JEE Mains 2020 topper

ਹਰਿਆਣਾ: ਸੋਸ਼ਲ ਮੀਡੀਆ ਤੋਂ ਦੂਰੀ ਅਤੇ ਕੋਚਿੰਗ ਤੋਂ ਇਲਾਵਾ ਘਰ ਵਿਚ 5-6 ਘੰਟੇ ਦੀ ਪੜ੍ਹਾਈ ਨੇ ਦਿਵਿਆਂਸ਼ੁ ਅਗਰਵਾਲ ਨੂੰ ਆਲ ਇੰਡੀਆ ਟਾਪਰ ਦਾ ਰੈਂਕ ਦਿਵਾਇਆ ਹੈ। ਇਸ ਤੋਂ ਇਲਾਵਾ ਦਿਵਿਆਂਸ਼ੁ ਕਿਸੇ ਵੀ ਪੇਪਰ ਦੇ ਸਮੇਂ ਕੇਵਲ ਮੋਬਾਇਲ ਤੋਂ ਦੂਰੀ ਹੀ ਨਹੀਂ ਸੀ ਬਣਾਉਂਦਾ ਬਲਕਿ ਅਪਣੇ ਦੋਸਤਾਂ ਤੋਂ ਵੀ ਦੂਰ ਹੋ ਜਾਂਦਾ ਸੀ। ਮੋਬਾਇਲ ਦਾ ਪ੍ਰਯੋਗ ਉਹ ਉਦੋਂ ਹੀ ਕਰਦਾ ਸੀ ਜਦੋਂ ਪੜ੍ਹਨ ਵਿਚ ਕੋਈ ਪਰੇਸ਼ਾਨੀ ਆਉਂਦੀ ਸੀ। ਪਰਵਾਰ ਵਿਚ ਮਾਤਾ-ਪਿਤਾ ਦੀ ਸਪੋਰਟ ਉਸ ਨੂੰ ਮਿਲੀ ਹੈ।

ਦਿਵਿਆਂਸ਼ੁ ਨੇ ਦਸਿਆ ਕਿ ਉਸ ਦੇ ਮਾਤਾ ਪਿਤਾ ਡਾਕਟਰ ਹਨ ਅਤੇ ਉਹਨਾਂ ਨੇ ਕਦੇ ਵੀ ਉਸ ਨੂੰ ਡਾਕਟਰ ਬਣਨ ਦਾ ਦਬਾਅ ਨਹੀਂ ਪਾਇਆ ਬਲਕਿ ਉਹਨਾਂ ਨੇ ਉਸ ਨੂੰ ਅਪਣਾ ਫੀਲਡ ਚੁਣਨ ਲਈ ਹਮੇਸ਼ਾ ਪ੍ਰੇਰਿਤ ਕੀਤਾ। ਹਿਸਾਰ ਦੇ ਪੀਐਲਏ ਨਿਵਾਸੀ ਦਿਵਿਆਂਸ਼ੁ ਅਗਰਵਾਲ ਨੇ ਜੇਈਈ ਮੇਨ-2020 ਦੀ ਪ੍ਰੀਖਿਆ ਵਿਚ ਆਲ ਇੰਡੀਆ ਵਿਚ ਟਾਪ ਕੀਤਾ। ਦਿਵਿਆਂਸ਼ੁ ਦੇ ਪਿਤਾ ਆਦਰਸ਼ ਕੁਮਾਰ ਰੈਡੀਓਲਾਜਿਸਟ ਹੈ ਜਦਕਿ ਮਾਤਾ ਰੀਨਾ ਜੈਨ ਸਿਵਿਲ ਹਸਪਤਾਲ ਵਿਚ ਹੱਡੀਆਂ ਦੀ ਡਾਕਟਰ ਹੈ।

