ਨਵੀਂ ਦਿੱਲੀ : ਰਾਫ਼ੇਲ ਦੇ ਜਹਾਜ਼ ਸੌਦੇ ਵਿਚ 'ਆਫਸੈੱਟ ਪਾਰਟਨਰ' ਦੇ ਹਵਾਲੇ ਵਿਚ, ਸਾਬਕਾ ਰਾਸ਼ਟਰਪਤੀ ਫਰਾਂਸੀਸੀਸ ਓਲਾਂਦ ਦੇ ਕਥਿਤ ਬਿਆਨ ਨੂੰ ਲੈ ਕੇ ਕਾਂਗਰਸ ਨੇ ਸ਼ੁੱਕਰਵਾਰ ਨੂੰ ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਉੱਤੇ ਹਮਲਾ ਕਰਦੇ ਹੋਏ ਅਤੇ ਕਿਹਾ ਕਿ ਹੁਣ ਸਾਬਤ ਹੋ ਗਿਆ ਹੈ ਕਿ ‘ਚੌਂਕੀਦਾਰ ਹੀ ਅਸਲੀ ਗੁਨਹਗਾਰ ਹੈ।  ਪਾਰਟੀ ਨੇ ਇਹ ਵੀ ਕਿਹਾ ਕਿ ਇਸ ਮਾਮਲੇ ਵਿਚ ਪ੍ਰਧਾਨਮੰਤਰੀ ਨੂੰ ਦੇਸ਼ ਨੂੰ ਜਵਾਬ ਦੇਣਾ ਚਾਹੀਦਾ ਹੈ।

ਫਰਾਂਸੀਸੀ ਮੀਡੀਆ ਦੇ ਮੁਤਾਬਕ ਓਲਾਂਦ ਨੇ ਕਥਿਤ ਤੌਰ ਉੱਤੇ ਕਿਹਾ ਹੈ ਕਿ ਭਾਰਤ ਸਰਕਾਰ ਨੇ 58 , 000 ਕਰੋੜ ਰੁਪਏ ਦੇ ਰਾਫੇਲ ਜਹਾਜ਼ ਸੌਦੇ ਵਿਚ ਫ਼ਰਾਂਸ ਦੀ ਜਹਾਜ਼ ਬਣਾਉਣ ਵਾਲੀ ਕੰਪਨੀ ਡਾਸਾਟੌਟ ਏਵੀਏਸ਼ਨ ਦੇ ਆਫਸੈੱਟ ਪਾਰਟਨਰ ਹੋਣ ਦੇ ਨਾਤੇ, ਰਿਲਾਇੰਸ ਡਿਫੈਂਸ ਦਾ ਨਾਂ ਪ੍ਰਸਤਾਵਿਤ ਕੀਤਾ ਗਿਆ ਸੀ ਅਤੇ ਇਸ ਤਰ੍ਹਾਂ ਫਰਾਂਸ ਦਾ ਕੋਈ ਵਿਕਲਪ ਨਹੀਂ ਸੀ। ਇਸ ਮਾਮਲੇ ਕਾਂਗਰਸ  ਦੇ ਮੁੱਖ ਬੁਲਾਰੇ ਰਣਦੀਪ ਸੁਰਜੇਵਾਲਾ ਨੇ ਕਿਹਾ,  ਸਚਾਈ ਨੂੰ ਨਾ ਕੋਈ ਦਬਾ ਸਕਦਾ ਹੈ , ਨਾ ਝੁਕਾ ਸਕਦਾ ਹੈ।

ਨਾਲ ਹੀ ਕਾਂਗਰਸ ਬੁਲਾਰੇ ਮਨੀਸ਼ ਤੀਵਾਰੀ ਨੇ ਕਿਹਾ ਕਿ,  ਓਲਾਂਦ ਨੂੰ ਇਹ ਵੀ ਦੱਸਣਾ ਚਾਹੀਦਾ ਹੈ ਕਿ 2012 ਵਿਚ ਜੋ ਜਹਾਜ਼ 590 ਕਰੋੜ ਰੁਪਏ ਦਾ ਸੀ,  ਉਹ 2015 ਵਿਚ 1690 ਕਰੋੜ ਰੁਪਏ ਦਾ ਕਿਵੇਂ ਹੋ ਗਿਆ। ਉਹਨਾਂ ਨੇ ਦਸਿਆ ਕਿ ਇਸ `ਚ 1100 ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। ਕਾਂਗਰਸ ਇਹ ਇਲਜ਼ਾਮ ਲਗਾਉਂਦੀ ਰਹੀ ਹੈ ਕਿ ਮੋਦੀ  ਸਰਕਾਰ ਨੇ ਫ਼ਰਾਂਸ ਦੀ ਕੰਪਨੀ ਦਸਾਲਟ ਤੋਂ 36 ਰਾਫੇਲ ਲੜਾਕੂ ਜਹਾਜ਼ ਦੀ ਖਰੀਦ ਦਾ ਜੋ ਸੌਦਾ ਕੀਤਾ ਹੈ,

 ਉਸ ਦਾ ਮੁੱਲ ਪੁਰਾਣੇ ਯੂਪੀਏ ਸਰਕਾਰ ਵਿਚ ਕੀਤੇ ਗਏ ਸਮਝੌਤੇ ਦੀ ਤੁਲਣਾ ਵਿਚ ਬਹੁਤ ਜਿਆਦਾ ਹੈ, ਜਿਸ ਦੇ ਨਾਲ ਸਰਕਾਰੀ ਖਜਾਨੇ ਨੂੰ ਹਜਾਰਾਂ ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਪਾਰਟੀ ਨੇ ਇਹ ਵੀ ਦਾਅਵਾ ਕੀਤਾ ਹੈ ਕਿ ਪ੍ਰਧਾਨਮੰਤਰੀ ਨਰੇਂਦਰ ਮੋਦੀ ਨੇ ਸੌਦੇ ਨੂੰ ਬਦਲਵਾਇਆ ਜਿਸ ਦੇ ਨਾਲ ਏਚਏਏਲ ਤੋਂ ਠੇਕਾ ਲੈ ਕੇ ਰਿਲਾਇੰਸ ਡਿਫੇਂਸ ਨੂੰ ਦਿੱਤਾ ਗਿਆ।