ਕਸ਼ਮੀਰ ਦੇ ਬੱਲਾ ਉਦਯੋਗ 'ਚ ਚੰਗੀ ਗੁਣਵੱਤਾ ਵਾਲੀ ਲੱਕੜ ਦੀ ਕਮੀ, ਤੇਜ਼ੀ ਨਾਲ ਘਟ ਰਿਹਾ ਸਟਾਕ
10 ਦੀ ਬਜਾਏ 5 ਸਾਲਾਂ 'ਚ ਕੱਟਣੇ ਪੈ ਰਹੇ ਦਰੱਖਤ?
ਸ੍ਰੀਨਗਰ : ਕਸ਼ਮੀਰ ਦੀ ਕਰੀਬ 100 ਸਾਲ ਪੁਰਾਣੀ ਕ੍ਰਿਕਟ ਬੈਟ ਇੰਡਸਟਰੀ ਕੱਚੇ ਮਾਲ ਦੀ ਭਾਰੀ ਕਮੀ ਦਾ ਸਾਹਮਣਾ ਕਰ ਰਹੀ ਹੈ। ਸੂਬੇ ਵਿੱਚ ਚੰਗੀ ਕੁਆਲਿਟੀ ਵਾਲੀ ਵਿਲੋ ਦੀ ਲੱਕੜ ਉਪਲਬਧ ਨਹੀਂ ਹੈ। ਇਸ ਕਾਰਨ ਕਰੀਬ 400 ਕ੍ਰਿਕਟ ਬੈਟ ਬਣਾਉਣ ਵਾਲੀਆਂ ਇਕਾਈਆਂ ਨੂੰ ਚਲਾਉਣਾ ਮੁਸ਼ਕਲ ਹੋ ਗਿਆ ਹੈ। ਕਸ਼ਮੀਰ ਦੇ ਕ੍ਰਿਕਟ ਬੈਟ ਮੈਨੂਫੈਕਚਰਿੰਗ ਐਸੋਸੀਏਸ਼ਨ ਦੇ ਬੁਲਾਰੇ ਫਵਜ਼ੁਲ ਕਬੀਰ ਨੇ ਕਿਹਾ ਕਿ ਵਿਲੋ ਦੀ ਲੱਕੜ ਦਾ ਭੰਡਾਰ ਤੇਜ਼ੀ ਨਾਲ ਖਤਮ ਹੋ ਰਿਹਾ ਹੈ।
ਇੱਕ ਵਿਲੋ ਦੇ ਰੁੱਖ ਨੂੰ ਪੱਕਣ ਵਿੱਚ ਘੱਟੋ-ਘੱਟ 10 ਸਾਲ ਲੱਗਦੇ ਹਨ। ਇਸ ਤੋਂ ਘੱਟ ਦਰੱਖਤ ਦੀ ਲੱਕੜ ਚੰਗੀ ਗੁਣਵੱਤਾ ਵਾਲਾ ਬੱਲਾ ਨਹੀਂ ਬਣਾਉਂਦੀ। ਪਰ ਇਸ ਸਮੇਂ 10 ਸਾਲ ਪੁਰਾਣੇ ਵਿਲੋ ਦੇ ਰੁੱਖ ਲੱਭਣਾ ਲਗਭਗ ਅਸੰਭਵ ਹੈ। ਉੱਦਮੀਆਂ ਦਾ ਕਹਿਣਾ ਹੈ ਕਿ ਉਹ 5 ਸਾਲ ਪੁਰਾਣੇ ਵਿਲੋ ਦੇ ਦਰੱਖਤ ਨੂੰ ਕੱਟਣ ਲਈ ਮਜਬੂਰ ਹਨ। ਇਹ ਵੀ ਆਉਣ ਵਾਲੇ ਸਾਲਾਂ ਵਿੱਚ ਉਪਲਬਧ ਨਹੀਂ ਹੋਣਗੇ।
