Criminal Arrested

ਨਵੀਂ ਦਿੱਲੀ (ਪੀ.ਟੀ.ਆਈ): ਦਿੱਲੀ ਦੇ ਨਜ਼ਦੀਕ ਨੋਇਡਾ–ਗ੍ਰੇਟਰ ਨੋਇਡਾ ਵਿਚ ਅੱਜ-ਕੱਲ੍ਹ ਬਦਮਾਸ਼ਾਂ ਦੇ ਨਾਲ ਪੁਲਿਸ ਦੀ ਲਗਾਤਾਰ ਮੁੱਠਭੇੜ ਹੋ ਰਹੀ ਹੈ। ਗੁਜ਼ਰੇ 10 ਦਿਨਾਂ ਵਿਚ ਹੁਣ ਤੱਕ 12 ਐਨਕਾਉਂਟਰ ਕਰਕੇ ਗੌਤਮਬੁੱਧ ਨਗਰ ਪੁਲਿਸ ਨੇ ਲਗ-ਭਗ ਦੋ ਦਰਜ਼ਨਾਂ ਬਦਮਾਸ਼ਾਂ ਨੂੰ ਜਖ਼ਮੀ ਕੀਤਾ ਹੈ। ਜਦੋਂ ਕਿ ਲਗ-ਭਗ ਇਕ ਦਰਜ਼ਨ ਤੋਂ ਜ਼ਿਆਦਾ ਮੁਲਜਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਹਾਲਾਂਕਿ ਪੁਲਿਸ ਦੀ ਕਾਰਵਾਈ ਦਾ ਬਦਮਾਸ਼ਾਂ ਉਤੇ ਕੋਈ ਅਸਰ ਨਹੀਂ ਦਿਖ ਰਿਹਾ ਹੈ। ਇਲਾਕੇ ਵਿਚ ਬਦਮਾਸ਼ਾਂ ਦੀਆਂ ਵਾਰਦਾਤਾਂ ਜਾਰੀ ਹਨ।

ਸ਼ੁੱਕਰਵਾਰ ਨੂੰ ਸ਼ਾਮ ਢਲਦੇ ਹੀ ਸਿਰਫ਼ ਅੱਧੇ ਘੰਟੇ ਵਿਚ ਨੋਇਡਾ ਅਤੇ ਗ੍ਰੇਟਰ ਨੋਇਡਾ ਵਿਚ ਦੋ ਐਨਕਾਉਂਟਰ ਹੋਏ। ਪੁਲਿਸ ਨੇ ਦੋ ਜਖ਼ਮੀਆਂ ਸਮੇਤ ਤਿੰਨ ਬਦਮਾਸ਼ਾਂ ਨੂੰ ਗ੍ਰਿਫਤਾਰ ਕੀਤਾ। ਪਹਿਲੀ ਮੁੱਠਭੇੜ ਨੋਇਡਾ ਵਿਚ ਹੋਈ। ਇਥੇ ਪੁਲਿਸ ਨੇ ਇਕ ਮੋਟਰਸਾਇਕਲ, 1.05.000 ਰੁਪਏ ਨਗਦੀ,  ਗ਼ੈਰਕਾਨੂੰਨੀ ਹਥਿਆਰ ਅਤੇ ਕੁਝ ਕਾਰਤੂਸ ਬਰਾਮਦ ਕੀਤੇ ਹਨ। ਪੁਲਿਸ ਦੇ ਮੁਤਾਬਕ ਸ਼ਾਮ ਢਲਦੇ ਹੀ ਨੋਇਡਾ ਦੇ ਸੈਕਟਰ-20 ਪੁਲਿਸ ਨੇ ਸੈਕਟਰ-8 ਵਿਚ ਮਿਲੀ ਖ਼ਬਰ ਦੇ ਆਧਾਰ ਉਤੇ ਚੈਕਿੰਗ ਸ਼ੁਰੂ ਕੀਤੀ।

