Mother

ਨਵੀਂ ਦਿੱਲੀ: ਇਸ ਦੁਨੀਆਂ ‘ਚ ਜੇਕਰ ਇਨਸਾਨ ਨੂੰ ਸਭ ਤੋਂ ਜ਼ਿਆਦਾ ਪਿਆਰ ਕਿਸੇ ਨਾਲ ਹੁੰਦਾ ਤਾਂ ਉਹ ਹੈ ਜਨਮ ਦੇਣ ਵਾਲੀ ਮਾਂ ਨਾਲ ਪਰ ਦਿੱਲੀ ਦੇ ਗ੍ਰੇਟਰ ਨੋਇਡਾ ਵਿਚ ਇਕ ਨਾਬਾਲਗ ਕਲਯੁੱਗੀ ਬੇਟੇ ਨੇ ਸਿਰਫ਼ ਇਸ ਲਈ ਅਪਣੀ ਮਾਂ ਦਾ ਕਤਲ ਕਰ ਦਿਅੱਤਾ ਕਿਉਂਕਿ ਉਹ ਉਸਨੂੰ ਰਾਤ ਸਮੇਂ ਜਗਾ ਕੇ ਪਾਣੀ ਮੰਗਦੀ ਹੁੰਦੀ ਸੀ। ਦਰਅਸਲ ਗ੍ਰੇਟਰ ਨੋਇਡਾ ਦੇ ਬਾਦਲਪੁਰ ਇਲਾਕੇ ਵਿਚ ਬੀਤੇ ਸ਼ਨੀਵਾਰ ਨੂੰ ਇਕ 50 ਸਾਲਾ ਮਹਿਲਾ ਦੀ ਗਲਾ ਦਬਾ ਕੇ ਹੱਤਿਆ ਕਰ ਦਿੱਤੀ ਗਈ ਹੈ।

ਜਿਸ ਸਮੇਂ ਮਹਿਲਾ ਦੀ ਹੱਤਿਆ ਹੋਈ ਸੀ ਉਸ ਸਮੇਂ ਘਰ ‘ਤੇ ਸਿਰਫ਼ ਉਸਦਾ 16 ਸਾਲਾ ਨਾਬਾਲਗ ਬੇਟਾ ਹੀ ਮੌਜੂਦ ਸੀ ਅਤੇ ਉਸਨੇ ਖੁਦ ਫੋਨ ਕਰਕੇ ਪਿਤਾ ਨੂੰ ਅਪਣੀ ਮਾਂ ਦੀ ਹੱਤਿਆ ਕਰਨ ਦੀ ਜਾਣਕਾਰੀ ਦਿੱਤੀ ਸੀ। ਜਦੋਂ ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰਨ ਪਹੁੰਚੀ ਤਾਂ ਮ੍ਰਿਤਕ ਮਹਿਲਾ ਨੇ ਨਾਬਾਲਗ ਬੇਟੇ ਨੇ ਪੁਲਿਸ ਨੂੰ ਗੁਮਰਾਹ ਕਰਦੇ ਹੋਏ ਕਿਹਾ ਕਿ ਉਹ ਵਾਰਦਾਤ ਦੌਰਾਨ ਸੋ ਰਿਹਾ ਸੀ ਅਤੇ ਹੱਤਿਆ ਕਿਸਨੇ ਕੀਤੀ ਉਸਨੂੰ ਪਤਾ ਨਹੀਂ ਲੱਗ ਸਕਿਆ। ਮ੍ਰਿਤਕ ਮਹਿਲਾ ਦੀ ਹੱਤਿਆ ਤੋਂ ਪਹਿਲਾਂ ਘਰ ‘ਚ ਕੋਈ ਲੁੱਟ ਵੀ ਨਹੀਂ ਹੋਈ ਸੀ।

