Positive ਮਰੀਜਾਂ ਤੋਂ 11 ਦਿਨਾਂ ਬਾਅਦ ਨਹੀਂ ਫੈਲਦਾ Corona, ਖੋਜ ਵਿਚ ਹੋਇਆ ਖੁਲਾਸਾ
ਵਿਗਿਆਨਕਾਂ ਨੇ ਪਤਾ ਲਗਾਇਆ ਹੈ ਕਿ ਕੋਰੋਨਾ ਵਾਇਰਸ ਦੇ ਮਰੀਜ 11 ਦਿਨ ਬਾਅਦ ਸੰਕਰਮਣ ਨਹੀਂ ਫੈਲਉਂਦੇ, ਚਾਹੇ ਉਹ 12ਵੇਂ ਦਿਨ ਕੋਰੋਨਾ ਪਾਜ਼ੀਟਿਵ ਹੀ ਬਣੇ ਰਹਿਣ।
ਨਵੀਂ ਦਿੱਲੀ: ਵਿਗਿਆਨਕਾਂ ਨੇ ਪਤਾ ਲਗਾਇਆ ਹੈ ਕਿ ਕੋਰੋਨਾ ਵਾਇਰਸ ਦੇ ਮਰੀਜ 11 ਦਿਨ ਬਾਅਦ ਸੰਕਰਮਣ ਨਹੀਂ ਫੈਲਉਂਦੇ, ਚਾਹੇ ਉਹ 12ਵੇਂ ਦਿਨ ਕੋਰੋਨਾ ਪਾਜ਼ੀਟਿਵ ਹੀ ਬਣੇ ਰਹਿਣ। ਇਕ ਰਿਪੋਰਟ ਮੁਤਾਬਕ ਸਿੰਗਾਪੁਰ ਨੈਸ਼ਨਲ ਸੈਂਟਰ ਫਾਰ ਇੰਫੈਕਸ਼ਨਸ ਡਿਜੀਜ਼ਿਜ਼ ਐਂਡ ਅਕੈਡਮੀ ਆਫ ਮੈਡੀਸਨ ਦੀ ਸਟੱਡੀ ਵਿਚ ਇਹ ਗੱਲ ਸਾਹਮਣੇ ਆਈ ਹੈ।
ਹੁਣ ਤੱਕ ਇਹ ਸਮਝਿਆ ਜਾਂਦਾ ਰਿਹਾ ਹੈ ਕਿ ਜੇਕਰ ਕੋਰੋਨਾ ਮਰੀਜ਼ ਹੁਣ ਤੱਕ ਪਾਜ਼ੀਟਿਵ ਹੈ, ਕੋਰੋਨਾ ਸੰਕਰਮਣ ਫੈਲਾਅ ਸਕਦੇ ਹਨ। ਉੱਥੇ ਹੀ ਖੋਜ ਨੇ ਇਹ ਵੀ ਕਿਹਾ ਹੈ ਕਿ ਲੱਛਣ ਦਿਖਣ ਦੇ 2 ਦਿਨ ਪਹਿਲਾਂ ਤੋਂ ਕੋਰੋਨਾ ਮਰੀਜ਼ ਸੰਕਰਮਣ ਫੈਲਾਅ ਸਕਦੇ ਹਨ।
ਵਿਗਿਆਨਕਾਂ ਨੇ ਕਿਹਾ ਹੈ ਕਿ ਸਟਡੀ ਦੌਰਾਨ ਦੇਖਿਆ ਗਿਆ ਕਿ ਕੋਰੋਨਾ ਮਰੀਜਾਂ ਵਿਚ ਲੱਛਣ ਦਿਖਣ ਤੋਂ 7 ਤੋਂ 10 ਦਿਨ ਬਾਅਦ ਸੰਕਰਮਣ ਫੈਲਾਉਣ ਦੀ ਸਮਰੱਥਾ ਹੁੰਦੀ ਹੈ। ਸਿੰਗਾਪੁਰ ਨੈਸ਼ਨਲ ਸੈਂਟਰ ਫਾਰ ਇੰਫੈਕਸ਼ਨਸ ਡਿਜ਼ੀਜ਼ਿਜ਼ ਨੇ ਕਰੀਬ 73 ਕੋਰੋਨਾ ਮਰੀਜਾਂ 'ਤੇ ਸਟਡੀ ਕੀਤੀ, ਜਿਸ ਦੌਰਾਨ ਉਹਨਾਂ ਨੂੰ ਇਸ ਦੀ ਜਾਣਕਾਰੀ ਮਿਲੀ।
ਵਿਗਿਆਨਕਾਂ ਨੇ ਕਿਹਾ ਕਿ ਇਹ ਦੇਖਿਆ ਗਿਆ ਕਿ 11 ਦਿਨ ਬਾਅਦ ਕੋਰੋਨਾ ਵਾਇਰਸ ਨੂੰ ਆਈਸੋਲੇਟ ਜਾਂ Cultured ਨਹੀਂ ਕੀਤਾ ਜਾ ਸਕਦਾ। ਅਮਰੀਕਾ ਸਮੇਤ ਦੁਨੀਆ ਦੇ ਕਈ ਦੇਸ਼ਾਂ ਵਿਚ ਦੋ ਵਾਰ ਨੈਗੇਟਿਵ ਟੈਸਟ ਆਉਣ ਤੋਂ ਬਾਅਦ ਹੀ ਡਾਕਟਰ ਇਹ ਮੰਨਦੇ ਹਨ ਕਿ ਕੋਰੋਨਾ ਮਰੀਜ਼ ਠੀਕ ਹੋ ਗਏ।
ਹਾਲਾਂਕਿ ਸਿੰਗਾਪੁਰ ਵਿਚ ਕੀਤੀ ਗਈ ਸਟੱਡੀ ਦਾ ਸੈਂਪਲ ਸਾਈਜ਼ ਛੋਟਾ ਸੀ ਪਰ ਨਵੀਂ ਜਾਣਕਾਰੀ ਡਾਕਟਰਾਂ ਲਈ ਮਹੱਤਵਪੂਰਨ ਹੋ ਸਕਦੀ ਹੈ। ਸਿੰਗਪੁਰ ਦੇ NCID ਦੀ ਕਾਰਜਕਾਰੀ ਨਿਰਦੇਸ਼ਕ ਲਿਓ ਯੀ ਸਿਨ ਨੇ ਸਟ੍ਰੇਟ ਟਾਈਮਜ਼ ਨੇ ਕਿਹਾ ਕਿ ਸੈਂਪਲ ਸਾਈਜ਼ ਛੋਟਾ ਹੋਣ ਦੇ ਬਾਵਜੂਦ ਨਵੀਂ ਜਾਣਕਾਰੀ ਨੂੰ ਲੈ ਕੇ ਭਰੋਸੇਯੋਗ ਹੈ।