Research claims corona virus will end by 9 december from world and 26 july in india

ਨਵੀਂ ਦਿੱਲੀ: ਦੁਨੀਆਭਰ ਦੇ ਦੇਸ਼ਾਂ ਵਿਚ ਕੋਰੋਨਾ ਵਾਇਰਸ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਹਾਲਾਤ ਇਹ ਹੋ ਗਏ ਹਨ ਕਿ ਹੁਣ ਤਕ ਦੋ ਲੱਖ ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ ਜਦਕਿ 30 ਲੱਖ ਤੋਂ ਜ਼ਿਆਦਾ ਲੋਕ ਕੋਰੋਨਾ ਨਾਲ ਪੀੜਤ ਦੱਸੇ ਜਾ ਰਹੇ ਹਨ। ਕੋਰੋਨਾ ਵਾਇਰਸ ਨੂੰ ਫੈਲਣ ਤੋਂ ਰੋਕਣ ਲਈ ਦੁਨੀਆਭਰ ਦੇ ਦੇਸ਼ਾਂ ਨੇ ਲਾਕਡਾਊਨ ਕੀਤਾ ਹੋਇਆ ਹੈ ਅਤੇ ਵਿਗਿਆਨੀ ਦਿਨ ਰਾਤ ਇਕ ਕਰ ਕੇ ਕੋਰੋਨਾ ਨੂੰ ਖਤਮ ਕਰਨ ਦੀ ਕੋਸ਼ਿਸ਼ ਵਿਚ ਜੁਟੇ ਹੋਏ ਹਨ।

ਇਸ ਦੇ ਚਲਦੇ ਸਿੰਘਾਪੁਰ ਯੂਨੀਵਰਸਿਟੀ ਆਫ ਟੈਕਨਾਲੋਜੀ ਐਂਡ ਡਿਜ਼ਾਇਨ ਦੇ ਵਿਗਿਆਨੀਆਂ ਨੇ ਦਾਅਵਾ ਕੀਤਾ ਹੈ ਕਿ ਦੁਨੀਆ ਤੋਂ ਕੋਰੋਨਾ ਵਾਇਰਸ 9 ਦਸੰਬਰ ਤਕ ਖਤਮ ਹੋ ਜਾਵੇਗਾ। ਉਹਨਾਂ ਨੇ ਭਾਰਤ ਬਾਰੇ ਵੀ ਅਨੁਮਾਨ ਲਗਾਉਂਦੇ ਹੋਏ ਕਿਹਾ ਕਿ ਭਾਰਤ ਵਿਚੋਂ 26 ਜੁਲਾਈ ਤਕ ਕੋਰੋਨਾ ਪੂਰੀ ਤਰ੍ਹਾਂ ਖਤਮ ਹੋਣ ਦੀ ਸੰਭਾਵਨਾ ਹੈ। ਕੋਰੋਨਾ ਵਾਇਰਸ ਨੇ ਦੁਨੀਆ ਨੂੰ ਘਰਾਂ ਵਿਚ ਕੈਦ ਕਰ ਦਿੱਤਾ ਹੈ।

ਹਰ ਕਿਸੇ ਦੇ ਦਿਮਾਗ਼ ਵਿਚ ਇਕ ਹੀ ਗੱਲ ਘੁੰਮ ਰਹੀ ਹੈ ਕਿ ਆਖਿਰ ਕੋਰੋਨਾ ਵਾਇਰਸ ਖ਼ਤਮ ਕਦੋਂ ਹੋਵੇਗਾ। ਲੋਕ ਇਹ ਵੀ ਸੋਚ ਰਹੇ ਹਨ ਕਿ ਲਾਕਡਾਊਨ ਖੁਲ੍ਹਣ ਤੋਂ ਬਾਅਦ ਕੀ ਕੋਰੋਨਾ ਵਾਇਰਸ ਹੋਰ ਤੇਜ਼ੀ ਨਾਲ ਹਮਲਾ ਕਰੇਗਾ। ਲੋਕਾਂ ਦੇ ਇਹਨਾਂ ਹੀ ਸਵਾਲਾਂ ਦਾ ਜਵਾਬ ਦਿੰਦੇ ਹੋਏ ਸਿੰਘਾਪੁਰ ਯੂਨੀਵਰਸਿਟੀ ਆਫ ਟੈਕਨਾਲੋਜੀ ਐਂਡ ਡਿਜ਼ਾਇਨ ਦੇ ਵਿਗਿਆਨੀਆਂ ਨੇ ਆਰਟੀਫੀਸ਼ੀਅਲ ਇੰਟੇਲਿਜੈਂਸ਼ ਡ੍ਰਿਵੇਨ ਡੇਟਾ ਐਨਾਲਿਸਿਸ ਦੇ ਜ਼ਰੀਏ ਦੁਨੀਆ ਨੂੰ ਇਕ ਉਮੀਦ ਦੀ ਕਿਰਨ ਦਿਖਾਈ ਹੈ।

