ਹਰਿਆਣਾ 'ਚ ਹੋਣ ਵਾਲੀ ਸੋਨੀਆ ਗਾਂਧੀ ਦੀ ਇਕਲੌਤੀ ਰੈਲੀ ਰੱਦ, ਰਾਹੁਲ ਲੈਣਗੇ ਹਿੱਸਾ
ਹਰਿਆਣਾ ਵਿਧਾਨਸਭਾ ਚੋਣਾਂ 'ਚ ਪਹਿਲੀ ਵਾਰ ਕਾਂਗਰਸ ਦੀ ਅੰਤਰਿਮ ਪ੍ਰਧਾਨ ਸੋਨੀਆ ਗਾਂਧੀ ਦੀ ਮਹਿੰਦਰਗੜ੍ਹ 'ਚ ਅੱਜ ਰੈਲੀ ਹੋਣ
ਚੰਡੀਗੜ੍ਹ : ਹਰਿਆਣਾ ਵਿਧਾਨਸਭਾ ਚੋਣਾਂ 'ਚ ਪਹਿਲੀ ਵਾਰ ਕਾਂਗਰਸ ਦੀ ਅੰਤਰਿਮ ਪ੍ਰਧਾਨ ਸੋਨੀਆ ਗਾਂਧੀ ਦੀ ਮਹਿੰਦਰਗੜ੍ਹ 'ਚ ਅੱਜ ਰੈਲੀ ਹੋਣ ਵਾਲੀ ਸੀ ਪਰ ਅਚਾਨਕ ਸੋਨੀਆ ਗਾਂਧੀ ਦਾ ਇਹ ਰੈਲੀ ਰੱਦ ਕਰ ਦਿੱਤੀ ਗਈ ਹੈ। ਹੁਣ ਸੋਨੀਆ ਗਾਂਧੀ ਦੀ ਥਾਂ ਰਾਹੁਲ ਗਾਂਧੀ ਮਹਿੰਦਰਗੜ੍ਹ ਰੈਲੀ 'ਚ ਜਨਸਭਾ ਨੂੰ ਸੰਬੋਧਿਤ ਕਰਨਗੇ।
ਦੱਸ ਦੇਈਏ ਕਿ ਵਿਧਾਨਸਭਾ ਚੋਣਾਂ 'ਚ ਰਾਜਨੀਤਿਕ ਪਾਰਟੀਆਂ ਵੱਲੋਂ ਕੀਤਾ ਜਾ ਰਿਹਾ ਚੋਣ ਪ੍ਰਚਾਰ ਕੁਝ ਸਮੇਂ ਬਾਅਦ ਰੁਕ ਜਾਵੇਗਾ। ਅਜਿਹੇ 'ਚ ਚੋਣ ਪ੍ਰਚਾਰ ਦੇ ਇਸ ਆਖਰੀ ਦੌਰ 'ਚ ਸੋਨੀਆ ਗਾਂਧੀ ਦੀ ਇਸ ਪਹਿਲੀ ਚੋਣ ਰੈਲੀ 'ਤੇ ਸਾਰਿਆਂ ਦੀ ਨਜ਼ਰ ਸੀ ਪਰ ਦੱਸਿਆ ਜਾ ਰਿਹਾ ਹੈ ਕਿ ਅਚਾਨਕ ਉਨ੍ਹਾਂ ਨੂੰ ਇਹ ਰੈਲੀ ਰੱਦ ਕਰਨੀ ਪਈ।
ਦੱਸਣਯੋਗ ਹੈ ਕਿ ਹਰਿਆਣਾ ਅਤੇ ਮਹਾਰਾਸ਼ਟਰ 'ਚ 21 ਅਕਤੂਬਰ ਨੂੰ ਹੋਣ ਵਾਲੀਆਂ ਵੋਟਾਂ ਤੋਂ ਪਹਿਲਾਂ ਚੋਣ ਪ੍ਰਚਾਰ ਦਾ ਦੌਰ ਜਾਰੀ ਹੈ। ਰਾਹੁਲ ਗਾਂਧੀ ਦੋਵਾਂ ਹੀ ਸੂਬਿਆਂ 'ਚ ਮਹੱਤਵਪੂਰਨ ਸੀਟਾਂ 'ਤੇ ਜਾ ਕੇ ਚੋਣ ਪ੍ਰਚਾਰ ਕਰਨ 'ਚ ਜੁਟੇ ਹੋਏ ਹਨ। ਇੱਥੇ ਇਹ ਵੀ ਦੱਸਿਆ ਜਾਂਦਾ ਹੈ ਕਿ ਹਰਿਆਣਾ ਅਤੇ ਮਹਾਰਾਸ਼ਟਰ 'ਚ ਭਾਜਪਾ ਦੀ ਸਰਕਾਰ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।