ਨਵੀਂ ਦਿੱਲੀ (ਭਾਸ਼ਾ): ਕੇਂਦਰੀ ਗ੍ਰਹਿ ਮੰਤਰਾਲਾ ਨੇ ਅਚਾਨਕ ਕਦਮ ਚੁੱਕਦੇ ਹੋਏ ਵੀਰਵਾਰ ਨੂੰ 10 ਕੇਂਦਰੀ ਏਜੰਸੀਆਂ ਨੂੰ ਦੇਸ਼ ਵਿਚ ਚੱਲ ਰਹੇ ਕਿਸੇ ਵੀ ਕੰਪਿਊਟਰ ਵਿਚ ਜਾਸੂਸੀ ਕਰਨ ਦੀ ਇਜਾਜਤ ਦੇ ਦਿਤੀ ਹੈ। ਗ੍ਰਹਿ ਮੰਤਰਾਲੇ ਦੇ ਆਦੇਸ਼ ਮੁਤਾਬਕ ਦੇਸ਼ ਦੀ ਇਹ ਸੁਰੱਖਿਆ ਏਜੰਸੀਆਂ ਕਿਸੇ ਵੀ ਵਿਅਕਤੀ ਦੇ ਕੰਪਿਊਟਰ ਵਿਚ ਜੈਨਰੇਟ, ਟਰਾਂਸਮਿਟ, ਰਿਸੀਵ ਅਤੇ ਸਟੋਰ ਕੀਤੇ ਗਏ ਕਿਸੇ ਦਸਤਾਵੇਜ਼ ਨੂੰ ਦੇਖ ਸਕਦੇ ਹਨ। ਇਸ ਸਰਕਾਰੀ ਆਦੇਸ਼ ਉਤੇ ਅਸਦੁੱਦੀਨ ਓਵੈਸੀ ਨੇ ਇਸ ਦੀ ਆਲੋਚਨਾ ਕਰਦੇ ਹੋਏ ਕਿਹਾ ਘਰ-ਘਰ ਮੋਦੀ।

ਗ੍ਰਹਿ ਮੰਤਰਾਲੇ ਦੇ ਆਦੇਸ਼ ਮੁਤਾਬਕ ਇੰਟੈਲੀਜੇਂਸ ਬਿਊਰੋ, ਨਾਰਕੋਟਿਕਸ ਕੰਟਰੋਲ ਬਿਊਰੋ, ਪਰਿਵਰਤਨ ਨਿਰਦੇਸ਼ਕ, ਸੈਂਟਰਲ ਬੋਰਡ ਆਫ਼ ਡਾਇਰੈਕਟ ਟੈਕਸ, ਡਾਇਰੈਕਟਰੇਟ ਆਫ਼ ਰਿਵੇਨਿਊ ਇੰਟੈਲੀਜੇਂਸ, ਸੀਬੀਆਈ, ਐਨਆਈਏ, ਕੈਬੀਨਟ ਸੈਕਰੇਟਰੀਐਟ (ਰਾ), ਡਾਇਰੈਕਟਰੇਟ ਆਫ਼ ਸਿਗਨਲ ਇੰਟੈਲੀਜੇਂਸ ਅਤੇ ਦਿੱਲੀ ਦੇ ਕਮਿਸ਼ਨਰ ਆਫ਼ ਪੁਲਿਸ ਨੂੰ ਦੇਸ਼ ਵਿਚ ਚੱਲਣ ਵਾਲੇ ਸਾਰੇ ਕੰਪਿਊਟਰਾਂ ਦੀ ਜਾਸੂਸੀ ਦੀ ਮਨਜ਼ੂਰੀ ਦਿਤੀ ਗਈ ਹੈ।

ਕੇਂਦਰ ਸਰਕਾਰ ਦੇ ਇਸ ਫੈਸਲੇ ਉਤੇ ਪ੍ਰਤੀਕ੍ਰਿਆ ਦਿੰਦੇ ਹੋਏ ਆਲ ਇੰਡੀਆ ਮਜਲਿਸ-ਏ-ਇਤੇਹਾਦੁਲ ਮੁਸਲਮਾਨ ਦੇ ਪ੍ਰਧਾਨ ਅਸਦੁੱਦੀਨ ਓਵੈਸੀ ਨੇ ਕਿਹਾ ਕਿ ਕੇਂਦਰ ਸਰਕਾਰ ਨੇ ਸਿਰਫ਼ ਇਕੋ ਜਿਹੇ ਸਰਕਾਰੀ ਆਦੇਸ਼ ਦੇ ਜਰੀਏ ਦੇਸ਼ ਵਿਚ ਸਾਰੇ ਕੰਪਿਊਟਰ ਦੀਆਂ ਜਾਸੂਸੀ ਦਾ ਆਦੇਸ਼ ਦੇ ਦਿਤੇ ਹਨ। ਓਵੈਸੀ ਨੇ ਕਿਹਾ ਕਿ ਕੇਂਦਰ ਸਰਕਾਰ ਇਸ ਫੈਸਲੇ ਤੋਂ ‘ਘਰ-ਘਰ ਮੋਦੀ’ ਦਾ ਅਪਣਾ ਵਾਅਦਾ ਨਿਭਾ ਰਹੀ ਹੈ। ਇਸ ਦੇ ਨਾਲ ਹੀ ਓਵੈਸੀ ਨੇ ਕਿਹਾ ਕਿ 1984 ਵਿਚ ਤੁਹਾਡਾ ਸਵਾਗਤ ਹੈ।