Photo

ਚੰਡੀਗੜ੍ਹ : ਦੇਸ਼ ਦੇ ਉਤਰ ਮੈਦਾਨੀ ਇਲਾਕਿਆਂ ਵਿਚ ਗਰਮੀ ਦਾ ਪ੍ਰਭਾਵ ਵੱਧ ਰਿਹਾ ਹੈ। ਉੱਥੇ ਹੀ ਚੰਡੀਗੜ ਵਿਚ ਸੋਮਵਾਰ ਨੂੰ 42 ਡਿਗਰੀ ਤਾਪਮਾਨ ਦਰਜ਼ ਕੀਤਾ ਗਿਆ। ਅੱਜ ਤਾਪਮਾਨ 42 ਡਿਗਰੀ ਤੋਂ ਪਾਰ ਹੈ। ਪੰਜਾਬ ਦੇ 11 ਜ਼ਿਲ੍ਹੇ ਅਜਿਹੇ ਹਨ ਜਿੱਥੇ ਤਾਪਮਾਨ 42 ਡਿਗਰੀ ਤੋਂ ਲੈ ਕੇ 45 ਡਿਗਰੀ ਦੇ ਵਿਚਕਾਰ ਚੱਲ ਰਿਹਾ ਹੈ। ਸੋਮਵਾਰ ਨੂੰ ਮੋਗਾ, ਸੰਗਰੂਰ, ਫਾਜ਼ਿਲਕਾ, ਬਠਿੰਡਾ ਵਿੱਚ ਪਾਰਾ 45 ਡਿਗਰੀ, ਬਰਨਾਲਾ, ਜਲੰਧਰ, ਰੋਪੜ ਤੇ ਪਟਿਆਲਾ ਵਿੱਚ 44 ਡਿਗਰੀ ਰਿਹਾ।

ਗੁਰਦਾਸਪੁਰ, ਕਪੂਰਥਲਾ, ਤਰਨ-ਤਾਰਨ ਦਾ ਘੱਟੋ ਘੱਟ ਤਾਪਮਾਨ 43 ਡਿਗਰੀ ਰਿਹਾ। ਉਧਰ ਮੌਸਮ ਵਿਭਾਗ ਦਾ ਕਹਿਣਾ ਹੈ ਕਿ 27 ਮਈ ਤੱਕ ਗਰਮੀਂ ਦੇ ਨਾਲ-ਨਾਲ ਲੂ ਵੀ ਵਗੇਗੀ। ਤੂਫਾਨ ਦੇ ਨਾਲ 28 ਤੂਫਾਨੀ ਤੇਜ਼ ਹੋ ਸਕਦੀ ਹੈ। ਪ੍ਰਾਈਵੇਟ ਮੌਸਮ ਏਜੰਸੀ ਸਕਾਈਮੈਟ ਵਿਗਿਆਨੀ ਮਹੇਸ਼ ਪਲਾਵਤ ਨੇ ਕਿਹਾ ਕਿ ਇੱਕ ਪੱਛਮੀ ਗੜਬੜੀ ਇੱਕ ਹਫਤੇ ਤੋਂ ਵੱਧ ਸਮੇਂ ਤੋਂ ਸਰਗਰਮ ਨਹੀਂ ਹੈ।

ਇਸ ਕਾਰਨ ਪੂਰੇ ਉੱਤਰ, ਉੱਤਰ ਪੱਛਮ ਤੇ ਮੱਧ ਭਾਰਤ ਵਿੱਚ ਖੁਸ਼ਕ ਮੌਸਮ ਹੈ। ਇਹ ਕਿਆਸ ਲਗਾਏ ਜਾ ਰਹੇ ਹਨ ਕਿ ਅਗਲੀ ਪੱਛਮੀ ਗੜਬੜੀ 28 ਮਈ ਨੂੰ ਪ੍ਰਵੇਸ਼ ਕਰੇਗੀ। ਜਿਸ ਦਾ ਅਸਰ 29-30 ਨੂੰ ਦੇਖਣ ਨੂੰ ਮਿਲੇਗਾ। 1 ਜੂਨ ਤੋਂ ਤਾਪਮਾਨ ਫਿਰ ਤੋਂ ਵਧੇਗਾ ਅਤੇ ਗਰਮੀਂ ਚੱਲੇਗੀ। ਮੌਸਮ ਵਿਭਾਗ ਨੇ ਕਿਹਾ ਕਿ 5 ਜੂਨ ਨੂੰ ਮਾਨਸੂਨ ਕੇਰਲ ਵਿਚ ਤੂਫਾਨ ਅਮਫਾਨ ਕਾਰਨ ਦਸਤਕ ਦੇਵੇਗਾ।

ਸੋਮਵਾਰ ਨੂੰ ਮਾਨਸੂਨ ਬੰਗਾਲ ਦੀ ਖਾੜੀ ਤੋਂ ਹਿੰਦ ਮਹਾਂਸਾਗਰ ਤੱਕ ਪਹੁੰਚ ਚੁੱਕਾ ਹੈ, ਜੋ ਕਿ ਆਮ ਨਾਲੋਂ ਚਾਰ ਦਿਨ ਪਿੱਛੇ ਹੈ। ਇਹ 21 ਮਈ ਨੂੰ ਹੋਣਾ ਚਾਹੀਦਾ ਸੀ। ਉਧਰ ਦੱਖਣ-ਪੱਛਮ ਮਾਨਸੂਨ ਪਿਛਲੇ ਹਫ਼ਤੇ ਹੀ ਬੰਗਾਲ ਦੀ ਖਾੜੀ ਤੇ ਹਿੰਦ ਮਹਾਂਸਾਗਰ ਚ ਪਹੁੰਚਿਆ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।