ਦਿਵਿਆਂਸ਼ੁ ਨੇ ਦਸਿਆ ਕਿ ਉਹਨਾਂ ਦਾ ਉਦੇਸ਼ ਇੰਜੀਨੀਅਰਿੰਗ ਦੇ ਖੇਤਰ ਵਿਚ ਅਪਣਾ ਕਰੀਅਰ ਬਣਾਉਣਾ ਹੈ। ਇਸ ਤੋਂ ਇਲਾਵਾ ਹੁਣ ਉਹ ਜੇਈਈ ਐਡਵਾਂਸ ਦੀ ਤਿਆਰੀ ਕਰਨਗੇ। ਨਾਲ ਹੀ ਗੇਸ ਪੇਪਰ ਅਤੇ ਨੋਟਸ ਨੂੰ ਸਾਲਵ ਕਰਨਗੇ। ਦਿਵਿਆਂਸ਼ੁ ਦੇ ਪਿਤਾ ਆਦਰਸ਼ ਕੁਮਾਰ ਨੇ ਕਿਹਾ ਕਿ ਉਹ ਜੁਨੂਨੀ ਹੈ ਅਤੇ ਉਸ ਦੇ ਮਨ ਵਿਚ ਬਸ ਇਕ ਹੀ ਸਵਾਲ ਸੀ ਕਿ ਜੇਈਈ ਮੇਨ ਵਿਚ ਕਿਸੇ ਨਾ ਕਿਸੇ ਤਰ੍ਹਾਂ ਆਲ ਇੰਡੀਆ ਟਾਪ ਕਰੇ।

ਆਖਿਰ ਉਸ ਦੀ ਮਿਹਨਤ ਰੰਗ ਲਿਆਈ ਹੈ ਅਤੇ ਉਸ ਨੇ ਪਰਵਾਰ ਦੇ ਨਾਲ-ਨਾਲ ਸ਼ਹਿਰ ਅਤੇ ਪ੍ਰਦੇਸ਼ ਦਾ ਨਾਮ ਵੀ ਰੋਸ਼ਨ ਕੀਤਾ ਹੈ। ਦਿਵਿਅੰਸ਼ੁ ਦੀ ਵੱਡੀ ਭੈਣ ਧਵਨੀ ਲਾਅ ਦੀ ਪੜ੍ਹਾਈ ਕਰ ਰਹੀ ਹੈ। ਦਿਵਿਆਂਸ਼ੁ ਨੇ ਫਿਜ਼ਿਕਸ ਵਿਚੋਂ 100 ਚੋਂ 100 ਅੰਕ, ਮੈਥ ਵਿਚੋਂ 100 ਚੋਂ 100 ਅੰਕ, ਕੈਮਿਸਟਰੀ ਵਿਚ 100 ਚੋਂ 99.99 ਪ੍ਰਤੀਸ਼ਤ ਅੰਕ ਹਾਸਲ ਕੀਤੇ ਹਨ।

ਆਲ ਇੰਡੀਆ ਟਾਪ ਕਰਨ ਤੇ ਸ਼ਨੀਵਾਰ ਨੂੰ ਦਿਵਿਆਂਸ਼ੁ ਦੇ ਘਰ ਤੇ ਵਧਾਈ ਦੇਣ ਵਾਲਿਆਂ ਦਾ ਤਾਂਤਾ ਲੱਗਿਆ ਹੋਇਆ ਹੈ। ਸਵੇਰੇ ਤੋਂ ਹੀ ਰਿਸ਼ਤੇਦਾਰ ਅਤੇ ਗੁਆਂਢੀ ਘਰ ਪਹੁੰਚਣ ਲੱਗ ਪਏ ਹਨ। ਉਸ ਦੇ ਮਾਤਾ ਪਿਤਾ ਨੂੰ ਮਿਠਾਈ ਖਵਾ ਕੇ ਵਧਾਈ ਦਿੱਤੀ ਗਈ। ਉਸ ਦੀ ਮਾਤਾ ਨੂੰ ਸਟਾਫ ਮੈਂਬਰ ਦਿਨਭਰ ਵਧਾਈ ਦਿੰਦੇ ਰਹੇ। ਦਿਵਿਆਂਸ਼ੁ ਨੂੰ ਫੋਨ ਤੇ ਵੀ ਕਾਫੀ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ।       

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।