Piyush goyal calls for mass movement against ngos for obstructing development

ਪਣਜੀ: ਕੇਂਦਰੀ ਮੰਤਰੀ ਪੀਯੂਸ਼ ਗੋਇਲ ਨੇ ਕਿਹਾ ਹੈ ਕਿ ਵਿਕਾਸ ਪ੍ਰੋਜੈਕਟ ਦਾ ਵਿਰੋਧ ਕਰਨ ਵਾਲੇ ਗੈਰ ਸਰਕਾਰੀ ਸੰਗਠਨਾਂ ਵਿਰੁਧ ਇਕ ਜਨ ਅੰਦੋਲਨ ਦੀ ਜ਼ਰੂਰਤ ਹੈ। ਗੋਇਲ ਨੇ ਗੈਰ ਸਰਕਾਰੀ ਸੰਗਠਨਾਂ ਨੂੰ ਗਰੀਬਾਂ ਲਈ 'ਨਿਆਂ ਦੀ ਰੁਕਾਵਟ ਦਾ ਸਭ ਤੋਂ ਭੈੜਾ ਰੂਪ' ਕਰਾਰ ਦਿੱਤਾ। ਮੰਤਰੀ ਪਣਜੀ ਕੋਲ ਆਯੋਜਿਤ ਨਿਵੇਸ਼ ਸ਼ਿਖਰ ਸੰਮੇਲਨ ਵਾਈਬ੍ਰੈਂਟ ਗੋਆ ਵਿਚ ਬੋਲ ਰਹੇ ਸਨ।

ਵਪਾਰ ਅਤੇ ਵਣਜੀ ਮੰਤਰੀ ਗੋਇਲ ਨੇ ਮੋਪਾ ਵਿਚ ਗ੍ਰੀਨ ਫੀਲਡ ਹਵਾਈ ਅੱਡੇ ਦੇ ਨਿਰਮਾਣ ਵਿਚ ਦੇਰੀ ਤੇ ਟਿੱਪਣੀ ਕੀਤੀ ਹੈ। ਰੇਲ ਮੰਤਰੀ ਨੇ ਕਿਹਾ ਕਿ ਹਵਾਈ ਅੱਡੇ ਤੇ ਕੁੱਝ ਮੁਕੱਦਮੇ ਚਲ ਰਹੇ ਹਨ ਅਤੇ ਇਹ ਅਦਾਲਤ ਵਿਚ ਚਲਾ ਗਿਆ ਹੈ। ਉਹ ਸਰਵਜਨਿਕ ਮੰਚ ਤੇ ਉਹਨਾਂ ਐਨਜੀਓ ਅਤੇ ਉਹਨਾਂ ਕੁੱਝ ਲੋਕਾਂ ਨੂੰ ਅਪੀਲ ਕਰਨ ਤੋਂ ਬਿਲਕੁੱਲ ਨਹੀਂ ਹਿਚਕ ਰਿਹਾ ਜੋ ਵਿਕਾਸ ਦੇ ਰਾਸਤੇ ਵਿਚ ਆ ਰਹੇ ਹਨ।

ਗੋਇਲ ਨੇ ਕਿਹਾ ਕਿ ਜੋ ਗੋਆ ਦੇ ਵਿਕਾਸ ਵਿਚ ਮਦਦ ਨਹੀਂ ਕਰ ਰਹੇ ਹਨ, ਜੋ ਮੁਕੱਦਮੇਬਾਜੀ ਦੁਆਰਾ ਲੋਕਾਂ ਦੀ ਮਦਦ ਕਰਨ ਵਿਚ ਮਦਦ ਨਹੀਂ ਕਰ ਰਹੇ। ਇਸ ਦੌਰਾਨ ਗੋਇਲ ਨੇ ਕਿਹਾ ਕਿ ਡਾ. ਸ਼ਿਆਮਾ ਪ੍ਰਸਾਦ ਮੁਖਰਜੀ ਨੇ ਹੀ 1948 ਵਿਚ ਭਾਰਤ ਦੀ ਪਹਿਲੀ ਆਯੋਗਿਕ ਨੀਤੀ ਦਾ ਨਿਰਮਾਣ ਕੀਤਾ ਸੀ ਅਤੇ ਉਸ ਨਾਲ ਹੀ ਮੇਕ ਇਨ ਇੰਡੀਆ ਅਭਿਆਨ ਦੇ ਬੀਜ ਪਏ। ਉਹਨਾਂ ਕਿਹਾ ਕਿ ਮੁਖਰਜੀ ਨੇ ਉਸ ਸਮੇਂ ਵੀ ਭਾਰਤ ਦੇ ਆਯੋਗੀਕਰਨ ਵਿਚ ਵਿਦੇਸ਼ੀ ਪੂੰਜੀ ਦੇ ਮਹੱਤਵ ਨੂੰ ਸਮਝਾਇਆ ਸੀ।

ਉਹਨਾਂ ਵਿਦੇਸ਼ੀ ਨਿਵੇਸ਼ ਅਤੇ ਘਰੇਲੂ ਨਿਵੇਸ਼ ਦੌਰਾਨ ਗਠਜੋੜ ਅਤੇ ਭਾਗੀਦਾਰੀ ਦੀ ਗੱਲ ਕੀਤੀ ਸੀ। ਉਹਨਾਂ ਦਾ ਕਹਿਣਾ ਸੀ ਕਿ ਅਜਿਹੀ ਭਾਗੀਦਾਰੀ ਦੀ ਲਗਾਮ ਭਾਰਤੀਆਂ ਦੇ ਹੱਥਾਂ ਵਿਚ ਹੋਣੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਸਮੇਂ ਦੇ ਨਾਲ ਵਪਾਰ ਦੇ ਮਾੱਡਲ ਦਾ ਕਾਫੀ ਵਿਕਾਸ ਹੋ ਚੁੱਕਿਆ ਹੈ। ਅੱਜ ਅਸੀਂ ਅਜਿਹੀ ਜਗ੍ਹਾ ਤੇ ਪਹੁੰਚ ਗਏ ਹਾਂ ਜਿੱਥੇ ਕਾਰੋਬਾਰ ਦੇ ਕਈ ਖੇਤਰ ਨੂੰ ਵਿਦੇਸ਼ੀ ਕੰਪਨੀਆਂ ਲਈ ਕਰੀਬ ਪੂਰਾ ਨਾਲ ਖੋਲ੍ਹ ਦਿੱਤਾ ਗਿਆ ਹੈ।

ਗੋਇਲ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਚਾਹੁੰਦੇ ਹਨ ਕਿ ਗੋਆ ਇਕ ਮਜ਼ਬੂਤ ਪ੍ਰਦੇਸ਼ ਦੇ ਰੂਪ ਵਿਚ ਵਿਕਸਿਤ ਹੋਵੇ। ਨਿਵੇਸ਼ਕ ਗੋਆ ਨਿਵੇਸ਼ ਲਈ ਇਕ ਆਦਰਸ਼ ਜਗ੍ਹਾ ਹੈ। 

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।