ਏਅਰ ਏਸ਼ੀਆ ਦੇ ਸਟਾਫ ਨੇ ਯਾਤਰੀਆਂ ਦੀ ਕੀਤੀ ਬੁਰੀ ਹਾਲਤ, ਯਾਤਰੀਆਂ ਦਾ ਘੁਟਿਆ ਸਾਹ
ਬੰਗਾਲ ਦੇ ਬਾਗਡੋਗਰਾ ਜਾ ਰਹੀ ਏਅਰ ਏਸ਼ਿਆ ਦੀ ਫਲਾਇਟ ਬੁੱਧਵਾਰ ਨੂੰ ਕੋਲਕਾਤਾ ਏਅਰਪੋਰਟ ਉੱਤੇ ਸਾਢੇ ਚਾਰ ਘੰਟੇ ਲੇਟ ਹੋ ਗਈ।
ਕੋਲਕਾਤਾ, ਬੰਗਾਲ ਦੇ ਬਾਗਡੋਗਰਾ ਜਾ ਰਹੀ ਏਅਰ ਏਸ਼ਿਆ ਦੀ ਫਲਾਇਟ ਬੁੱਧਵਾਰ ਨੂੰ ਕੋਲਕਾਤਾ ਏਅਰਪੋਰਟ ਉੱਤੇ ਸਾਢੇ ਚਾਰ ਘੰਟੇ ਲੇਟ ਹੋ ਗਈ। ਯਾਤਰੀਆਂ ਨੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਨੂੰ ਡੇਢ ਘੰਟੇ ਤੱਕ ਜਹਾਜ਼ ਦੇ ਅੰਦਰ ਹੀ ਬਿਠਾ ਕੇ ਰੱਖਿਆ ਗਿਆ। ਦੱਸ ਦਈਏ ਕਿ ਯਾਤਰੀਆਂ ਨਾਲ ਏਅਰ ਏਸ਼ੀਆ ਦੇ ਸਟਾਫ ਵਲੋਂ ਬਦਸਲੂਕੀ ਵੀ ਕੀਤੀ ਗਈ।
ਯਾਤਰੀਆਂ ਨੇ ਜਹਾਜ਼ ਤੋਂ ਉਤਰਨ ਲਈ ਇਨਕਾਰ ਕਰ ਦਿੱਤਾ। ਇੰਡਿਅਨ ਆਇਲ ਕਾਰਪੋਰੇਸ਼ਨ ਦੇ ਕਾਰਜਕਾਰੀ ਨਿਦੇਸ਼ਕ ਦੀਪਾਂਕਰ ਨੇ ਕਿਹਾ ਕਿ ਕੋਲਕਾਤਾ ਏਅਰਪੋਰਟ ਉੱਤੇ ਬਾਹਰ ਬਹੁਤ ਤਾਜ਼ ਮੀਂਹ ਪੈ ਰਿਹਾ ਸੀ। ਜਦੋਂ ਯਾਤਰੀਆਂ ਨੇ ਉਸ ਹਲਾਤ ਵਿਚ ਜਹਾਜ਼ ਤੋਂ ਉਤਰਨ ਲਈ ਮਨਾ ਕਰ ਦਿੱਤਾ ਤਾਂ ਕੈਪਟਨ ਨੇ ਲੋਕਾਂ ਨੂੰ ਡਰਾਉਣ ਲਈ ਏਅਰ ਕੰਡੀਸ਼ਨਰ ਦਾ ਬਲੋਅਰ ਤੇਜ਼ੀ ਨਾਲ ਚਲਾ ਦਿੱਤਾ। ਇਸ ਨਾਲ ਜਹਾਜ਼ ਦੇ ਅੰਦਰ ਕਾਫੀ ਧੁਆਂ ਹੋ ਗਿਆ ਅਤੇ ਯਾਤਰੀਆਂ ਵਿਚ ਡਰ ਦਾ ਮਾਹੌਲ ਬਣ ਗਿਆ।
ਉਨ੍ਹਾਂ ਕਿਹਾ ਕਿ ਅਸੀਂ ਇਸਦੇ ਲਈ ਅਫ਼ਸੋਸ ਜ਼ਾਹਰ ਕਰਦੇ ਹਨ ਅਤੇ ਸਾਫ਼ ਦੱਸ ਦੇਣਾ ਚਾਹੁੰਦੇ ਹਾਂ ਕਿ ਤਕਨੀਕੀ ਮੁਸ਼ਕਿਲ ਕਾਰਨ ਏਅਰ ਕੰਡੀਸ਼ਨਰ ਦੀ ਅਜਿਹੀ ਹਾਲਤ ਹੋਈ ਸੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਮਾਹੌਲ ਸਿਰਫ ਤਕਨੀਕੀ ਕਾਰਨਾਂ ਕਰਕੇ ਖਰਾਬ ਹੋਇਆ ਸੀ ਇਸ ਵਿਚ ਕਿਸੇ ਵੀ ਯਾਤਰੀ ਦੀ ਜਾਨ ਨੂੰ ਉਨ੍ਹਾਂ ਅਸੁਰੱਖਿਆ ਵਿਚ ਨਹੀਂ ਪਾਇਆ।