ਨੁਆਪਾੜਾ - ਓਡੀਸ਼ਾ ਦੇ ਨੁਆਪਾੜਾ ਜ਼ਿਲ੍ਹੇ ਦੇ ਇੱਕ ਦੂਰ-ਦੁਰਾਡੇ ਪਿੰਡ 'ਚ ਰਹਿਣ ਵਾਲੇ ਦਿਵਿਆਂਗ ਵਿਅਕਤੀ ਹੇਤਾਰਾਮ ਸਤਨਾਮੀ ਨੂੰ ਆਪਣੀ ਸਰਕਾਰੀ ਪੈਨਸ਼ਨ ਲੈਣ ਲਈ ਹਰ ਮਹੀਨੇ ਸੰਘਣੇ ਜੰਗਲ ਵਿੱਚੋਂ ਲੰਘਦੇ ਹੋਏ ਦੋ ਕਿਲੋਮੀਟਰ ਦਾ ਸਫ਼ਰ ਤੈਅ ਕਰਨਾ ਪੈਂਦਾ ਸੀ।

ਹਾਲਾਂਕਿ, ਇਸ ਮਹੀਨੇ ਉਸ ਨੂੰ ਕਿਸੇ ਮੁਸ਼ਕਲ ਦਾ ਸਾਹਮਣਾ ਨਹੀਂ ਕਰਨਾ ਪਿਆ, ਕਿਉਂਕਿ ਇੱਕ ਡ੍ਰੋਨ ਪੈਨਸ਼ਨ ਲੈ ਕੇ ਆਇਆ ਅਤੇ ਭਲੇਸ਼ਵਰ ਪੰਚਾਇਤ ਖੇਤਰ ਦੇ ਭੂਟਕਪਾੜਾ ਪਿੰਡ ਵਿੱਚ ਉਸ ਦੇ ਘਰ ਵਿੱਚ ਪਹੁੰਚਾ ਕੇ ਚਲਾ ਗਿਆ।

ਸੂਬੇ ਦੀ ਮਧੂ ਬਾਬੂ ਪੈਨਸ਼ਨ ਸਕੀਮ ਦੇ ਲਾਭਪਾਤਰੀ ਸਤਨਾਮੀ ਨੇ ਮੁਸਕਰਾਉਂਦੇ ਹੋਏ ਕਿਹਾ, "ਸਰਪੰਚ ਨੇ ਡ੍ਰੋਨ ਦੀ ਮਦਦ ਨਾਲ ਪੈਸੇ ਭੇਜੇ, ਇਹ ਮੇਰੇ ਲਈ ਵੱਡੀ ਰਾਹਤ ਦੀ ਗੱਲ ਹੈ ਕਿਉਂਕਿ ਪੰਚਾਇਤ ਦਫ਼ਤਰ ਪਿੰਡ ਤੋਂ ਦੋ ਕਿਲੋਮੀਟਰ ਦੀ ਦੂਰੀ 'ਤੇ ਹੈ, ਜੋ ਕਿ ਸੰਘਣੇ ਜੰਗਲ ਨਾਲ ਘਿਰਿਆ ਹੋਇਆ ਹੈ।"

ਸਰਪੰਚ ਸਰੋਜ ਅਗਰਵਾਲ ਨੇ ਦੱਸਿਆ ਕਿ ਸਤਨਾਮੀ ਦੀ ਆਪਬੀਤੀ ਬਾਰੇ ਪਤਾ ਲੱਗਣ ਤੋਂ ਬਾਅਦ ਉਨ੍ਹਾਂ ਆਨਲਾਈਨ ਮਾਧਿਅਮ ਰਾਹੀਂ ਡ੍ਰੋਨਖਰੀਦਿਆ।

ਅਗਰਵਾਲ ਨੇ ਕਿਹਾ, "ਸਾਡੇ ਪੰਚਾਇਤ ਖੇਤਰ ਵਿੱਚ, ਜੰਗਲ ਵਿੱਚ ਸਥਿਤ ਇੱਕ ਪਿੰਡ ਭੂਟਕਪਾੜਾ ਹੈ। ਦਿਵਿਆਂਗ ਵਿਅਕਤੀ ਹੇਤਾਰਾਮ ਸਤਨਾਮੀ ਉਸੇ ਪਿੰਡ 'ਚ ਰਹਿੰਦਾ ਹੈ। ਉਹ ਜਨਮ ਤੋਂ ਹੀ ਤੁਰ-ਫ਼ਿਰ ਨਹੀਂ ਸਕਦਾ।"