111 New Helicopters To Be Bought For Navy For Rs. 21,000 Crore

ਨਵੀਂ ਦਿੱਲੀ, ਰੱਖਿਆ ਮੰਤਰਾਲਾ ਨੇ ਜਲ ਸੈਨਾ ਲਈ 111 ਹੈਲੀਕਾਪਟਰ ਖਰੀਦਣ ਦੀ ਮਨਜ਼ੂਰੀ ਦੇ ਦਿੱਤੀ ਹੈ। ਹੈਲੀਕਾਪਟਰ ਡੀਲ 'ਤੇ ਲਗਭਗ 21 ਹਜ਼ਾਰ ਕਰੋੜ ਰੁਪਏ ਖਰਚ ਹੋਣਗੇ। ਅਧਿਕਾਰੀਆਂ ਨੇ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਮੰਤਰਾਲਾ ਨੇ ਕਰੀਬ 46,000 ਕਰੋੜ ਰੁਪਏ ਦੇ ਰੱਖਿਆ ਖਰੀਦ ਸੌਦਿਆਂ ਨੂੰ ਮਨਜ਼ੂਰੀ ਦਿੱਤੀ ਹੈ। ਇਸ ਵਿਚ ਹੈਲੀਕਾਪਟਰ ਦੀ ਖਰੀਦ ਵੀ ਸ਼ਾਮਿਲ ਹੈ। ਰੱਖਿਆ ਖਰੀਦ ਪਰਿਸ਼ਦ (ਡੀਏਸੀ) ਦੀ ਬੈਠਕ ਵਿਚ ਇਹ ਫੈਸਲਾ ਕੀਤਾ ਗਿਆ।

ਇੱਕ ਉੱਚ ਅਧਿਕਾਰੀ ਨੇ ਦੱਸਿਆ ਕਿ ਡੀਏਸੀ ਨੇ 21,000 ਕਰੋੜ ਤੋਂ ਜ਼ਿਆਦਾ ਦੀ ਲਾਗਤ ਨਾਲ ਭਾਰਤੀ ਜਲ ਸੈਨਾ ਲਈ 111 ਹੈਲੀਕਾਪਟਰ ਖਰੀਦਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।  ਅਧਿਕਾਰੀ ਨੇ ਕਿਹਾ ਕਿ ਡੀਏਸੀ ਨੇ ਕਰੀਬ 24,879 ਕਰੋੜ ਰੁਪਏ ਦੇ ਕੁੱਝ ਹੋਰ ਰੱਖਿਆ ਖਰੀਦ ਪ੍ਰਸਤਾਵਾਂ ਨੂੰ ਵੀ ਹਰੀ ਝੰਡੀ ਦਿੱਤੀ ਹੈ। ਇਸ ਵਿਚ ਫੌਜ ਲਈ 150 ਪੂਰੀ ਤਰ੍ਹਾਂ ਨਾਲ ਆਪਣੇ ਦੇਸ਼ ਵਿਚ ਡਿਜ਼ਾਈਨ ਅਤੇ ਵਿਕਸਿਤ 155 ਐਮਐਮ ਵਾਲੀਆਂ ਆਧੁਨਿਕ ਤੋਪਾਂ ਦੀ ਖਰੀਦ ਦੀ ਪੇਸ਼ਕਸ਼ ਵੀ ਸ਼ਾਮਿਲ ਹੈ। ਇਸ ਦੀ ਲਾਗਤ ਕਰੀਬ 3,364 ਕਰੋੜ ਰੁਪਏ ਹੈ।

ਇਨ੍ਹਾਂ ਤੋਪਾਂ ਨੂੰ ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (DRDO) ਵਲੋਂ ਡਿਜ਼ਾਈਨ ਅਤੇ ਵਿਕਸਿਤ ਕੀਤਾ ਜਾਵੇਗਾ। ਇਸ ਦੇ ਨਾਲ 14 ਵਰਟਿਕਲ ਲਾਂਚ ਹੋਣ ਵਾਲੀਆਂ ਸ਼ਾਰਟ ਰੇਂਜ ਮਿਸਾਇਲ ਸਿਸਟਮ ਖਰੀਦ ਨੂੰ ਵੀ ਡੀਏਸੀ ਦੀ ਮਨਜ਼ੂਰੀ ਮਿਲੀ ਹੈ। ਇਹਨਾਂ ਵਿਚੋਂ 10 ਸਿਸਟਮ ਵੀ ਸਵਦੇਸ਼ੀ ਹੋਣਗੇ। ਮੰਤਰਾਲਾ ਨੇ ਕਿਹਾ ਕਿ ਇਹ ਸਿਸਟਮ ਐਂਟੀ - ਸ਼ਿਪ ਮਿਸਾਇਲਾਂ  ਦੇ ਖਿਲਾਫ ਜਹਾਜ਼ਾਂ ਦੀ ਆਤਮ ਰੱਖਿਆ ਸਮਰੱਥਾ ਨੂੰ ਵਧਾਵਾ ਦੇਵਾਂਗੇ। ਰੱਖਿਆ ਮੰਤਰਾਲਾ ਨੇ ਕਿਹਾ, ਡੀਏਸੀ ਨੇ ਅੱਜ ਆਪਣੇ ਇਤਿਹਾਸਿਕ ਫੈਸਲੇ ਵਿਚ ਭਾਰਤੀ ਜਲ ਸੈਨਾ ਲਈ 21,000 ਕਰੋੜ ਤੋਂ ਜ਼ਿਆਦਾ ਦੀ ਲਾਗਤ ਨਾਲ 111 ਹੈਲੀਕਾਪਟਰ ਖਰੀਦਣ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਇਨ੍ਹਾਂ ਹੇਲੀਕਾਪਟਰਾਂ ਦੀ ਵਰਤੋ ਵਾਰ ਮਿਸ਼ਨ ਦੇ ਨਾਲ - ਨਾਲ ਖੋਜ ਅਤੇ ਰਾਹਤ ਅਭਿਆਨਾਂ ਅਤੇ ਨਿਗਰਾਨੀ ਕਾਰਜ ਲਈ ਵੀ ਕੀਤੀ ਜਾਵੇਗੀ। ਮੰਤਰਾਲਾ ਨੇ ਕਿਹਾ ਕਿ ਡੀਏਸੀ ਨੇ 24,879.16 ਕਰੋੜ ਰੁਪਏ ਦੇ ਕੁੱਝ ਹੋਰ ਰੱਖਿਆ ਖਰੀਦ ਪ੍ਰਸਤਾਵਾਂ ਨੂੰ ਵੀ ਹਰੀ ਝੰਡੀ ਦਿੱਤੀ ਹੈ। ਇਸ ਵਿਚ ਜਲ ਸੈਨਾ ਲਈ 150 ਪੂਰੀ ਤਰ੍ਹਾਂ ਨਾਲ ਆਪਣੇ ਦੇਸ਼ ਵਿਚ ਡਿਜ਼ਾਈਨ ਅਤੇ ਵਿਕਸਿਤ 155 ਐਮਐਮ ਦੀ ਨਾਲ ਵਾਲੀਆਂ ਵਿਕਸਿਤ ਤੋਪਾਂ ਦੀ ਖਰੀਦ ਦੀ ਪੇਸ਼ਕਸ਼ ਵੀ ਸ਼ਾਮਿਲ ਹੈ।