ਨਵੀਂ ਦਿੱਲੀ: 27 ਫਰਵਰੀ ਨੂੰ ਦੁਰਘਟਨਾ ਦੇ ਮਾਮਲੇ ਵਿਚ ਐਮਆਈ-17 ਹੈਲੀਕਾਪਟਰ ਮਾਮਲੇ ਵਿਚ ਭਾਰਤੀ ਹਵਾਈ ਫ਼ੌਜ ਦੀ ਜਾਂਚ 20 ਦਿਨਾਂ ਵਿਚ ਪੂਰੀ ਹੋਵੇਗੀ। ਸਬੂਤਾਂ ਦੀ ਜਾਣਕਾਰੀ ਇਸ ਦੇ ਤੁਰੰਤ ਬਾਦ ਪੇਸ਼ ਕੀਤੀ ਜਾਵੇਗੀ ਅਤੇ ਹੈਲੀਕਾਪਟਰ ਵਿਚ 6 ਜਵਾਨ ਅਤੇ ਜ਼ਮੀਨ ਤੇ ਇਕ ਨਾਗਰਿਕ ਦੀ ਮੌਤ ਲਈ ਜ਼ਿੰਮੇਵਾਰ ਲੋਕਾਂ ’ਤੇ ਹਵਾਈ ਫ਼ੌਜ ਧਾਰਾ 1950 ਦੇ ਫ਼ੌਜ ਕਾਨੂੰ ਤਹਿਤ ਗੈਰ ਇਰਾਦਾ ਹੱਤਿਆ ਦਾ ਮਾਮਲਾ ਚਲਾਇਆ ਜਾ ਸਕਦਾ ਹੈ।
ਸੂਤਰਾਂ ਮੁਤਾਬਕ ਪੂਰੀ ਘਟਨਾ 12 ਸੈਕੰਡ ਵਿਚ ਵਾਪਰੀ, ਐਮਆਈ ਹੈਲੀਕਾਪਟਰ ਨੂੰ ਇਸ ਦੀ ਜਾਣਕਾਰੀ ਨਹੀਂ ਸੀ ਕਿ ਉਹ ਹਮਲੇ ਦੇ ਦਾਇਰੇ ਵਿਚ ਹੈ। ਦਸ ਦਈਏ ਕਿ 27 ਫਰਵਰੀ ਨੂੰ 8 ਭਾਰਤੀ ਹਵਾਈ ਫ਼ੌਜ ਦੇ ਜਵਾਨ, ਐਫ-16 ਦੇ 24 ਪਾਕਿਸਤਾਨੀ ਹਵਾਈ ਫ਼ੌਜ ਦੇ ਜਵਾਨਾਂ ਨੂੰ ਰੋਕਣ ਲਈ ਗਏ ਸਨ। ਐਫ-16 ਨੇ ਐਲਓਸੀ ਪਾਰ ਕਰ ਲਿਆ ਸੀ ਅਤੇ ਭਾਰਤੀ ਫ਼ੌਜ ਸੈਨਾ ’ਤੇ ਨਿਸ਼ਾਨਾ ਲਾ ਰਿਹਾ ਸੀ।
ਪੱਛਮ ਵਿਚ ਜਾਰੀ ਹਵਾਈ ਹਮਲੇ ਵਿਚਕਾਰ ਕਸ਼ਮੀਰ ਵਿਚ ਭਾਰਤੀ ਹਵਾਈ ਫ਼ੌਜ ਅਲਰਟ ’ਤੇ ਸੀ ਅਤੇ ਕਿਸੇ ਵੀ ਸਮੇਂ ਪਾਕਿਸਤਾਨੀ ਜਹਾਜ਼ ਦੇ ਹਮਲੇ ਦਾ ਜਵਾਬ ਦੇਣ ਲਈ ਤਿਆਰ ਸੀ। ਇਸ ਸਮੇਂ ਸ਼੍ਰੀਨਗਰ ਏਅਰਪੋਰਟ ’ਤੇ ਏਅਰ ਡਿਫੈਂਸ ਦੀ ਰਡਾਰ ਨੇ ਅਪਣੀ ਸਕਰੀਨ ’ਤੇ ਘੱਟ ਉਡਾਨ ਵਾਲਾ ਜਹਾਜ਼ ਦੇਖਿਆ। ਉਸ ਸਮੇਂ ਟਰਮੀਨਲ ਵੀਪਨ ਡਾਇਰੈਕਟਰ ਦੇ ਆਹੁਦੇ ’ਤੇ ਇਕ ਸੀਨੀਅਰ ਅਧਿਕਾਰੀ ਸਨ ਜੋ ਕਿ ਏਅਰ ਬੇਸ ਦੇ ਵੀ ਚੀਫ ਆਪਰੇਸ਼ਨ ਅਧਿਕਾਰੀ ਸਨ।
ਹੋ ਸਕਦਾ ਹੈ ਕਿ ਆਈਐਫਐਫ ਟ੍ਰਾਂਸਪੋਡਰ ਸਿਸਟਮ ਘਟ ਉਡਾਨ ਵਾਲੇ ਜਹਾਜ਼ ਦੀ ਪਛਾਣ ਨਾ ਸਕਿਆ ਹੋਵੇ ਅਤੇ ਅਧਿਕਾਰੀ ਨੇ ਫਾਇਰ ਕਰਨ ਦਾ ਆਦੇਸ਼ ਦੇ ਦਿੱਤਾ ਹੋਵੇ। ਏਅਰਕ੍ਰਾਫਟ ਵਿਚ ਆਈਐਫਐਫ ਸਿਸਟਮ ਨੂੰ ਗ੍ਰਾਉਂਡ ’ਤੇ ਇੰਟੇਰੋਗੇਸ਼ਨ ਸਿਗਨਲ ਲਈ ਪ੍ਰਯੋਗ ਕੀਤਾ ਜਾਂਦਾ ਹੈ। ਇਹ ਦਸਦਾ ਹੈ ਕਿ ਉਹ ਸਾਡਾ ਦੋਸਤ ਹੈ, ਦੁਸ਼ਮਣ ਨਹੀਂ ਹੈ।
ਇਸ ਸਿਸਟਮ ਨੂੰ ਇਸ ਲਈ ਤਿਆਰ ਕੀਤਾ ਗਿਆ ਹੈ ਕਿਉਂ ਕਿ ਯੁੱਧ ਦੌਰਾਨ ਦੋਸਤਾਨਾ ਤੌਰ ’ਤੇ ਫਾਇਰਿੰਗ ਦੀ ਘਟਨਾ ਨਾ ਹੋਵੇ। ਇਹ ਅਜੇ ਸਪੱਸ਼ਟ ਨਹੀਂ ਹੋਇਆ ਕਿ ਆਈਏਐਫ ਦੇ ਹੈਲੀਕਾਪਟਰ ਵਿਚ ਆਈਏਐਫ ਸਵਿਚ ਆਫ ਸੀ ਅਤੇ ਜਦੋਂ ਇਸ ਜਹਾਜ਼ ਨੂੰ ਸੁਟਿਆ ਗਿਆ ਉਸ ਸਮੇਂ ਇਹ ਕੰਮ ਨਹੀਂ ਕਰ ਰਿਹਾ ਸੀ।