ਪਾਕਿਸਤਾਨ ਦਾ ਉਹ ਸ਼ਹਿਰ ਜਿੱਥੇ ਮੁਸਲਿਮ ਤੇ ਹਿੰਦੂ ਹਨ ਅਸਲ ਵਿਚ ਭਾਈ ਭਾਈ!
ਪਾਕਿਸਤਾਨ ਦਾ ਹੀ ਇਕ ਛੋਟਾ ਜਿਹਾ ਸ਼ਹਿਰ ਹੈ ਜਿੱਥੇ ਕਿ ਮੀਟ ਨਹੀਂ ਖਾਧਾ ਜਾਂਦਾ।
ਨਵੀਂ ਦਿੱਲੀ: ਗੁਆਂਢੀ ਦੇਸ਼ ਪਾਕਿਸਤਾਨ ਤੋਂ ਅਕਸਰ ਘਟ ਗਿਣਤੀ ਨਾਲ ਹਿੰਸਾ ਅਤੇ ਜ਼ਬਰਦਸਤੀ ਧਰਮ ਪਰਿਵਰਤਨ ਦੀਆਂ ਖ਼ਬਰਾਂ ਆਉਂਦੀਆਂ ਰਹਿੰਦੀਆਂ ਹਨ। ਮੀਟ ਉੱਥੇ ਦੇ ਰੋਜ਼ ਖਾਣ ਵਾਲੇ ਭੋਜਨ ਦਾ ਹਿੱਸਾ ਹੈ। ਉੱਥੇ ਹੀ ਪਾਕਿਸਤਾਨ ਦਾ ਹੀ ਇਕ ਛੋਟਾ ਜਿਹਾ ਸ਼ਹਿਰ ਹੈ ਜਿੱਥੇ ਕਿ ਮੀਟ ਨਹੀਂ ਖਾਧਾ ਜਾਂਦਾ। ਮਿੱਠੀ ਨਾਮ ਦੇ ਇਸ ਕਸਬੇ ਵਿਚ ਲੋਕ ਮਾਸ ਦੀ ਵਰਤੋਂ ਨਹੀਂ ਕਰਦੇ। ਇੱਥੇ ਦੇ ਘਟ ਗਿਣਤੀ ਵਾਲੇ ਮੁਹਰਮ ਦੌਰਾਨ ਕੋਈ ਵਿਆਹ-ਤਿਉਹਾਰ ਨਹੀਂ ਮਨਾਉਂਦੇ।
ਸਥਾਨਕ ਖੋਜਕਰਤਾਵਾਂ ਦਾ ਮੰਨਣਾ ਹੈ ਕਿ ਇਹ ਸ਼ਹਿਰ 16 ਵੀਂ ਸਦੀ ਵਿੱਚ ਵਸਿਆ ਹੋਇਆ ਸੀ, ਪਰ ਬੰਜਰ ਮਿੱਟੀ ਅਤੇ ਪਾਣੀ ਦੀ ਘਾਟ ਕਾਰਨ ਇੱਥੇ ਬਹੁਤ ਘੱਟ ਲੋਕ ਵਸੇ ਅਤੇ ਉਨ੍ਹਾਂ ਦੇ ਉੱਤਰਾਧਿਕਾਰੀਆਂ ਨੇ ਜਗ੍ਹਾ ਬਣਾਈ ਰੱਖੀ। ਢੱਤਕੀ, ਜਿਸ ਨੂੰ ਧੱਤੀ ਅਤੇ ਥਾਰੀ ਵੀ ਕਿਹਾ ਜਾਂਦਾ ਹੈ, ਮਿੱਠੀ ਸ਼ਹਿਰ ਦੀ ਸਥਾਨਕ ਭਾਸ਼ਾ ਹੈ। ਇਹ ਭਾਸ਼ਾ ਮਾਰਵਾੜੀ ਭਾਸ਼ਾ ਨਾਲ ਬਹੁਤ ਮਿਲਦੀ ਜੁਲਦੀ ਹੈ। ਢੱਤਕੀ ਤੋਂ ਇਲਾਵਾ ਇਥੋਂ ਦੇ ਵਸਨੀਕ ਹਿੰਦੀ, ਉਰਦੂ, ਪੰਜਾਬੀ ਅਤੇ ਸਿੰਧੀ ਵੀ ਸਮਝਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।