ਅਧਿਐਨ ਮੁਤਾਬਕ ਦੁਨੀਆ ਦੇ ਸਾਰੇ ਦੇਸ਼ਾਂ ਤੋਂ ਦਸੰਬਰ ਦੀ ਸ਼ੁਰੂਆਤ ਤਕ ਕੋਰੋਨਾ ਪੂਰੀ ਤਰ੍ਹਾਂ ਖਤਮ ਹੋ ਜਾਵੇਗਾ। ਅਧਿਐਨ ਵਿਚ ਇਹ ਵੀ ਦਸਿਆ ਗਿਆ ਹੈ ਕਿ ਅਮਰੀਕਾ ਵਿਚ 27 ਅਗਸਤ, ਸਪੇਨ ਵਿਚ 7 ਅਗਸਤ, ਇਟਲੀ ਵਿਚ 25 ਅਗਸਤ ਅਤੇ ਭਾਰਤ ਵਿਚ 26 ਜੁਲਾਈ ਤਕ ਕੋਰੋਨਾ ਦਾ ਖ਼ਾਤਮਾ ਹੋ ਜਾਵੇਗਾ। ਵਿਗਿਆਨੀਆਂ ਨੇ ਇਸ ਮਹਾਂਮਾਰੀ ਦੇ ਪ੍ਰਭਾਵਿਤ ਹੋਣ ਦਾ ਅਨੁਮਾਨ ਲਗਾਇਆ ਗਿਆ ਹੈ।

ਖੋਜ ਵਿੱਚ ਪਾਇਆ ਗਿਆ ਹੈ ਕਿ ਕੋਰੋਨਾ 97 ਫੀਸਦ ਕਦੋਂ ਖ਼ਤਮ ਹੋਵੇਗਾ, 99 ਫੀਸਦ ਅਤੇ 100 ਫੀਸਦ ਕਦੋਂ ਖ਼ਤਮ ਹੋਵੇਗਾ। ਖੋਜ ਵਿਚ ਹਰ ਦੇਸ਼ ਦੇ ਮੌਸਮ ਅਤੇ ਉੱਥੇ ਕੋਰੋਨਾ ਦੀ ਸਥਿਤੀ, ਮੌਤ ਦੀ ਗਿਣਤੀ ਅਤੇ ਠੀਕ ਹੋ ਰਹੇ ਮਰੀਜ਼ਾਂ ਦੀ ਗਿਣਤੀ ਨੂੰ ਦੇਖਦੇ ਹੋਏ ਇਹ ਅਨੁਮਾਨ ਲਗਾਇਆ ਗਿਆ ਹੈ। ਇਸ ਅਨੁਮਾਨ ਮੁਤਾਬਕ ਚੀਨ ਤੋਂ ਕੋਰੋਨਾ ਖਤਮ ਹੋਣ ਦਾ ਸਮਾਂ 9 ਅਪ੍ਰੈਲ ਦਸਿਆ ਗਿਆ ਸੀ।

ਖੋਜ ਮੁਤਾਬਕ ਕੋਰੋਨਾ ਦੁਨੀਆ ਤੋਂ 97 ਪ੍ਰਤੀਸ਼ਤ ਤਕ 30 ਮਈ ਤਕ ਅਤੇ 99 ਪ੍ਰਤੀਸ਼ਤ ਤਕ 17 ਜੂਨ ਤਕ ਖ਼ਤਮ ਅਤੇ 100 ਪ੍ਰਤੀਸ਼ਤ 9 ਦਸੰਬਰ ਤਕ ਖ਼ਤਮ ਹੋਵੇਗਾ। ਭਾਰਤ ਵਿਚ ਕੋਰੋਨਾ ਦਾ ਖ਼ਾਤਮਾ 22 ਮਈ ਤੋਂ ਸ਼ੁਰੂ ਹੋ ਜਾਵੇਗਾ। ਖੋਜ ਮੁਤਾਬਕ ਭਾਰਤ ਵਿਚ 97 ਪ੍ਰਤੀਸ਼ਤ ਕੇਸ 22 ਮਈ ਤਕ, 99 ਪ੍ਰਤੀਸ਼ਤ ਕੇਸ 1 ਜੂਨ ਤਕ ਅਤੇ 100 ਪ੍ਰਤੀਸ਼ਤ ਕੇਸ 26 ਜੁਲਾਈ ਤਕ ਖ਼ਤਮ ਹੋ ਜਾਵੇਗਾ।  

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।