raped

ਰਾਂਚੀ : ਝਾਰਖੰਡ ਦੇ ਖੂੰਟੀ ਜ਼ਿਲ੍ਹੇ ਦੇ ਅੜਕੀ ਥਾਣਾ ਖੇਤਰ ਵਿਚ ਪੰਜ ਲੜਕੀਆਂ ਦੇ ਨਾਲ ਸਮੂਹਕ ਬਲਾਤਕਾਰ ਹੋਇਆ ਹੈ। ਇਹ ਮਾਮਲਾ 19 ਜੂਨ ਦਾ ਦਸਿਆ ਜਾ ਰਿਹਾ ਹੈ। ਜਦੋਂ ਨਿੱਜੀ ਸਮਾਜਿਕ ਸੰਸਥਾ ਆਸ਼ਾ ਕਿਰਨ ਦੀ ਟੀਮ ਮਨੁੱਖੀ ਤਸਕਰੀ ਦੇ ਵਿਰੁਧ ਨੁੱਕੜ ਨਾਟਕ ਕਰਨ ਇੱਥੇ ਪਹੁੰਚੀ ਸੀ। ਦਸਿਆ ਜਾ ਰਿਹਾ ਹੈ ਕਿ 5-6 ਲੋਕ ਮੋਟਰਸਾਈਕਲ 'ਤੇ ਆਏ ਅਤੇ ਬੰਦੂਕ ਦੇ ਜ਼ੋਰ ਦੇ ਲੜਕੀਆਂ ਨੂੰ ਜੰਗਲ ਵਿਚ ਲੈ ਗਏ, ਜਿੱਥੇ ਉਨ੍ਹਾਂ ਨਾਲ ਸਮੂਹਕ ਗੈਂਗਰੇਪ ਕੀਤਾ।

ਦਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਲੜਕੀਆਂ ਦੇ ਨਾਲ ਜੋ ਵਿਅਕਤੀ ਸਨ, ਉਨ੍ਹਾਂ ਦੀ ਵੀ ਮਾਰਕੁੱਟ ਕੀਤੀ ਗਈ।ਇਹ ਮਾਮਲਾ ਮੰਗਲਵਾਰ ਸ਼ਾਮ ਨੂੰ ਖੂੰਟੀ ਦੇ ਏਰਕੀ ਕੋਚਾਂਗ ਦਾ ਹੈ, ਜਿੱਥੇ 11 ਮੈਂਬਰੀ ਟੀਮ ਮਨੁੱਖੀ ਤਸਕਰੀ ਵਿਰੁਧ ਇਕ ਨੁੱਕੜ ਨਾਟਕ ਪੇਸ਼ ਕਰਨ ਪੁੱਜੀ ਸੀ। ਦਸਿਆ ਜਾ ਰਿਹਾ ਹੈ ਕਿ ਹਥਿਆਰਾਂ ਨਾਲ ਲੈਸ ਕੁੱਝ ਲੋਕ ਉਥੇ ਆਏ ਅਤੇ ਉਨ੍ਹਾਂ ਨੇ ਮਰਦਾਂ ਦੀ ਮਾਰਕੁੱਟ ਕੀਤੀ ਅਤੇ ਉਸ ਤੋਂ ਬਾਅਦ ਬੰਦੂਕ ਦੇ ਜ਼ੋਰ 'ਤੇ ਲੜਕੀਆਂ ਨੂੰ ਅਪਣੇ ਨਾਲ ਲੈ ਗਏ।

ਦਸਿਆ ਜਾ ਰਿਹਾ ਹੈ ਕਿ ਲੜਕੀਆਂ ਦੇ ਨਾਲ ਦੋ ਨੰਨ ਵੀ ਮੌਜੂਦ ਸਨ, ਜਿਨ੍ਹਾਂ ਨੂੰ ਬਿਨਾਂ ਕੋਈ ਨੁਕਸਾਨ ਪਹੁੰਚਾਏ ਛੱਡ ਦਿਤਾ ਗਿਆ ਹੈ। ਉਥੇ ਪੀੜਤ ਲੜਕੀਆਂ ਨੂੰ ਤਿੰਨ ਘੰਟੇ ਬਾਅਦ ਜੰਗਲ ਵਿਚ ਛੱਡ ਦਿਤਾ ਗਿਆ। ਸਾਰੀਆਂ ਪੀੜਤ ਲੜਕੀਆਂ ਦੀ ਮੈਡੀਕਲ ਜਾਂਚ ਕਰਵਾਈ ਗਈ ਹੈ, ਜਿਸ ਵਿਚ ਬਲਾਤਕਾਰ ਦੀ ਪੁਸ਼ਟੀ ਹੋਈ ਹੈ। ਪੁਲਿਸ 9 ਲੋਕਾਂ ਨੂੰ ਹਿਰਾਸਤ ਵਿਚ ਲੈ ਕੇ ਪੁੱਛਗਿਛ ਕਰ ਰਹੀ ਹੈ। ਪੁਲਿਸ ਨੇ 6 ਅਣਪਛਾਤੇ ਲੋਕਾਂ ਵਿਰੁਧ ਮਾਮਲਾ ਦਰਜ ਕੀਤਾ ਹੈ।

ਪੁਲਿਸ ਮਾਮਲੇ ਦੀ ਜਾਂਚ ਵਿਚ ਜੁਟੀ ਹੈ ਅਤੇ ਦੋਸ਼ੀਆਂ ਨੂੰ ਫੜਨ ਲਈ ਕਈ ਟੀਮਾਂ ਬਣਾਈਆਂ ਗਈਆਂ ਹਨ। ਖੇਤਰੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਇਸ ਕਾਂਡ ਵਿਚ ਸ਼ਾਮਲ ਲੋਕ ਪਾਥਲਗਦੀ ਦੇ ਸਮਰਥਕ ਹਨ। ਇਹ ਜਨਜਾਤੀ ਵਿਵਸਥਾ ਹੈ, ਜਿਸ ਤਹਿਤ ਲੋਕ ਜਨਜਾਤੀ ਦੇ ਨਿਯਮਾਂ ਦੇ ਅਨੁਸਾਰ ਖ਼ੁਦ ਨੂੰ ਚਲਾਉਂਦੇ ਹਨ ਅਤੇ ਰਾਜ ਦੇ ਅਧਿਕਾਰ ਨੂੰ ਨਹੀਂ ਮੰਨਦੇ ਹਨ। ਇਨ੍ਹਾਂ ਪਿੰਡਾਂ ਵਿਚ ਬਾਹਰੀ ਲੋਕਾਂ ਦੀ ਇਜਾਜ਼ਤ ਨਹੀਂ ਹੁੰਦੀ ਹੈ। ਫਿਲਹਾਲ ਇਸ ਮੰਦਭਾਗੀ ਘਟਨਾ ਨਾਲ ਇਲਾਕੇ ਦੇ ਨਾਲ-ਨਾਲ ਸੂਬੇ ਭਰ ਦੇ ਲੋਕਾਂ ਵਿਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ ਅਤੇ ਦੋਸ਼ੀਆਂ ਨੂੰ ਫੜਨ ਦੀ ਮੰਗ ਕੀਤੀ ਜਾ ਰਹੀ ਹੈ।