ਆਈਸਕ੍ਰੀਮ ਦਾ ਲਾਲਚ ਦੇ ਕੀਤਾ ਬੱਚੇ ਨੂੰ ਅਗਵਾਹ, ਘਟਨਾ ਸੀਸੀਟੀਵੀ ’ਚ ਕੈਦ
ਬੱਚੇ ਦੇ ਦੋਸਤਾਂ ਨੇ ਦਿਤੀ ਘਟਨਾ ਦੀ ਜਾਣਕਾਰੀ
Child Kidnap in Kurali
ਕੁਰਾਲੀ: ਕੁਰਾਲੀ ਵਿਚ 11 ਸਾਲ ਦੇ ਬੱਚੇ ਨੂੰ ਅਗਵਾਹ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਸਾਰੀ ਘਟਨਾ ਸੀਸੀਟੀਵੀ ਵਿਚ ਕੈਦ ਹੋ ਗਈ, ਜਿਸ ਸਮੇਂ ਮੁਲਜ਼ਮ ਬੱਚੇ ਨੂੰ ਆਈਸਕ੍ਰੀਮ ਦਾ ਲਾਲਚ ਦੇ ਕੇ ਇਸ ਘਟਨਾ ਨੂੰ ਅੰਜਾਮ ਦੇਣ ਦੀ ਕੋਸ਼ਿਸ਼ ਵਿਚ ਸੀ। ਜਾਣਕਾਰੀ ਮੁਤਾਬਕ ਕੱਲ੍ਹ ਦੇਰ ਸ਼ਾਮ ਇਕ ਨੌਜਵਾਨ ਵਲੋਂ ਬੱਚੇ ਨੂੰ ਆਈਸਕ੍ਰੀਮ ਦਾ ਲਾਲਚ ਦੇ ਕੇ ਅਗਵਾਹ ਕਰ ਲਿਆ ਗਿਆ ਸੀ।
ਸੀਸੀਟੀਵੀ ਫੁਟੇਜ ਵਿਚ ਵਿਖਾਈ ਦੇ ਰਹੇ ਕਾਲੀ ਟੀ-ਸ਼ਰਟ ਵਾਲੇ ਮੁਲਜ਼ਮ ਨੇ 6ਵੀਂ ਜਮਾਤ ਵਿਚ ਪੜ੍ਹਦੇ ਅਸ਼ੀਸ਼ਜੋਤ ਅਤੇ ਉਸ ਦੇ ਸਾਥੀਆਂ ਨੂੰ ਆਈਸਕ੍ਰੀਮ ਦਿਵਾਈ ਅਤੇ ਬਾਅਦ ਵਿਚ ਅਸ਼ੀਸ਼ਜੋਤ ਨੂੰ ਗੱਡੀ ਵਿਚ ਬਿਠਾ ਕੇ ਨਾਲ ਲੈ ਗਿਆ। ਬੱਚੇ ਦੇ ਦੋਸਤਾਂ ਨੇ ਘਰ ਆ ਕੇ ਇਸ ਦੀ ਜਾਣਕਾਰੀ ਦਿਤੀ। ਪਰਿਵਾਰ ਨੇ ਅਸ਼ੀਸ਼ਜੋਤ ਨੂੰ ਲੱਭਣ ਦੀ ਕੋਸ਼ਿਸ਼ ਵੀ ਕੀਤੀ, ਪਰ ਸਫਲ ਨਹੀਂ ਹੋਏ, ਜਿਸ ਤੋਂ ਬਾਅਦ ਪੁਲਿਸ ਕੋਲ ਮਾਮਲੇ ਦੀ ਸ਼ਿਕਾਇਤ ਦਿਤੀ ਗਈ। ਅਜੇ ਤੱਕ ਅਗਵਾਹ ਕਰਨ ਦੀ ਵਜ੍ਹਾ ਸਾਹਮਣੇ ਨਹੀਂ ਆ ਸਕੀ ਹੈ।