Job racket: 2 Rural Development Ministry officials among 7 held

ਨਵੀਂ ਦਿੱਲੀ : ਪੁਲਿਸ ਨੇ ਇਕ ਜਾਬ ਰੈਕੇਟ ਦਾ ਪਰਦਾਫਾਸ਼ ਕੀਤਾ ਹੈ ਜਿਸ ਵਿਚ ਓਐਨਜੀਸੀ ਵਿਚ ਨੌਕਰੀ ਦਿਵਾਉਣ ਦੇ ਨਾਮ 'ਤੇ ਉਮੀਦਵਾਰਾਂ ਨੂੰ ਠਗਿਆ ਜਾਂਦਾ ਸੀ। ਸੱਭ ਤੋਂ ਚੌਂਕਾਉਣ ਵਾਲੀ ਗੱਲ ਇਹ ਹੈ ਕਿਯੁਵਾਵਾਂਦੇ ਫਰਜੀ ਇੰਟਰਵਿਊ ਲਈ ਉੱਚ ਸੁਰੱਖਿਆ ਵਾਲੇ ਖੇਤੀਬਾੜੀ ਭਵਨ ਦੇ ਸਰਕਾਰੀ ਅਧਿਕਾਰੀਆਂ ਦੇ ਕਮਰੇ ਦਾ ਇਸਤੇਮਾਲ ਕੀਤਾ ਜਾਂਦਾ ਸੀ। ਉਹਨਾਂ ਲੋਕਾਂ ਨੇ ਨੌਜਵਨਾਂ ਤੋਂ ਨੌਕਰੀ ਦਿਵਾਉਣ ਦੇ ਨਾਮ 'ਤੇ ਕਰੋਡ਼ਾਂ ਰੁਪਏ ਠੱਗੇ ਸੀ। ਪੁਲਿਸ ਨੇ ਦੱਸਿਆ ਕਿ ਰੈਕੇਟ ਚਲਾਉਣ ਵਾਲੇ ਵਿਚ

ਇਕ ਸਾਫਟਵੇਅਰ ਇੰਜਿਨਿਅਰ, ਇਕ ਆਨਲਾਈਨ ਸਕਾਲਰਸ਼ਿਪ ਫਰਮ ਦਾ ਡਾਇਰੈਕਟਰ, ਇਕ ਗ੍ਰਾਫਿਕ ਡਿਜ਼ਾਇਨਰ, ਇਕ ਟੇਕੀ ਅਤੇ ਇਕ ਇਵੈਂਟ ਮੈਨੇਜਰ ਸ਼ਾਮਿਲ ਸੀ। ਉਹਨਾਂ ਲੋਕਾਂ ਦੀ ਮੰਤਰਾਲਾ ਦੇ ਸਟਾਫ ਨਾਲ ਮਿਲੀਭੁਗਤ ਸੀ। ਗੈਂਗ ਨੇ ਬਹੁਤ ਹੀ ਜ਼ਬਰਦਸਤ ਪ੍ਰਬੰਧ ਕਰ ਰੱਖਿਆ ਸੀ। ਉਨ੍ਹਾਂ ਲੋਕਾਂ ਨੇ ਪੇਂਡੂ ਵਿਕਾਸ ਮੰਤਰਾਲਾ ਦੇ ਚੌਥੀ ਸ਼੍ਰੇਣੀ ਦੇ ਦੋ ਕਰਮਚਾਰੀਆਂ ਨੂੰ ਅਪਣੇ ਨਾਲ ਮਿਲਿਆ ਰੱਖਿਆ ਸੀ, ਜੋ ਮਲਟਿਟਾਸਕਿੰਗ ਸਟਾਫ ਸਨ। ਪੁਲਿਸ ਨੇ ਦੱਸਿਆ ਕਿ ਉਹ ਦੋਹੇਂ ਸਟਾਫ ਉਸ ਅਧਿਕਾਰੀ ਦੇ ਖਾਲੀ ਕਮਰੇ ਦਾ ਬੰਦੋਬਸਤ ਕਰਦੇ ਸਨ, ਜੋ ਛੁੱਟੀ 'ਤੇ ਹੁੰਦੇ ਸਨ। ਫਿਰ ਪੀਡ਼ਤਾਂ ਨੂੰ ਫਰਜ਼ੀ ਇੰਟਰਵਿਊ ਲਈ ਬੁਲਾਇਆ ਜਾਂਦਾ ਸੀ।