ਇਹ ਵੀ ਪੜ੍ਹੋ : ਰਾਸ਼ਟਰੀ ਸਿੱਖਿਆ ਨੀਤੀ ਨੇ ਭਵਿੱਖ ਦੀਆਂ ਮੰਗਾਂ ਅਨੁਸਾਰ ਸਿੱਖਿਆ ਪ੍ਰਣਾਲੀ ਨੂੰ ਦਿਤੀ ਨਵੀਂ ਦਿਸ਼ਾ : ਪ੍ਰਧਾਨ ਮੰਤਰੀ ਮੋਦੀ
ਕਸ਼ਮੀਰ ਦੀ ਕ੍ਰਿਕਟ ਬੈਟਸ ਮੈਨੂਫੈਕਚਰਿੰਗ ਐਸੋਸੀਏਸ਼ਨ ਦੇ ਅਨੁਸਾਰ, ਵਿਲੋ ਦੀ ਲੱਕੜ ਤੋਂ ਬਣੇ ਬੱਲਿਆਂ ਦੀ ਗੁਣਵੱਤਾ ਅੰਗਰੇਜ਼ੀ ਵਿਲੋ ਬੱਲਿਆਂ ਜਿੰਨੀ ਚੰਗੀ ਹੈ। ਕਬੀਰ ਨੇ ਕਿਹਾ, 'ਇੰਗਲੈਂਡ 'ਚ ਬਣੇ ਇਕ ਬੱਲੇ ਦੀ ਕੀਮਤ ਲੱਖਾਂ 'ਚ ਹੈ, ਜਦਕਿ ਅਸੀਂ ਪ੍ਰਤੀ ਬੱਲਾ ਸਿਰਫ 1-3 ਹਜ਼ਾਰ ਰੁਪਏ ਲੈਂਦੇ ਹਾਂ। ਇਸੇ ਕਰਕੇ ਕਸ਼ਮੀਰ ਦੇ ਬੱਲੇ ਦੀ ਮੰਗ ਪੂਰੀ ਦੁਨੀਆ ਵਿੱਚ ਜ਼ਿਆਦਾ ਹੈ।
ਜ਼ਿਕਰਯੋਗ ਹੈ ਕਿ ਕਸ਼ਮੀਰ ਤੋਂ ਹਰ ਸਾਲ ਲਗਭਗ 30 ਲੱਖ ਕ੍ਰਿਕਟ ਬੱਲਿਆਂ ਦਾ ਨਿਰਯਾਤ ਕੀਤਾ ਜਾਂਦਾ ਹੈ। ਉੱਦਮੀਆਂ ਦਾ ਕਹਿਣਾ ਹੈ ਕਿ ਆਰਡਰ ਮਿਲ ਰਹੇ ਹਨ। ਉਹ ਉਤਪਾਦਨ ਨੂੰ ਦੁੱਗਣਾ ਕਰ ਸਕਦੇ ਹਨ, ਪਰ ਇੰਨੀ ਵੱਡੀ ਗਿਣਤੀ ਵਿਚ ਬੱਲੇ ਬਣਾਉਣ ਲਈ ਲੱਕੜ ਨਹੀਂ ਹੈ।
ਇਹ ਵੀ ਪੜ੍ਹੋ : ਦੋ ਰੋਜ਼ਾ ਦੌਰੇ 'ਤੇ ਭਾਰਤ ਪਹੁੰਚੇ ਜਰਮਨੀ ਦੇ ਚਾਂਸਲਰ ਓਲਾਫ਼ ਸਕੋਲਜ਼
ਕਬੀਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇੱਕ ਵਾਰ ਅਸੀਂ 300 ਰੁਪਏ ਤੋਂ ਘੱਟ ਵਿੱਚ ਬੱਲੇ ਵੇਚਦੇ ਸਨ। ਫਿਲਹਾਲ ਉਹ ਆਈਸੀਸੀ ਦੇ ਮਾਪਦੰਡਾਂ ਦੇ ਅਨੁਸਾਰ ਇੱਕ ਬੱਲੇ ਲਈ 3,000 ਰੁਪਏ ਤੱਕ ਪੈਸੇ ਵਸੂਲ ਕਰਦੇ ਹਨ।