ਤਪਦੀ ਗਰਮੀ ਵਿਚ ਵਿਅਕਤੀ ਨੇ ਕੋਬਰਾ ਨੂੰ ਨਵਾਇਆ, ਹੈਰੀਜਨਕ ਵੀਡੀਓ ਹੋਇਆ Viral
ਸੋਸ਼ਲ ਮੀਡੀਆ 'ਤੇ ਹੈਰਾਨ ਕਰ ਦੇਣ ਵਾਲਾ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ।
ਨਵੀਂ ਦਿੱਲੀ: ਸੋਸ਼ਲ ਮੀਡੀਆ 'ਤੇ ਹੈਰਾਨ ਕਰ ਦੇਣ ਵਾਲਾ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਵਿਅਕਤੀ ਕਿੰਗ ਕੋਬਰਾ ਨੂੰ ਨਵਾਉਂਦਾ ਹੋਇਆ ਦਿਖਾਈ ਦੇ ਰਿਹਾ ਹੈ।
ਵਿਅਕਤੀ ਕੋਬਰਾ 'ਤੇ ਬਾਲਟੀ ਨਾਲ ਪਾਣੀ ਪਾ ਰਿਹਾ ਹੈ ਅਤੇ ਕੋਬਰਾ ਮਜ਼ੇ ਨਾਲ ਗਰਮੀ ਵਿਚ ਠੰਢੇ ਪਾਣੀ ਦਾ ਆਨੰਦ ਲੈ ਰਿਹਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਨਵਾਉਣ ਦੌਰਾਨ ਕੋਬਰਾ ਨੇ ਉਸ ਵਿਅਕਤੀ 'ਤੇ ਕਿਸੇ ਵੀ ਤਰ੍ਹਾਂ ਦਾ ਹਮਲਾ ਨਹੀਂ ਕੀਤਾ।
ਵਾਇਰਲ ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਵਿਅਕਤੀ ਕੋਬਰਾ ਨੂੰ ਨਵਾਉਣ ਤੋਂ ਬਾਅਦ ਉਸ ਦੇ ਸਿਰ 'ਤੇ ਹੱਥ ਫੇਰ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਕਈ ਲੋਕ ਦਾਅਵਾ ਕਰ ਰਹੇ ਹਨ ਕਿ ਵੀਡੀਓ ਵਿਚ ਕੋਬਰਾ ਨੂੰ ਨਵਾਉਣ ਵਾਲਾ ਵਿਅਕਤੀ ਕੇਰਲ ਦਾ ਰਹਿਣ ਵਾਲਾ ਹੈ ਅਤੇ ਇਸ ਦਾ ਨਾਂਅ ਸੁਰੇਸ਼ ਹੈ ਜੋ ਕਿ ਇਕ ਟ੍ਰੈਂਡ ਸਨੇਕ ਐਕਸਪਰਟ ਹੈ।
ਇਸ ਵੀਡੀਓ ਨੂੰ ਸੁਸ਼ਾਂਤਾ ਨੰਦਾ ਨਾਂਅ ਦੇ ਟਵਿਟਰ ਯੂਜ਼ਰ ਨੇ ਸ਼ੇਅਰ ਕੀਤਾ ਹੈ। ਸ਼ੇਅਰ ਹੁੰਦੇ ਹੀ ਇਹ ਵੀਡੀਓ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਗਿਆ। ਵੀਡੀਓ ਸ਼ੇਅਰ ਕਰਨ ਵਾਲੇ ਯੂਜ਼ਰ ਨੇ ਇਸ ਦੇ ਨਾਲ ਹੀ ਚੇਤਾਵਨੀ ਵੀ ਦਿੱਤੀ ਕਿ ਕੋਈ ਅਜਿਹਾ ਨਾ ਕਰੇ ਕਿਉਂਕਿ ਇਹ ਖਤਰਨਾਕ ਹੋ ਸਕਦਾ ਹੈ।