ਆਰੋਪੀ ਅਪਣੇ ਆਪ ਨੂੰ ਓਐਨਜੀਸੀ ਦਾ ਬੋਰਡ ਮੈਂਬਰ ਦੱਸਦੇ ਅਤੇ ਇੰਟਰਵਿਊ ਲੈਂਦੇ। ਉਸ ਤੋਂ ਬਾਅਦ ਪੀਡ਼ਤਾਂ ਨੂੰ ਫਰਜ਼ੀ ਜਾਬ ਲੈਟਰ ਦਿਤਾ ਜਾਂਦਾ ਸੀ। ਉਸ ਤੋਂ ਬਾਅਦ ਰੈਕੇਟ ਦਾ ਮਾਸਟਰਮਾਇੰਡ ਉਨ੍ਹਾਂ ਤੋਂ ਪੇਮੈਂਟ ਲੈਂਦਾ ਸੀ। ਹਾਲ ਹੀ ਵਿਚ ਉਹਨਾਂ ਲੋਕਾਂ ਨੇ ਵਿਦਿਆਰਥੀਆਂ ਦੇ ਇਕ ਗਰੁਪ ਤੋਂ 22 ਲੱਖ ਰੁਪਏ ਠੱਗ ਲਏ। ਇਸ ਸਬੰਧ ਵਿਚ ਓਐਨਜੀਸੀ ਤੋਂ ਬਸੰਤ ਕੁੰਜ ਥਾਣੇ ਵਿਚ ਸ਼ਿਕਾਇਤ ਦਰਜ ਕਰਾਈ ਗਈ ਕਿ ਓਐਨਜੀਸੀ ਵਿਚ ਅਸਿਸਟੈਂਟ ਇੰਜਿਨਿਅਰ ਦੇ ਅਹੁਦੇ 'ਤੇ ਨੌਕਰੀ ਦਿਵਾਉਣ ਦੇ ਨਾਮ 'ਤੇ ਉਹਨ ਲੋਕਾਂ ਨੂੰ ਠੱਗਿਆ ਗਿਆ ਹੈ। ਮਾਮਲਾ ਦਰਜ ਕਰ ਕੇ ਕ੍ਰਾਇਮ ਬ੍ਰਾਂਚ ਨੂੰ ਟਰਾਂਸਫਰ ਕਰ ਦਿਤਾ ਗਿਆ।

ਜਾਂਚ ਦੇ ਦੌਰਾਨ ਇਹ ਪਤਾ ਚਲਿਆ ਕਿ ਪੀਡ਼ਤਾਂ ਨੂੰ ਓਐਨਜੀਸੀ ਦੇ ਆਫਿਸ਼ਲ ਮੇਲ ਤੋਂ ਈਮੇਲ ਆਏ ਸਨ ਅਤੇ ਖੇਤੀਬਾੜੀ ਭਵਨ ਵਿਚ ਇੰਟਰਵਿਊ ਲਿਆ ਗਿਆ ਸੀ। ਪੀਡ਼ਤਾਂ ਦੀ ਜਾਣ ਪਹਿਚਾਣ ਰੰਧੀਰ ਸਿੰਘ ਨਾਮ ਦੇ ਵਿਅਕਤੀ ਤੋਂ ਕਰਾਇਆ ਗਿਆ ਸੀ ਜਿਸ ਦੀ ਪਹਿਚਾਣ ਹੁਣ ਕਿਸ਼ੋਰ ਕੁਣਾਲ ਦੇ ਤੌਰ 'ਤੇ ਹੋਈ ਹੈ। ਪੀਡ਼ਤਾਂ ਵਲੋਂ ਇਹ ਗੱਲਾਂ ਦੱਸੇ ਜਾਣ 'ਤੇ ਬਹੁਤ ਹੀ ਸੰਗਠਿਤ ਗਿਰੋਹ ਦੇ ਇਸ ਵਿਚ ਸ਼ਾਮਿਲ ਹੋਣ ਦਾ ਸੰਕੇਤ ਮਿਲਿਆ। ਫਿਰ ਰੈਕੇਟ ਦਾ ਪਰਦਾਫਾਸ਼ ਕਰਨ ਲਈ ਏਸੀਪੀ ਅਦਿਤਿਆ ਗੌਤਮ ਅਤੇ ਇੰਸਪੈਕਟਰਸ ਰਿਛਪਾਲ ਸਿੰਘ ਅਤੇ ਸੁਨੀਲ ਜੈਨ ਦੀ ਅਗੁਵਾਈ ਵਿਚ ਇਕ ਖਾਸ ਟੀਮ ਦਾ ਗਠਨ ਕੀਤਾ ਗਿਆ।

ਦੋ ਮਹੀਨਿਆਂ ਦੀ ਜਾਂਚ ਤੋਂ ਬਾਅਦ ਪੁਲਿਸ ਨੂੰ ਰੈਕੇਟ ਦਾ ਪਰਦਾਫਾਸ਼ ਕਰਨ ਵਿਚ ਸਫਲਤਾ ਮਿਲੀ।  ਵਧੀਕ ਕਮਿਸ਼ਨਰ (ਕ੍ਰਾਇਮ) ਰਾਜੀਵ ਰੰਜਨ ਨੇ ਦੱਸਿਆ ਕਿ ਅਸੀਂ ਆਰੋਪੀਆਂ ਤੋਂ 27 ਮੋਬਾਇਲ ਫੋਨ, 2 ਲੈਪਟਾਪ, 10 ਚੈਕਬੁਕ, ਫਰਜ਼ੀ ਆਈਡੀ ਕਾਰਡਸ ਅਤੇ 45 ਸਿਮ ਕਾਰਡਸ ਬਰਾਮਦ ਕੀਤੇ ਹਨ।