5 Lashkar-e-Taiba terrorists killed in Bandipora

ਸ਼੍ਰੀਨਗਰ : ਜੰਮੂ - ਕਸ਼ਮੀਰ ਦੇ ਸ਼ੋਪੀਆਂ ਜਿਲ੍ਹੇ ਵਿਚ ਤਿੰਨ ਪੁਲਸਕਰਮੀਆਂ ਦੀਆਂ ਅਤਿਵਾਦੀਆਂ ਵਲੋਂ ਹੱਤਿਆ ਤੋਂ ਪੈਦਾ ਹੋਏ ਤਨਾਅ ਦੇ ਵਿਚ ਬਾਂਦੀਪੋਰਾ ਵਿਚ ਫੌਜ ਦਾ ਆਪਰੇਸ਼ਨ ਜਾਰੀ ਹੈ। ਇਥੇ ਬਾਂਦੀਪੋਰਾ ਜਿਲ੍ਹੇ ਦੇ ਸੁਮਲਰ ਪਿੰਡ ਵਿਚ ਫੌਜ ਦੇ ਜਵਾਨਾਂ ਨੇ ਘੇਰਾਬੰਦੀ ਕਰ ਅਤਿਵਾਦੀਆਂ ਦੇ ਵਿਰੁਧ ਮੁਹਿੰਮ ਛੇੜੀ ਸੀ। ਵੀਰਵਾਰ ਨੂੰ ਦੋ ਅਤਿਵਾਦੀਆਂ ਨੂੰ ਮਾਰ ਗਿਰਾਉਣ ਤੋਂ ਬਾਅਦ ਸ਼ੁਕਰਵਾਰ ਨੂੰ ਵੀ ਦੋਨਾਂ ਵਲੋਂ ਗੋਲੀਬਾਰੀ ਹੁੰਦੀ ਰਹੀ ਅਤੇ ਸੁਰੱਖਿਆ ਬਲਾਂ ਨੇ ਤਿੰਨ ਹੋਰ ਅਤਿਵਾਦੀਆਂ ਨੂੰ ਢੇਰ ਕਰ ਦਿਤਾ ਹੈ।  ਹੁਣ ਤੱਕ ਅਤਿਵਾਦੀ ਸੰਗਠਨ ਲਸ਼ਕਰ - ਏ - ਤਇਬਾ ਦੇ ਪੰਜ ਅਤਿਵਾਦੀ ਮਾਰ ਗਿਰਾਏ ਗਏ ਹਨ।  

ਬਾਂਦੀਪੋਰਾ ਵਿਚ ਜੰਗਲ 'ਚ ਲੁਕੇ ਅਤਿਵਾਦੀਆਂ ਦੇ ਵਿਰੁਧ ਚਲਾਈ ਗਈ ਇਸ ਵੱਡੀ ਮੁਹਿੰਮ ਵਿਚ ਫੌਜ  ਦੇ ਜਵਾਨਾਂ ਦੇ ਨਾਲ ਪੁਲਿਸ ਅਤੇ ਸੀਆਰਪੀਐਫ ਦੀਆਂ ਟੀਮਾਂ ਵੀ ਸ਼ਾਮਿਲ ਹੋਈਆਂ ਹਨ। ਇਸ ਖੇਤਰ ਵਿਚ ਚਲਾਏ ਗਏ ਆਪਰੇਸ਼ਨ ਵਿਚ ਸ਼ੁਕਰਵਾਰ ਨੂੰ ਤਿੰਨ ਅਤਿਵਾਦੀਆਂ ਨੂੰ ਮਾਰ ਗਿਰਾਇਆ ਗਿਆ।  ਇਸ ਤੋਂ ਪਹਿਲਾਂ ਵੀਰਵਾਰ ਨੂੰ ਦੋ ਅਤਿਵਾਦੀਆਂ ਨੂੰ ਢੇਰ ਕਰਨ ਵਿਚ ਸਫਲਤਾ ਮਿਲੀ ਸੀ। ਇਹ ਸਾਰੇ ਅਤਿਵਾਦੀ ਵਿਦੇਸ਼ੀ ਹਨ ਅਤੇ ਇਨ੍ਹਾਂ ਦਾ ਸਬੰਧ ਲਸ਼ਕਰ - ਏ - ਤਇਬਾ ਨੂੰ ਦੱਸਿਆ ਜਾ ਰਿਹਾ ਹੈ। ਜੰਮੂ - ਕਸ਼ਮੀਰ ਪੁਲਿਸ ਦਾ ਕਹਿਣਾ ਹੈ ਕਿ ਪੰਜੋ ਅਤਿਵਾਦੀਆਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਜਾ ਚੁਕੀਆਂ ਹਨ।

