Demand for removal of gst from sanitizer ventilator

ਨਵੀਂ ਦਿੱਲੀ: ਵੈਂਟੀਲੇਟਰਾਂ, ਮਾਸਕ ਅਤੇ ਸੈਨੀਟਾਈਜ਼ਰ ਵਰਗੀਆਂ ਚੀਜ਼ਾਂ 'ਤੇ ਜੀਐਸਟੀ ਹਟਾਉਣ ਦਾ ਕੋਈ ਫਾਇਦਾ ਨਹੀਂ ਹੋਵੇਗਾ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਅਨੁਸਾਰ ਸਰਕਾਰ ਨੇ ਵਿਸ਼ਲੇਸ਼ਣ ਵਿੱਚ ਪਾਇਆ ਹੈ ਕਿ ਜੇ ਜੀਐਸਟੀ ਨੂੰ ਹਟਾ ਦਿੱਤਾ ਜਾਂਦਾ ਹੈ ਤਾਂ ਖਪਤਕਾਰਾਂ ਨੂੰ ਵਧੇਰੇ ਕੀਮਤਾਂ ਦਾ ਭੁਗਤਾਨ ਕਰਨਾ ਪਏਗਾ।

ਕਾਂਗਰਸ ਲਗਾਤਾਰ ਮੰਗ ਕਰ ਰਹੀ ਹੈ ਕਿ ਵੈਂਟੀਲੇਟਰਾਂ, ਪੀਪੀਈ, ਮਾਸਕ, ਟੈਸਟ ਕਿੱਟਾਂ ਅਤੇ ਸੈਨੀਟਾਈਜ਼ਰਜ਼ ਤੋਂ ਜੀਐਸਟੀ ਹਟਾ ਦਿੱਤਾ ਜਾਵੇ ਪਰ ਸਰਕਾਰ ਦਾ ਤਰਕ ਹੈ ਕਿ ਇਨ੍ਹਾਂ ਉਤਪਾਦਾਂ ਉੱਤੇ ਜੀਐਸਟੀ ਘਟਾ ਦਿੱਤਾ ਗਿਆ ਹੈ ਤਾਂ ਖਪਤਕਾਰਾਂ ਨੂੰ ਵਧ ਕੀਮਤਾਂ ਦਾ ਭੁਗਤਾਨ ਕਰਨਾ ਪਵੇਗਾ। ਸੂਤਰਾਂ ਅਨੁਸਾਰ ਸਰਕਾਰ ਦਾ ਕਹਿਣਾ ਹੈ ਕਿ ਵੈਂਟੀਲੇਟਰਾਂ, ਪੀਪੀਈ, ਟੈਸਟਿੰਗ ਕਿੱਟਾਂ ਤੋਂ ਜੀਐਸਟੀ ਹਟਾਉਣਾ ਕੋਈ ਲਾਭ ਨਹੀਂ ਹੈ।

ਸਰਕਾਰ ਦਾ ਮੰਨਣਾ ਹੈ ਕਿ ਇਨ੍ਹਾਂ ਚੀਜ਼ਾਂ ‘ਤੇ ਜੀਐਸਟੀ ਹਟਾਉਣ ਨਾਲ ਇਨਪੁਟ ਟੈਕਸ ਕ੍ਰੈਡਿਟ ਨਹੀਂ ਮਿਲੇਗਾ। ਕੀਮਤਾਂ ਵਧਣਗੀਆਂ ਤਾਂ ਖਪਤਕਾਰ ਨੂੰ ਨੁਕਸਾਨ ਹੋਵੇਗਾ। ਕੀਮਤਾਂ ਦੇ ਵਾਧੇ ਨਾਲ ਇਨ੍ਹਾਂ ਚੀਜ਼ਾਂ ਦਾ ਇੰਪੋਰਟ ਵੀ ਵਧੇਗਾ। ਸਸਤੀ ਇੰਪੋਰਟ ਵਧਣ ਨਾਲ ਘਰੇਲੂ ਉਦਯੋਗ ਨੂੰ ਨੁਕਸਾਨ ਹੋਵੇਗਾ। ਸਰਕਾਰ ਦਾ ਦਾਅਵਾ ਹੈ ਕਿ ਸੈਨੇਟਰੀ ਨੈਪਕਿਨ ਦੇ ਮਾਮਲੇ ਵਿਚ ਅਜਿਹਾ ਹੋਇਆ ਹੈ। ਕਾਂਗਰਸ ਨੇ ਇਨ੍ਹਾਂ ਚੀਜ਼ਾਂ ‘ਤੇ ਜੀਐਸਟੀ ਹਟਾਉਣ ਦੀ ਮੰਗ ਕੀਤੀ ਹੈ।