ਇਸ ਦੌਰਾਨ ਪੁਲਿਸ ਨੇ ਜਦੋਂ ਦੋ ਮੋਟਰਸਾਇਕਲ ਸਵਾਰਾਂ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਦੋਨੇਂ ਆਰੋਪੀ ਪੁਲਿਸ ਉਤੇ ਫਾਇਰਿੰਗ ਕਰਦੇ ਹੋਏ ਭੱਜਣ ਲੱਗੇ। ਪੁਲਿਸ ਨੇ ਪਿਛਾ ਕਰਕੇ ਕੁਝ ਹੀ ਦੂਰੀ ਉਤੇ ਕਰਾਸ ਫਾਇਰਿੰਗ ਕੀਤੀ। ਜਿਸ ਵਿਚ ਮੁਸ਼ੀਰ ਨਾਮ  ਦੇ ਬਦਮਾਸ਼ ਦੇ ਪੈਰ ਵਿਚ ਗੋਲੀ ਲੱਗੀ ਅਤੇ ਉਹ ਜਖ਼ਮੀ ਹੋ ਗਿਆ। ਜਦੋਂ ਕਿ ਇਸ ਬਦਮਾਸ਼ ਦੇ ਦੂਜੇ ਸਾਥੀ ਹਰਸ਼ ਨੂੰ ਪੁਲਿਸ ਨੇ ਇੰਝ ਹੀ ਗ੍ਰਿਫਤਾਰ ਕਰ ਲਿਆ। ਪੁਲਿਸ ਨੇ ਜਖ਼ਮੀ ਨੂੰ ਇਲਾਜ ਲਈ ਜਿਲ੍ਹਾ ਹਸਪਤਾਲ ਵਿਚ ਭਰਤੀ ਕਰਵਾਇਆ ਹੈ।

ਸ਼ੁਰੂਆਤੀ ਜਾਂਚ ਵਿਚ ਸਾਹਮਣੇ ਆਇਆ ਹੈ ਕਿ ਮੁਸ਼ੀਰ ਦਿਲੀ ਦੇ ਨੰਦ ਨਗਰੀ ਦਾ ਨਿਵਾਸੀ ਹੈ ਅਤੇ ਉਸ ਉਤੇ ਲਗ-ਭਗ ਦੋ ਦਰਜ਼ਨ ਲੁੱਟ, ਹੱਤਿਆ ਦੇ ਮਾਮਲੇ ਦਰਜ਼ ਹਨ। ਨੋਇਡਾ ਵਿਚ ਪੁਲਿਸ ਬਦਮਾਸ਼ਾਂ ਨੂੰ ਫੜਨ ਦੀ ਕੋਸ਼ਿਸ਼ ਕਰ ਹੀ ਰਹੀ ਸੀ ਕਿ ਗ੍ਰੇਟਰ ਨੋਇਡਾ ਤੋਂ ਖਬਰ ਆਈ ਕਿ ਡੱਗਾ ਗੋਲ ਚੱਕਰ ਦੇ ਕੋਲ ਚੈਕਿੰਗ ਦੇ ਦੌਰਾਨ ਦੋ ਬਦਮਾਸ਼ਾਂ ਦੇ ਨਾਲ  ਪੁਲਿਸ ਦੀ ਮੁੱਠਭੇੜ ਹੋਈ ਹੈ। ਇਸ ਮੁੱਠਭੇੜ ਵਿਚ ਬਦਮਾਸ਼ ਮੁਸਤਕੀਮ ਦੇ ਪੈਰ ਵਿਚ ਗੋਲੀ ਲੱਗੀ ਜਦੋਂ ਕਿ ਉਸ ਦਾ ਇੱਕ ਸਾਥੀ ਹਨ੍ਹੇਰੇ ਦਾ ਫਾਇਦਾ ਚੁੱਕ ਕੇ ਫ਼ਰਾਰ ਹੋ ਗਿਆ।

ਫਿਲਹਾਲ ਪੁਲਿਸ ਨੇ ਜਖ਼ਮੀ ਨੂੰ ਇਲਾਜ਼ ਲਈ ਜਿਲ੍ਹਾ ਹਸਪਤਾਲ ਵਿਚ ਭਰਤੀ ਕਰਾ ਦਿਤਾ ਹੈ। ਮੌਕੇ ਉਤੇ ਪੁਲਿਸ ਨੇ ਇਕ ਮੋਟਰਸਾਇਕਲ, ਇਕ ਪਿਸਤੌਲ ਤਹਿਤ ਕੁਝ ਕਾਰਤੂਸ ਬਰਾਮਦ ਕੀਤੇ ਹਨ। ਸ਼ੁਰੂਆਤੀ ਜਾਂਚ ਵਿਚ ਪਤਾ ਚੱਲਿਆ ਹੈ ਕਿ ਜਖ਼ਮੀ ਬਦਮਾਸ਼ ਟਰੋਨਿਕਾ ਸਿਟੀ ਲੋਨੀ ਗਾਜ਼ਿਆਬਾਦ ਦਾ ਰਹਿਣ ਵਾਲਾ ਹੈ। ਪੁਲਿਸ  ਦੇ ਮੁਤਾਬਕ ਇਸ ਸ਼ਖਸ ਉਤੇ ਲਗ-ਭਗ ਡੇਢ ਦਰਜ਼ਨ ਮੁਕੱਦਮੇ ਦਰਜ਼ ਹਨ।