ਸੁਰੱਖਿਆ ਬਲਾਂ ਦੇ ਮੁਤਾਬਕ ਅਤਿਵਾਦੀਆਂ ਦੇ ਇਸ ਦਲ ਵਿਚ ਛੇ ਤੋਂ ਅੱਠ ਲੋਕ ਸ਼ਾਮਿਲ ਹਨ। ਅਤਿਵਾਦੀ ਜਿਸ ਇਲਾਕੇ ਵਿਚ ਲੁਕੇ ਸਨ ਉੱਥੇ ਆਈਡੀ ਦਾ ਇਸਤੇਮਾਲ ਕਰ ਧਮਾਕੇ ਕੀਤੇ ਗਏ ਅਤੇ ਇਸ ਤੋਂ ਬਾਅਦ ਐਨਕਾਉਂਟਰ ਅੱਗੇ ਵਧਾਇਆ ਗਿਆ। ਨਾਲ ਹੀ ਇਲਾਕੇ ਵਿਚ ਸਰਚ ਆਪਰੇਸ਼ਨ ਹੁਣ ਵੀ ਜਾਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਫੌਜੀ ਅਧਿਕਾਰੀਆਂ ਨੂੰ ਵੀਰਵਾਰ ਸਵੇਰੇ ਬਾਂਦੀਪੋਰਾ ਦੇ ਸੁਕਬਾਬੁਨ ਜੰਗਲਾਂ ਵਿਚ ਇਕ ਵੱਡੇ ਅਤਿਵਾਦੀ ਦਲ ਦੀ ਮੂਵਮੈਂਟ ਹੋਣ ਦੀ ਜਾਣਕਾਰੀ ਮਿਲੀ ਸੀ।

ਇਸ ਸੂਚਨਾ ਉਤੇ ਫੌਜ ਦੀ 14 ਰਾਸ਼ਟਰੀ ਰਾਇਫਲਾਂ, ਜੰਮੂ - ਕਸ਼ਮੀਰ  ਪੁਲਿਸ ਦੇ ਸਪੈਸ਼ਲ ਆਪਰੇਸ਼ਨ ਗਰੁਪ ਅਤੇ ਕੇਂਦਰੀ ਰਿਜ਼ਰਵ ਪੁਲਿਸ ਬਲ ਦੇ ਜਵਾਨਾਂ ਨੇ ਜੰਗਲਾਂ ਦੀ ਘੇਰਾਬੰਦੀ ਕਰ ਤਲਾਸ਼ੀ ਮੁਹਿੰਮ ਸ਼ੁਰੂ ਕੀਤਾ। ਉਦੋਂ ਜੰਗਲ ਦੇ ਇਕ ਠਿਕਾਣੇ 'ਤੇ ਛਿਪੇ ਅਤਿਵਾਦੀਆਂ ਨੇ ਸੁਰੱਖਿਆਬਲਾਂ ਉਤੇ ਗੋਲੀਬਾਰੀ ਸ਼ੁਰੂ ਕਰ ਦਿਤੀ,  ਜਿਸ ਤੋਂ ਬਾਅਦ ਜਵਾਨਾਂ ਨੇ ਵੀ ਕਾਊਂਟਰ ਆਪਰੇਸ਼ਨ ਸ਼ੁਰੂ ਕੀਤਾ।