Gurudas Kamat

ਮੁੰਬਈ : ਸਾਬਕਾ ਕੇਂਦਰੀ ਮੰਤਰੀ ਅਤੇ ਕਾਂਗਰਸ ਦੇ ਸੀਨੀਅਰ ਨੇਤਾ ਗੁਰੁਦਾਸ ਕਾਮਤ ਦਾ ਦਿੱਲੀ ਸਥਿਤ ਹਸਪਤਾਲ 'ਚ ਬੁੱਧਵਾਰ ਸਵੇਰੇ ਦੇਹਾਂਤ ਹੋ ਗਿਆ। 63 ਸਾਲ ਦੇ ਕਾਮਤ ਕਈ ਦਿਨਾਂ ਤੋਂ ਬੀਮਾਰ ਚੱਲ ਰਹੇ ਸਨ। ਬੁੱਧਵਾਰ ਨੂੰ ਉਨ੍ਹਾਂ ਨੂੰ ਦਿਲ ਦੇ ਦੌਰੇ ਤੋਂ ਬਾਅਦ ਹਸਪਤਾਲ ਲਿਜਾਇਆ ਗਿਆ, ਜਿਥੇ ਕੁੱਝ ਦੇਰ ਬਾਅਦ ਡਾਕਟਰਾਂ ਨੇ ਉਨ੍ਹਾਂ ਨੂੰ ਮ੍ਰਿਤਕ ਐਲਾਨ ਕਰ ਦਿਤਾ। ਗੁਰੁਦਾਸ ਕਾਮਤ ਮੁੰਬਈ ਕਾਂਗਰਸ ਦੇ ਪ੍ਰਧਾਨ ਦੀ ਜ਼ਿੰਮੇਵਾਰੀ ਸੰਭਾਲ ਚੁੱਕੇ ਸਨ।  

ਗੁਰੁਦਾਸ ਕਾਮਤ ਕਾਂਗਰਸ ਦੀ ਮਨਮੋਹਨ ਸਿੰਘ ਸਰਕਾਰ ਵਿਚ ਕੇਂਦਰੀ ਰਾਜ ਮੰਤਰੀਆਂ ਸਨ। ਉਨ੍ਹਾਂ ਦਾ ਜਨਮ 5 ਅਕਤੂਬਰ 1954 ਨੂੰ ਹੋਇਆ ਸੀ। ਉਹ ਮੁੰਬਈ ਦੇ ਨਾਰਥ ਵੈਸਟ ਤੋਂ ਇਕ ਵਾਰ ਅਤੇ ਮੁੰਬਈ ਨਾਰਥ ਈਸਟ ਤੋਂ ਚਾਰ ਵਾਰ ਕਾਂਗਰਸ ਦੇ ਸਾਂਸਦ ਚੁਣੇ ਗਏ ਸਨ। ਉਹ ਆਲ ਇੰਡੀਆ ਕਾਂਗਰਸ ਕਮੇਟੀ ਦੇ ਜਨਰਲ ਸਕੱਤਰ ਅਤੇ ਕਾਂਗਰਸ ਵਰਕਿੰਗ ਕਮੇਟੀ ਦੇ ਮੈਂਬਰ ਵੀ ਰਹੇ ਹਨ।  

ਬੁੱਧਵਾਰ ਦੀ ਸਵੇਰੇ ਉਨ੍ਹਾਂ ਨੂੰ ਦਿਲ ਦਾ ਦੋਰਾ ਪੈਣ 'ਤੇ ਦਿੱਲੀ ਦੇ ਚਾਣਕਿਅਪੁਰੀ ਸਥਿਤ ਇਕ ਪ੍ਰਾਈਵੇਟ ਹਸਪਤਾਲ ਲਿਜਾਇਆ ਗਿਆ। ਉਥੇ ਕੁੱਝ ਦੇਰ ਬਾਅਦ ਹੀ ਡਾਕਟਰ ਨੇ ਉਨ੍ਹਾਂ ਦੇ ਦੇਹਾਂਤ ਦਾ ਐਲਾਨ ਕਰ ਦਿਤਾ। ਕਾਂਗਰਸ ਦੀ ਸਾਬਕਾ ਪ੍ਰਧਾਨ ਸੋਨੀਆ ਗਾਂਧੀ ਵੀ ਉਨ੍ਹਾਂ ਨੂੰ ਦੇਖਣ ਹਸਪਤਾਲ ਪਹੁੰਚੀ ਸਨ।  

ਗੁਰੁਦਾਸ ਕਾਮਤ ਦੇ ਅਚਾਨਕ ਦੇਹਾਂਤ ਨਾਲ ਸੋਗ ਦੀ ਲਹਿਰ ਦੋੜ ਪਈ। ਬੀਜੇਪੀ ਸਾਂਸਦ ਪੂਨਮ ਮਹਾਜਨ ਅਤੇ ਰਾਜਸਥਾਨ ਦੇ ਸਾਬਕਾ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਸਮੇਤ ਕਾਂਗਰਸ ਦੇ ਕਈ ਸੀਨੀਅਰ ਨੇਤਾਵਾਂ ਨੇ ਉਨ੍ਹਾਂ ਦੇ ਦੇਹਾਂਤ 'ਤੇ ਦੁਖ ਵਿਅਕਤ ਕੀਤਾ ਹੈ। ਅਸ਼ੋਕ ਗਹਿਲੋਤ ਨੇ ਟਵੀਟ ਕੀਤਾ ਕਿ ਕਾਮਤ ਦੇ ਅਚਾਨਕ ਦੇਹਾਂਤ ਨਾਲ ਬਹੁਤ ਧੱਕਾ ਲਗਿਆ ਹੈ। ਮੈਂ ਉਨ੍ਹਾਂ ਦੇ ਦੇਹਾਂਤ 'ਤੇ ਦੁਖ ਵਿਅਕਤ ਕਰਦਾ ਹਾਂ।  

ਦੱਸ ਦਈਏ ਕਿ ਗੁਰੁਦਾਸ ਕਾਮਤ ਨੇ ਇਕ ਦਿਨ ਪਹਿਲਾਂ ਹੀ ਟਵਿਟਰ 'ਤੇ ਟਵੀਟ ਕਰ ਕੇ ਲੋਕਾਂ ਨੂੰ ਬਕਰੀਦ ਦੀ ਵਧਾਈ ਦਿਤੀ ਸੀ। ਉਨ੍ਹਾਂ ਨੇ 21 ਅਗਸਤ ਨੂੰ 11 ਵਜ ਕੇ 14 ਮਿੰਟ 'ਤੇ ਟਵੀਟ ਕੀਤਾ ਸੀ, ਈਦ ਉਲ ਅਜਹੇ ਦੇ ਮੌਕੇ 'ਤੇ ਤੁਹਾਨੂੰ ਸਾਰਿਆਂ ਨੂੰ ਤਹੇ ਦਿਲ ਤੋਂ ਮੁਬਾਰਕਬਾਦ।