Rescues a dog

ਤੇਲੰਗਾਨਾ ਦੇ ਨਗਰਕੁਰਨੂਲ ਪੁਲਿਸ ਸਟੇਸ਼ਨ ਦੇ ਇੱਕ ਹੋਮ ਗਾਰਡ ਨੇ ਇੱਕ ਕੁੱਤੇ ਦੀ ਜਾਨ ਬਚਾਉਣ ਲਈ ਆਪਣੀ ਜਾਨ ਜੋਖਮ ਵਿੱਚ ਪਾ ਦਿੱਤੀ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ ਕਿ ਕਿਵੇਂ ਨੌਜਵਾਨ ਨੇ ਕੁੱਤੇ ਦੀ ਜਾਨ ਬਚਾਈ।

ਵੀਡੀਓ ਵਿਚ ਦੇਖਿਆ ਗਿਆ ਹੈ ਕਿ ਇਕ ਕੁੱਤਾ ਪਾਣੀ ਦੇ ਤੇਜ਼  ਵਹਾਅ ਵਿਚ ਫਿਸਲ ਰਿਹਾ ਹੈ। ਉਹ ਝਾੜੀਆਂ ਵਿੱਚ ਜਾ ਕੇ ਫਸ ਗਿਆ ਅਤੇ ਹੱਥ ਪੈਰ ਮਾਰਨ ਲੱਗ ਪਿਆ।

ਚਾਰੇ ਪਾਸੇ ਪਾਣੀ ਦਾ ਤੇਜ਼ ਵਹਾਅ ਸੀ। ਇਸ ਦੌਰਾਨ, ਹੋਮ ਗਾਰਡ ਮੁਜੀਬ ਨੇ ਜੇਸੀਬੀ ਨੂੰ ਬੁਲਾਇਆ ਅਤੇ ਇਸ ਵਿੱਚ ਬੈਠ ਕੇ ਪਾਣੀ ਦੇ ਤੇਜ਼ ਵਹਾਅ ਵਿੱਚ ਉੱਤਰ ਗਿਆ।  ਝਾੜੀਆਂ ਵਿੱਚ ਫਸੇ ਕੁੱਤੇ ਨੂੰ ਕਾਫੀ ਜੱਦੋ ਜਹਿਦ ਦੇ ਬਾਅਦ ਬਾਹਰ ਕੱਢਿਆ ਅਤੇ ਉਸਦੀ ਜਾਨ ਬਚਾਈ।

ਵੀਡੀਓ ਵਿਚ ਦਿਸ ਰਿਹਾ ਹੈ ਕਿ ਕਿਵੇਂ ਕੁੱਤਾ ਤੇਜ਼ ਵਗਦੀ ਨਦੀ ਦੇ ਵਿਚਕਾਰ ਫਸਿਆ ਹੋਇਆ ਹੈ ਅਤੇ ਹੋਮ ਗਾਰਡ ਜਵਾਨ ਉਸ ਨੂੰ ਬਚਾਉਣ ਲਈ ਨਦੀ ਵਿਚ ਉਤਰ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਇਹ ਵੀਡੀਓ ਆਉਣ ਤੋਂ ਬਾਅਦ ਲੋਕ ਹੋਮਗਾਰਡ ਦੇ ਜਵਾਨ ਦੀ ਪ੍ਰਸ਼ੰਸਾ ਕਰ ਰਹੇ ਹਨ।