ਨਵੀਂ ਦਿੱਲੀ- ਗੱਡੀ ਚਲਾਉਂਦੇ ਸਮੇਂ ਫੋਨ ਇਸਤੇਮਾਲ ਕਰਨਾ ਕਿੰਨਾ ਖਤਰਨਾਕ ਹੋ ਸਕਦਾ ਹੈ ਇਸਦੀਆਂ ਸੀਸੀਟੀਵੀ ਫੋਟੋਆਂ ਸਾਹਮਣੇ ਆਈਆਂ ਹਨ। ਦਿੱਲੀ ਦੇ ਭਾਰਤ ਨਗਰ ਥਾਣੇ ਦੀ ਬੁਣਕਰ ਕਲੋਨੀ ਵਿਚ ਇਕ ਤਿੰਨ ਸਾਲ ਬੱਚਾ ਜਿਸ ਗੱਡੀ ਵਿਚੋਂ ਨਿਕਲਿਆ ਉਸ ਗੱਡੀ ਦੇ ਥੱਲੇ ਹੀ ਆ ਗਿਆ। ਕਿਉਂਕਿ ਜਿਹੜਾ ਵਿਅਕਤੀ ਕਾਰ ਚਲਾ ਰਿਹਾ ਸੀ ਉਹ ਉਸ ਸਮੇਂ ਫੋਨ ਚਲਾਉਣ ਵਿਚ ਰੁੱਜਿਆ ਹੋਇਆ ਸੀ। ਜਿਸਦੀ ਵਜ੍ਹਾ ਨਾਲ ਤਿੰਨ ਸਾਲ ਦੇ ਬੱਚੇ ਦੀ ਜਾਨ ਚਲੀ ਗਈ। ਇਹ ਸਭ ਕੁੱਝ ਸੀਸੀਟੀਵੀ ਵਿਚ ਰਿਕਾਰਡ ਹੋ ਗਿਆ।
ਸੀਸੀਟੀਵੀ ਦੀਆਂ ਤਸਵੀਰਾਂ ਵਿਚ ਸਾਫ਼ ਦਿਖਾਈ ਦੇ ਰਿਹਾ ਸੀ ਕਿ ਕਾਰ ਡਰਾਈਵਰ ਨੇ ਬੱਚੇ ਨੂੰ ਕਾਰ ਚੋਂ ਉਤਾਰਿਆ ਅਤੇ ਉਸ ਵੱਲ ਧਿਆਨ ਨਹੀਂ ਦਿੱਤਾ ਕਿ ਉਹ ਕਿੱਤੇ ਜਾ ਰਿਹਾ ਹੈ। ਉਸ ਸਮੇਂ ਕਾਰ ਡਰਾਈਵਰ ਫੋਨ ਚਲਾਉਣ ਵਿਚ ਵਿਅਸਤ ਸੀ ਅਤੇ ਫੋਨ ਚਲਾਉਂਦੇ ਵਿਅਕਤੀ ਨੇ ਗੱਡੀ ਨੂੰ ਅੱਗੇ ਚਲਾ ਦਿੱਤਾ। ਇਸ ਲਾਪਰਵਾਹੀ ਦੀ ਵਜ੍ਹਾ ਨਾਲ ਬੱਚਾ ਗੱਡੀ ਥੱਲੇ ਆ ਗਿਆ। ਜਿਵੇਂ ਹੀ ਕਾਰ ਸਵਾਰ ਨੇ ਮਾਸੂਮ ਨੂੰ ਕੁਚਲਿਆ, ਕੋਲ ਹੀ ਸੜਕ ਉੱਤੇ ਭੱਜਦੀ ਆਈ ਇਕ ਔਰਤ ਨੇ ਤੁਰੰਤ ਚੀਖਦੇ ਹੋਏ ਮਾਸੂਮ ਨੂੰ ਚੁੱਕਿਆ ਅਤੇ ਕਾਰ ਸਵਾਰ ਉੱਤੇ ਚੀਖਣ ਲੱਗੀ। ਚੀਖ- ਪੁਕਾਰ ਸੁਣਕੇ ਜਦੋਂ ਸ਼ਖ਼ਸ ਕਾਰ ਵਿਚੋਂ ਉਤਰਿਆ ਉਸ ਸਮੇਂ ਵੀ ਉਹ ਫੋਨ ਉੱਤੇ ਬਿਜੀ ਸੀ।
ਘਟਨਾ ਤੋਂ ਬਾਅਦ ਉਹ ਤੁਰੰਤ ਬੱਚੇ ਨੂੰ ਨਜ਼ਦੀਕ ਦੇ ਦੀਪਚੰਦ ਹਸਪਤਾਲ ਵਿਚ ਲੈ ਗਿਆ, ਜਿੱਥੋਂ ਬੱਚੇ ਨੂੰ ਏਮਸ ਵਿਚ ਰੈਫਰ ਕੀਤਾ ਗਿਆ। ਬੱਚੇ ਦੀ ਹਾਲਤ ਹੁਣ ਵੀ ਬਹੁਤ ਨਾਜ਼ੁਕ ਹੈ। ਹਸਪਤਾਲ ਦੇ ਵੱਲੋਂ ਪੁਲਿਸ ਨੂੰ ਇਸ ਘਟਨਾ ਦੀ ਸੂਚਨਾ ਦਿੱਤੀ ਗਈ, ਜਿਸ ਤੋਂ ਬਾਅਦ ਭਾਰਤ ਨਗਰ ਥਾਣੇ ਦੀ ਪੁਲਿਸ ਨੇ ਸੀਸੀਟੀਵੀ ਤਸਵੀਰਾਂ ਸਾਹਮਣੇ ਆਉਣ ਤੋਂ ਬਾਅਦ ਕਾਰ ਸਵਾਰ ਦੇ ਖਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਅੱਗੇ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਦੱਸ ਦਈਏ ਕਿ ਬੱਚੇ ਨੂੰ ਕੁਚਲਣ ਵਾਲਾ ਬੱਚੇ ਦਾ ਖੁਦ ਦਾ ਬਾਪ ਸੀ।