 ਇਸ ਲਈ ਪੁਲਿਸ ਨੂੰ ਨਾਬਾਲਗ ਉਤੇ ਹੀ ਸ਼ੱਕ ਹੋਇਆ ਤਾ ਅਧਿਕਾਰੀਆਂ ਨੇ ਉਸਨੂੰ ਸਖ਼ਤੀ ਨਾਲ ਪੁਛਗਿਛ ਕਰਨੀ ਸ਼ੁਰੂ ਕਰ ਦਿੱਤੀ ਜਿਸ ਤੋਂ ਬਾਅਦ ਨਾਬਾਲਗ ਦੋਸ਼ੀ ਬੇਟਾ ਟੁੱਟ ਗਿਆ ਅਤੇ ਉਸਨੇ ਅਪਣੀ ਹੀ ਮਾਂ ਦੀ ਹੱਤਿਆ ਦਾ ਗੱਲ ਸਵੀਕਾਰ ਕਰ ਲਈ। ਜਦੋਂ ਪੁਲਿਸ ਨੇ ਉਸ ਤੋਂ ਹੱਤਿਆ ਦਾ ਕਾਰਨ ਪੁਛਿਆ ਤਾਂ ਬੇਟੇ ਨੇ ਜੋ ਵਜ੍ਹਾ ਦੱਸੀ ਉਹ ਸੁਣ ਕੇ ਤੁਸੀਂ ਹੈਰਾਨ ਹੋ ਜਾਵੋਗੇ। ਉਸ ਨੇ ਦੱਸਿਆ ਕਿ ਉਸਦੀ ਮਾਂ ਉਸ ਤੋਂ ਰੋਜ ਰਾਤ ਸਮੇਂ ਵਾਰ-ਵਾਰ ਪਾਣੀ ਅਤੇ ਖਾਣ ਲਈ ਤੰਬਾਕੂ ਮੰਗਦੀ ਸੀ, ਜਿਸ ਵਜ੍ਹਾ ਨਾਲ ਉਸਨੂੰ ਕਈ ਵਾਰ ਜਾਗਣਾ ਪੈਂਦਾ ਸੀ ਅਤੇ ਉਸਦੀ ਨੀਂਦ ਪੂਰੀ ਨਹੀਂ ਹੁੰਦੀ ਸੀ।

 ਇਸ ਤੋਂ ਛੁਟਕਾਰਾ ਪਾਉਣ ਲਈ ਉਸਨੇ ਗਲਾ ਦਬਾ ਕੇ ਅਪਣੀ ਮਾਂ ਦੀ ਹੱਤਿਆ ਕਰ ਦਿੱਤੀ। ਨਾਬਾਲਗ ਦੋਸ਼ੀ ਦੇ ਪਿਤਾ ਨੇ ਦੱਸਿਆ ਕਿ ਉਹ ਖ਼ੁਦ ਵਿਆਹ ਸਮਾਰੋਹ ‘ਚ ਸ਼ਾਮਲ ਹੋਣ ਗਏ ਸੀ ਜਦਕਿ ਵੱਡਾ ਬੇਟਾ ਗਾਰਡ ਦੀ ਨੌਕਰੀ ਕਰਦਾ ਹੈ ਅਤੇ ਉਹ ਵੀ ਡਿਊਟੀ ‘ਤੇ ਸੀ। ਨਾਬਾਲਗ ਬੇਟੇ ਨੇ ਹੀ ਫੋਨ ਕਰਕੇ ਉਸਨੇ ਅਪਣੀ ਮਾਂ ਦੀ ਹੱਤਿਆ ਹਾਣ ਦੀ ਖ਼ਬਰ ਦਿੱਤੀ ਸੀ। ਦੋਸ਼ੀ ਦੇ ਪਿਤਾ ਨੇ ਦੱਸਿਆ ਕਿ ਕਰੀਬ ਇਕ ਮਹੀਨਾ ਪਹਿਲਾ ਉਸਨੂੰ ਸੱਪ ਨੇ ਡੰਗ ਲਿਆ ਸੀ ਜਿਸਤੋਂ ਬਾਅਦ ਉਹ ਕਾਫ਼ੀ ਚਿੜਚਿੜਾ ਹੋ ਗਿਆ ਸੀ।