ਫਿਲਹਾਲ ਜੀਐਸਟੀ ਵੈਂਟੀਲੇਟਰਾਂ 'ਤੇ 12%, ਪੀਪੀਈ' ਤੇ 5% ਅਤੇ 12%, ਮਾਸਕ 'ਤੇ 5%, ਟੈਸਟ ਕਿੱਟਾਂ' ਤੇ 12% ਅਤੇ ਸੈਨੇਟਾਈਜ਼ਰ 'ਤੇ 18% ਜੀਐਸਟੀ ਲਗਦਾ ਹੈ। ਦੱਸ ਦੇਈਏ ਕਿ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਇਨ੍ਹਾਂ ਚੀਜ਼ਾਂ ‘ਤੇ ਜੀਐਸਟੀ ਹਟਾਉਣ ਦੀ ਮੰਗ ਕੀਤੀ ਹੈ। ਇਸ ਦੇ ਨਾਲ ਹੀ ਅਮਰੀਕਾ ਨੇ ਆਰੋਪ ਲਗਾਇਆ ਹੈ ਕਿ ਚੀਨ ਕੋਰੋਨਾ ਵਾਇਰਸ ਦੁਆਰਾ ਮੁਨਾਫਾ ਕਮਾਉਣ ਲਈ ਪ੍ਰੋਟੇਕਟਿਵ ਸੂਟ ਅਤੇ ਹੋਰ ਮੈਡੀਕਲ ਸਮਾਨਾਂ ਨੂੰ ਜਮ੍ਹਾਂ ਕਰ ਰਿਹਾ ਹੈ।

ਵ੍ਹਾਈਟ ਹਾਊਸ ਨੇ ਆਰੋਪ ਲਗਾਇਆ ਹੈ ਕਿ ਉਸ ਦੇ ਕੋਲ ਇਸ ਗੱਲ ਦੇ ਸਬੂਤ ਹਨ ਕਿ ਚੀਨ ਨੇ ਜਨਵਰੀ-ਫਰਵਰੀ ਵਿਚ ਅਪਣੀ ਜ਼ਰੂਰਤ ਤੋਂ 18 ਗੁਣਾ ਜ਼ਿਆਦਾ PPE, ਮਾਸਕ ਅਤੇ ਗਲੱਵਸ ਅਤੇ ਹੋਰ ਮੈਡੀਕਲ ਸਮਾਨ ਖਰੀਦ ਲਿਆ ਸੀ। ਕੋਰੋਨਾ ਨਾਲ ਨਿਪਟਣ ਤੋਂ ਬਾਅਦ ਚੀਨ ਹੁਣ ਇਸ ਬਚੇ ਹੋਏ ਸਮਾਨ ਨੂੰ ਹੋਰ ਦੇਸ਼ਾਂ ਨੂੰ ਵਧ ਕੀਮਤ ਤੇ ਵੇਚ ਰਿਹਾ ਹੈ।

ਵ੍ਹਾਈਟ ਹਾਊਸ ਦੇ ਡਾਇਰੈਕਟਰ ਆਫ ਟ੍ਰੇਡ ਐਂਡ ਮੈਨਿਊਫੈਕਚਰਿੰਗ ਪੀਟਰ ਨਾਵਰੋ ਨੇ ਸੋਮਵਾਰ ਨੂੰ ਦਸਿਆ ਕਿ ਚੀਨ ਨੇ ਭਾਰਤ, ਬ੍ਰਾਜੀਲ ਅਤੇ ਹੋਰ ਕਈ ਯੂਰੋਪੀ ਦੇਸ਼ਾਂ ਕੋਲ PPE ਇਸ ਲਈ ਨਹੀਂ ਹਨ ਕਿਉਂ ਕਿ ਚੀਨ ਇਸ ਨੂੰ ਇਕੱਠੇ ਕਰ ਕੇ ਰੱਖ ਰਿਹਾ ਹੈ।

ਉਹਨਾਂ ਆਰੋਪ ਲਗਾਇਆ ਕਿ ਚੀਨ ਨੂੰ ਜਿਵੇਂ ਹੀ ਵਾਇਰਸ ਦਾ ਪਤਾ ਚੱਲਿਆ ਤਾਂ ਉਸ ਨੇ ਦੁਨੀਆਭਰ ਤੋਂ ਵੱਡੀ ਮਾਤਰਾ ਵਿਚ ਪ੍ਰੋਟੇਕਿਟਵ ਸੂਟ, ਦਸਤਾਨੇ, ਮਾਸਕ ਅਤੇ ਸੈਨੇਟਾਈਜ਼ਰ ਖਰੀਦ ਲਿਆ। ਇਕ ਮੀਡੀਆ ਚੈਨਲ ਨੂੰ ਦਿੱਤੀ ਇੰਟਰਵਿਊ ਦੌਰਾਨ ਪੀਟਰ ਨੇ ਕਿਹਾ ਕਿ ਇਸ ਜਮ੍ਹਾਂ ਕੀਤੇ ਗਏ ਸਮਾਨ ਨੂੰ ਹੁਣ ਚੀਨ ਕਈ ਗੁਣਾ ਕੀਮਤ ’ਤੇ ਵੇਚ ਰਿਹਾ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।