡੀਗੜ੍ਹ ਜਾਂਦੇ ਹਨ ਅਤੇ ਸ਼ਾਮ ਨੂੰ ਵਾਪਸ ਆਉਂਦੇ ਹਨ।

ਇਹ ਵੀ ਪੜ੍ਹੋ: ਮੱਧ ਪ੍ਰਦੇਸ਼ ਵਿਚ ਵਾਪਰਿਆ ਦਰਦਨਾਕ ਸੜਕ ਹਾਦਸਾ, ਇੱਕੋ ਪਰਿਵਾਰ ਦੇ ਪੰਜ ਲੋਕਾਂ ਦੀ ਹੋਈ ਮੌਤ

ਟਰਾਂਸਪੋਰਟ ਮੈਨੇਜਰ (Transport Manager) ਸੁਖਦੇਵ ਸਿੰਘ ਅਨੁਸਾਰ ਹਿਸਾਰ ਤੋਂ ਚੰਡੀਗੜ੍ਹ ਤੱਕ ਲਗਜ਼ਰੀ ਬੱਸ ਸੇਵਾ ਲਈ ਸੀਟਾਂ ਆਨਲਾਈਨ ਬੁਕਿੰਗ (Online Seat Booking) ਰਾਹੀਂ ਬੁੱਕ ਕੀਤੀਆਂ ਜਾ ਸਕਦੀਆਂ ਹਨ। ਜਿਹੜੇ ਇੱਕ ਦਿਨ ਲਈ ਕੈਬ ਰਾਹੀਂ ਚੰਡੀਗੜ੍ਹ ਤੋਂ ਆਉਂਦੇ ਅਤੇ ਜਾਂਦੇ ਹਨ, ਉਨ੍ਹਾਂ ਨੂੰ ਹੁਣ ਇਸਦੀ ਜ਼ਰੂਰਤ ਨਹੀਂ ਹੋਏਗੀ।