Asteroids

ਨਵੀਂ ਦਿੱਲੀ- ਕੋਰੋਨਾ ਸੰਕਟ ਦੇ ਇਸ ਦੌਰ ਵਿਚ ਹੁਣ ਇਕ ਹੋਰ ਤਬਾਹੀ ਧਰਤੀ ਵੱਲ ਵਧ ਰਹੀ ਹੈ। ਇਹ ਬਿਪਤਾ ਅਸਮਾਨ ਤੋਂ ਆ ਰਹੀ ਹੈ। ਜਿਸ ਲਈ 24 ਜੁਲਾਈ ਦਾ ਦਿਨ ਬਹੁਤ ਮਹੱਤਵਪੂਰਨ ਹੈ। ਦਰਅਸਲ, ਯੂਐਸ ਪੁਲਾੜ ਏਜੰਸੀ ਨਾਸਾ ਨੇ ਇੱਕ ਚੇਤਾਵਨੀ ਜਾਰੀ ਕੀਤੀ ਹੈ ਕਿ 24 ਜੁਲਾਈ ਨੂੰ ਇੱਕ ਬਹੁਤ ਵੱਡਾ ਉਲਕਾ ਪਿੰਡ ਧਰਤੀ ਦੇ ਨਜ਼ਦੀਕ ਦੀ ਲੰਘੇਗਾ।

ਨਾਸਾ ਦੇ ਅਨੁਸਾਰ, ਇਹ ਉਲਕਾ ਪਿੰਡ London Eye ਨਾਲੋਂ ਵੱਡਾ ਅਤੇ ਖਤਰਨਾਕ ਹੋਵੇਗਾ। ਦੱਸ ਦਈਏ ਕਿ ਯੂਐਸ ਪੁਲਾੜ ਏਜੰਸੀ ਨਾਸਾ (ਨੈਸ਼ਨਲ ਐਰੋਨਾਟਿਕਸ ਅਤੇ ਸਪੇਸ ਐਡਮਿਨਿਸਟ੍ਰੇਸ਼ਨ) ਅਜਿਹੇ ਤਾਰਿਆਂ ਦੀ ਨਿਗਰਾਨੀ ਕਰਦਾ ਹੈ। ਨਾਸਾ ਨੇ ਕਿਹਾ ਕਿ ਇਹ ਤਾਰੇ ਲੰਡਨ ਦੇ ਮਸ਼ਹੂਰ ਮੀਲ ਪੱਥਰ ਅਤੇ ਸੈਰ ਸਪਾਟਾ ‘London Eye’ ਤੋਂ ਵੀ ਵੱਡੇ ਹੋਣਗੇ।

London Eye ਦੀ ਉਚਾਈ 443 ਫੁੱਟ ਹੈ। ਨਾਸਾ ਦੇ ਅਨੁਸਾਰ, ਧਰਤੀ ਦੇ ਨਜ਼ਦੀਕ ਲੰਘਣ ਵਾਲਾ ਇਹ ਉਲਕਾ ਪਿੰਡ (ਐਸਟੋਰਾਇਡਜ਼) ਆਕਾਰ ਵਿਚ ਲੰਡਨ ਆਈ ਨਾਲੋਂ 50 ਪ੍ਰਤੀਸ਼ਤ ਵੱਡਾ ਹੋ ਸਕਦਾ ਹੈ। ਇਸ ਦਾ ਨਾਮ Asteroid 2020ND ਦਿੱਤਾ ਗਿਆ ਹੈ। ਇਹ ਉਲਕਾ ਪਿੰਡ 170 ਮੀਟਰ ਚੌੜੀ ਹੋਵੇਗੀ।

ਨਾਸਾ ਦੇ ਅਨੁਸਾਰ, ਜਦੋਂ ਇਹ ਉਲਕਾ ਪਿੰਡ  ਧਰਤੀ ਦੇ ਕੋਲ ਦੀ ਲੰਘੇਗਾ ਉਸ ਸਮੇਂ ਇਸ ਦੀ ਰਫਤਾਰ ਲਗਭਗ 48,000 ਕਿਮੀ ਪ੍ਰਤੀ ਘੰਟਾ ਹੋਵੇਗੀ। ਇਹ ਧਰਤੀ ਦੇ 0.034 ਏਯੂ (ਖਗੋਲਿਕ ਇਕਾਈ) ਦੀ ਦਾਇਰੇ ਵਿਚ ਆਵੇਗੀ। ਇਕ ਖਗੋਲਿਕ ਇਕਾਈ 150 ਮਿਲੀਅਨ ਕਿਲੋਮੀਟਰ ਦੇ ਬਰਾਬਰ ਹੈ। ਅਰਥਾਤ ਧਰਤੀ ਅਤੇ ਸੂਰਜ ਦੀ ਦੂਰੀ।

ਨਾਸਾ ਨੇ ਕਿਹਾ ਕਿ ਇੱਥੇ ਲਗਪਗ 22 ਉਲਕਾ ਪਿੰਡ (ਐਸਟੋਰਾਇਡਜ਼) ਹਨ ਜੋ ਆਉਣ ਵਾਲੇ ਸਾਲਾਂ ਵਿਚ ਧਰਤੀ ਦੇ ਨੇੜੇ ਆ ਸਕਦੀਆਂ ਹਨ ਅਤੇ ਟੱਕਰ ਹੋਣ ਦੀ ਸੰਭਾਵਨਾ ਹੋ ਸਕਦੀ ਹੈ। ਦੱਸ ਦਈਏ ਕਿ ਨਾਸਾ ਦੀ ਸੈਂਟਰੀ ਪ੍ਰਣਾਲੀ ਪਹਿਲਾਂ ਹੀ ਅਜਿਹੀਆਂ ਖਤਰਿਆਂ ਦੀ ਨਿਗਰਾਨੀ ਕਰਦੀ ਹੈ।

ਇਸ ਵਿਚ ਆਉਣ ਵਾਲੇ 100 ਸਾਲਾਂ ਦੇ ਲਈ ਫਿਲਹਾਲ 22 ਐਸਟ੍ਰੋਇਡਜ਼ ਹਨ ਜਿਨ੍ਹਾਂ ਦੇ ਧਰਤੀ ਨੂੰ ਟਕਰਾਉਣ ਦੀ ਬਹੁਤ ਘੱਟ ਸੰਭਾਵਨਾ ਹੈ। ਇਨ੍ਹਾਂ ਵਿਚੋਂ ਸਭ ਤੋਂ ਵੱਡਾ ਉਲਕਾ ਪਿੰਡ 29075 (1950 ਡੀਏ) ਹੈ, ਜੋ ਕਿ 2880 ਤੱਕ ਨਹੀਂ ਆਵੇਗਾ। 2020-2025 ਦੇ ਵਿਚਕਾਰ 2018 ਵੀਪੀ 1 ਨਾਮਕ ਉਲਕਾ ਪਿੰਡ ਦੇ ਧਰਤੀ ਨਾਲ ਟਕਰਾਉਣ ਦੀ ਉਮੀਦ ਹੈ, ਪਰ ਇਹ ਸਿਰਫ 7 ਫੁੱਟ ਚੌੜਾ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।