ਅਹਿਮਦਾਬਾਦ : (ਪੀਟੀਆਈ) ਗੁਜਰਾਤ ਰਾਜ ਟ੍ਰਾਂਸਪੋਰਟ ਨਿਗਮ ਨੇ ਬੇਘਰ ਲੋਕਾਂ ਨੂੰ ਸ਼ਰਣ ਦੇਣ ਲਈ ਇਕ ਨਵੀਂ ਪਹਿਲ ਸ਼ੁਰੂ ਕੀਤੀ ਹੈ। ਇਸ ਦੇ ਤਹਿਤ ਨਿਗਮ ਦੀ ਪੁਰਾਣੀ ਬਸਾਂ ਜੋ 8 ਲੱਖ ਕਿਲੋਮੀਟਰ ਤੋਂ ਜ਼ਿਆਦਾ ਚੱਲ ਚੁੱਕੀਆਂ ਹਨ, ਉਨ੍ਹਾਂ ਨੂੰ ਸ਼ੈਲਟਰ ਹੋਮ ਵਿਚ ਬਦਲਿਆਂ ਜਾ ਰਿਹਾ ਹੈ। ਇਸ ਸ਼ੈਲਟਰ ਹੋਮਸ ਵਿਚ ਜ਼ਰੂਰਤ ਦੀ ਹਰ ਸਹੂਲਤ ਮੌਜੂਦ ਰਹੇਗੀ। 

ਟ੍ਰਾਂਸਪੋਰਟ ਨਿਗਮ ਨੇ ਇਸ ਵਿਚ ਬੈਡ ਤੋਂ ਲੈ ਕੇ ਪਾਣੀ, ਬਿਜਲੀ, ਪੱਖਾ ਅਤੇ ਸੀਸੀਟੀਵੀ ਕੈਮਰੇ ਸਮੇਤ ਕਈ ਸੁਵਿਧਾਵਾਂ ਉਪਲੱਬਧ ਕਰਾਈਆਂ ਹਨ, ਜਿਸ ਦੇ ਨਾਲ ਠੰਡ, ਗਰਮੀ ਜਾਂ ਮੀਂਹ ਦੇ ਮੌਸਮ ਵਿਚ ਫੁਟਪਾਥ ਉਤੇ ਜ਼ਿੰਦਗੀ ਬਿਤਾਉਣ ਵਾਲੇ ਲੋਕਾਂ ਨੂੰ ਅਸਾਨ ਹੋ ਸਕੇ। ਅਧਿਕਾਰੀਆਂ ਨੇ ਦੱਸਿਆ ਕਿ ਟ੍ਰਾਂਸਪੋਰਟ ਨਿਗਮ ਦੀ ਇਕ ਗ਼ੈਰ ਲਾਭਦਾਇਕ ਬੱਸਾਂ ਨੂੰ ਗਰੀਬਾਂ ਦਾ ਆਸ਼ਿਆਨਾ ਬਣਾਉਣ ਵਿਚ ਲਗਭੱਗ 3 ਲੱਖ ਰੁਪਏ ਦਾ ਖ਼ਰਚਾ ਆ ਰਿਹਾ ਹੈ। 

ਰਾਜ ਟ੍ਰਾਂਸਪੋਰਟ ਕਾਰਪੋਰੇਸ਼ਨ ਅਤੇ ਨਗਰ ਪਾਲਿਕਾ ਨੇ ਸੰਯੁਕਤ ਤੌਰ 'ਤੇ ਭਰੂਚ ਜਿਲ੍ਹੇ ਵਿਚ ਇਹ ਪ੍ਰਯੋਗ ਸ਼ੁਰੂ ਕੀਤਾ ਹੈ। ਹਾਲਾਂਕਿ ਪ੍ਰਯੋਗ ਦੇ ਤੌਰ 'ਤੇ ਫਿਲਹਾਲ 2 ਬੱਸਾਂ ਨੂੰ ਹੀ ਗਰੀਬਾਂ ਦੇ ਸਹਾਰੇ ਲਈ ਰੱਖਿਆ ਗਿਆ ਹੈ। ਇਕ ਬੱਸ ਵਿਚ ਵੱਧ ਤੋਂ ਵੱਧ 10 ਲੋਕਾਂ ਦੇ ਸੌਣ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਇਹਨਾਂ ਵਿਚ ਔਰਤਾਂ ਅਤੇ ਮਰਦਾਂ ਲਈ ਵੱਖ - ਵੱਖ ਪ੍ਰਬੰਧ ਕੀਤੇ ਗਏ ਹਨ।