ਲਖਨਊ (ਭਾਸ਼ਾ): ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਵਿਚ ਇਕ ਮਹਿਲਾ ਸਭ ਇੰਸਪੈਕਟਰ  ਦੇ ਨਾਲ ਬਦਤਮੀਜੀ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤਾ 1090 ਵੂਮੈਨ ਪਾਵਰ ਲਾਈਨ ਵਿਚ ਤੈਨਾਤ ਹੈ। ਉਸ ਨੇ ਦੋ ਸਿਪਾਹੀਆਂ ਉਤੇ ਬਦਤਮੀਜੀ ਕਰਨ ਦਾ ਇਲਜਾਮ ਲਗਾਇਆ ਹੈ। ਇਹ ਮਾਮਲਾ ਏ.ਡੀ.ਜੀ ਤੱਕ ਪਹੁੰਚ ਗਿਆ ਹੈ ਪਰ ਹੁਣ ਤੱਕ ਪੀੜਤਾ ਨੂੰ ਨਿਆਂ ਨਹੀਂ ਮਿਲਿਆ ਹੈ। ਦੱਸ ਦਈਏ ਕਿ ਘਟਨਾ ਕਰੀਬ ਇਕ ਮਹੀਨੇ ਪੁਰਾਣੀ ਹੈ। ਪੀੜਤ ਔਰਤ ਐਸ.ਆਈ 1090 ਵੂਮੈਨ ਪਾਵਰ ਲਾਇਨ ਵਿਚ ਤੈਨਾਤ ਹੈ।

ਬੀਤੀ 21 ਅਕਤੂਬਰ ਦੀ ਰਾਤ ਨੂੰ ਉਹ ਰਾਤ ਦੀ ਡਿਊਟੀ ਉਤੇ ਸੀ। ਉਸ ਦੇ ਨਾਲ ਦੋ ਪੁਰਸ ਸਿਪਾਹੀ ਵੀ ਡਿਊਟੀ ਉਤੇ ਤੈਨਾਤ ਸਨ। ਮਹਿਲਾ ਐਸ.ਆਈ ਦਾ ਇਲਜ਼ਾਮ ਹੈ ਕਿ ਦੋਨਾਂ ਸਿਪਾਹੀਆਂ ਨੇ ਪਹਿਲਾਂ ਸ਼ਰਾਬ ਪੀਤੀ ਅਤੇ ਫਿਰ ਉਥੇ ਹੀ ਸੌ ਗਏ। ਦੇਰ ਰਾਤ ਉਨ੍ਹਾਂ ਵਿਚੋਂ ਇਕ ਸਿਪਾਈ ਅਚਾਨਕ ਜਾਗ ਗਿਆ ਅਤੇ ਉਸ ਦੇ ਕੋਲ ਆ ਕੇ ਬਦਤਮੀਜੀ ਕਰਨ ਲੱਗਿਆ। ਦੂਜਾ ਸਿਪਾਹੀ ਵੀ ਉਥੇ ਹੀ ਮੌਜੂਦ ਸੀ। ਸਵੇਰੇ ਹੁੰਦੇ ਹੀ ਪੀੜਤਾ ਨੇ ਇਸ ਬਾਰੇ ਵਿਚ ਅਫਸਰਾਂ ਨੂੰ ਸ਼ਿਕਾਇਤ ਕੀਤੀ। ਐਸ.ਐਸ.ਪੀ ਨੇ ਉਸ ਦੀ ਸ਼ਿਕਾਇਤ ਨੂੰ ਦਰਜ ਕਰ ਲਿਆ ਅਤੇ ਜਾਂਚ ਸ਼ੁਰੂ ਕੀਤੀ।

ਇਸ ਵਿਚ 27 ਅਕਤੂਬਰ ਨੂੰ ਵੀ ਉਨ੍ਹਾਂ ਦੋਨਾਂ ਸਿਪਾਹੀਆਂ ਨੇ ਮਹਿਲਾ ਨਾਲ ਬਦਤਮੀਜੀ ਕੀਤੀ। ਪੀੜਤਾ ਨੇ ਫਿਰ ਇਸ ਗੱਲ ਦੀ ਸ਼ਿਕਾਇਤ ਐਸ.ਐਸ.ਪੀ ਨੂੰ ਕੀਤੀ। ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਐਸ.ਐਸ.ਪੀ ਨੇ ਜਾਂਚ ਰਿਪੋਰਟ ਏ.ਡੀ.ਜੀ ਅੰਜੂ ਗੁਪਤਾ ਨੂੰ ਭੇਜ ਦਿਤੀ ਪਰ ਪੀੜਤਾ ਨੂੰ ਉਥੇ ਤੋਂ ਵੀ ਨਿਆਂ ਨਹੀਂ ਮਿਲਿਆ। ਏ.ਡੀ.ਜੀ ਅੰਜੂ ਗੁਪਤਾ ਦਾ ਕਹਿਣਾ ਹੈ ਕਿ ਇਸ ਮਾਮਲੇ ਵਿਚ ਮਹਿਲਾ ਐਸ.ਆਈ ਦੇ ਬਿਆਨ ਦੁਬਾਰਾ ਲਏ ਜਾਣਗੇ। ਹੁਣ ਮਹਿਲਾ ਐਸ.ਆਈ ਨੇ ਅਪਣੇ ਆਪ ਨੂੰ ਜਾਨੋ ਮਾਰਨ ਦਾ ਖ਼ਤਰਾ ਦੱਸਿਆ ਹੈ।