Naseemuddin Siddiqui and Ram Achal

ਨਵੀਂ ਦਿੱਲੀ: ਬੀਐਸਪੀ ਦੇ ਸਾਬਕਾ ਮੁੱਖ ਸਕੱਤਰ ਨਸੀਮੁਦੀਨ ਸਿਦੀਕੀ ਅਤੇ ਪੁਰਬੀ ਰਾਜ ਪ੍ਰਧਾਨ ਰਾਮ ਅਚਲ ਨੂੰ ਗ੍ਰਿਫ਼ਤਾਰ ਕਰ ਜੇਲ੍ਹ ਭੇਜ ਦਿੱਤਾ ਗਿਆ ਹੈ। ਨਸੀਮੁਦੀਨ ਸਿਦੀਕੀ ਅਤੇ ਰਾਮ ਅਚਲ ਨੂੰ ਐਮ.ਪੀ MLA ਕੋਰਟ ਵਿਚ ਸਰੰਡਰ ਕੀਤਾ ਸੀ। ਸਰੰਡਰ ਦੇ ਨਾਲ ਅਗਾਊਂ ਜਮਾਨਤ ਦੀ ਅਰਜ਼ੀ ਵੀ ਪਾਈ ਹੋਈ ਸੀ। ਕੋਰਟ ਨੇ ਅਗਾਊਂ ਜਮਾਨਤ ਦੀ ਅਰਜ਼ੀ ਖਾਰਿਜ਼ ਕਰ ਦਿੱਤੀ ਹੈ। ਜਮਾਨਤ ਅਰਜ਼ੀ ਉਤੇ ਕੱਲ੍ਹ ਸੁਣਵਾਈ ਹੋਵੇਗੀ।

ਦਿੱਤੇ ਗਏ ਸੀ ਜਾਇਦਾਦ ਦੀ ਕੁਰਕੀ ਦੇ ਹੁਕਮ

ਐਮ.ਪੀ ਐਲਐਮਏ ਅਦਾਲਤ ਨੇ ਬੀਜੇਪੀ ਨੇਤਾ ਦਿਆਸ਼ੰਕਰ ਸਿੰਘ ਦੀ ਬੇਟੀ ਅਤੇ ਪਰਵਾਰ ਦੇ ਹੋਰ ਮੈਂਬਰਾਂ ਦੇ ਖਿਲਾਫ਼ ਭੱਦੀ ਸ਼ਬਦਾਵਲੀ ਦੀ ਵਰਤੋਂ ਕਰਨ ਦੇ ਮਾਮਲੇ ਵਿਚ ਬੀਐਸਪੀ ਦੇ ਸਾਬਕਾ ਰਾਸ਼ਟਰੀ ਮੁੱਖ ਸਕੱਤਰ ਨਸੀਮੁਦੀਨ ਸਿਦੀਕੀ ਅਤੇ ਸੀਨੀਅਰ ਨੇਤਾ ਰਾਮ ਅਚਲ ਦੀ ਜਾਇਦਾਦ ਦੀ ਕੁਰਕੀ ਦੇ ਹੁਕਮ ਦਿੱਤੇ ਸਨ।

ਭੱਦੀ ਸ਼ਬਦਾਵਲੀ ਦੀ ਕੀਤੀ ਗਈ ਸੀ ਵਰਤੋਂ

ਦਿਆਸ਼ੰਕਰ ਸਿੰਘ ਦੀ ਮਾਂ ਤੇਤਰਾ ਦੇਵੀ ਨੇ 22 ਜੁਲਾਈ 2016 ਨੂੰ ਹਜਰਤਗੰਜ ਕੋਤਵਾਲੀ ਵਿਚ ਦਰਜ ਮਾਮਲੇ ਵਿਚ ਆਰੋਪ ਲਗਾਇਆ ਸੀ ਕਿ ਬੀਐਸਪੀ ਪ੍ਰਧਾਨ ਮਾਇਆਵਤੀ ਨੇ ਰਾਜ ਸਭਾ ਵਿਚ ਉਨ੍ਹਾਂ ਦੇ ਪਰਵਾਰ ਉਤੇ ਇਤਰਾਜ਼ਯੋਗ ਟਿੱਪਣੀ ਕੀਤੀ ਸੀ।

ਉਸ ਤੋਂ ਅਗਲੇ ਦਿਨ ਪਾਰਟੀ ਦੇ ਉਸ ਸਮੇਂ ਦੇ ਮੁੱਖ ਸਕੱਤਰ ਨਸੀਮੁਦੀਨ ਸਿਦੀਕੀ ਅਤੇ ਉਸ ਸਮੇਂ ਦੇ ਪ੍ਰਦੇਸ਼ ਪ੍ਰਧਾਨ ਰਾਮ ਅਚਲ ਦੀ ਅਗਵਾਈ ਵਿਚ ਵੱਡੀ ਗਿਣਤੀ ਵਿਚ ਬੀਐਸਪੀ ਕਾਰਜਕਾਰੀਆਂ ਨੇ ਹਜਰਤਗੰਜ ਚੌਰਾਹੇ ਉਤੇ ਕੀਤੇ ਗਏ ਪ੍ਰਦਰਸ਼ਨ ਵਿਚ ਤੇਤਰਾ ਦੇਵੀ ਦੀ ਨਾਬਾਲਗ ਪੋਤੀ ਤੇ ਪਰਵਾਰ ਦੇ ਹੋਰ ਮੈਂਬਰਾਂ ਦੇ ਬਾਰੇ ਇਤਰਾਜ਼ਯੋਗ ਟਿੱਪਣੀ ਕੀਤੀ ਸੀ ਅਤੇ ਭੱਦੀ ਸ਼ਬਦਾਵਲੀ ਦੀ ਵਰਤੋਂ ਕੀਤੀ ਸੀ।