ਲਾਲ ਮੂਲੀ ਦੀ ਖੇਤੀ ਨਾਲ ਹੋ ਸਕਦੀ ਹੈ ਮੋਟੀ ਕਮਾਈ, ਪੜ੍ਹੋ ਕਿਸਾਨ ਨੇ ਕਿਵੇਂ ਕੀਤਾ ਕਮਾਲ 

ਨਵੀਂ ਦਿੱਲੀ - ਖੇਤੀ ਵਿਚ ਨਵੀਆਂ ਤਕਨੀਕਾਂ ਆਉਣ ਨਾਲ ਕਿਸਾਨਾਂ ਦਾ ਕੰਮ ਆਸਾਨ ਹੋ ਗਿਆ ਹੈ। ਇਨ੍ਹਾਂ ਤਕਨੀਕਾਂ ਦੀ ਮਦਦ ਨਾਲ ਕਿਸਾਨ ਚੰਗਾ ਮੁਨਾਫ਼ਾ ਵੀ ਕਮਾ ਰਹੇ ਹਨ। ਅਜਿਹੀ ਹੀ ਇੱਕ ਤਕਨੀਕ ਨਾਲ ਜੋਧਪੁਰ ਦੇ ਮਥਾਨੀਆ ਦੇ 8ਵੀਂ ਪਾਸ ਕਿਸਾਨ ਮਦਨਲਾਲ ਲਾਲ ਮੂਲੀ ਦੀ ਖੇਤੀ ਕਰ ਰਹੇ ਹਨ, ਜਿਸ ਤੋਂ ਚੰਗੀ ਕਮਾਈ ਵੀ ਹੋ ਰਹੀ ਹੈ।

ਜ਼ਿਆਦਾਤਰ ਲੋਕਾਂ ਨੇ ਚਿੱਟੀ ਮੂਲੀ ਦੀ ਖੇਤੀ ਦੇਖੀ ਹੋਵੇਗੀ। ਅਜਿਹੇ 'ਚ ਲਾਲ ਮੂਲੀ ਦੀ ਖੇਤੀ ਵੀ ਕਈ ਲੋਕਾਂ ਨੂੰ ਹੈਰਾਨ ਕਰ ਸਕਦੀ ਹੈ। ਇਕ ਕਿਸਾਨ ਇਸ ਬਾਰੇ ਦੱਸਦਾ ਹੈ ਕਿ ਉਹ ਖੇਤੀਬਾੜੀ ਵਿਗਿਆਨ ਨਾਲ ਜੁੜੀ ਜਾਣਕਾਰੀ ਨਾਲ ਜੁੜੇ ਰਹਿਣਾ ਪਸੰਦ ਕਰਦੇ ਹਨ। ਉਹ ਖੇਤੀਬਾੜੀ ਯੂਨੀਵਰਸਿਟੀ ਦੀਆਂ ਗਤੀਵਿਧੀਆਂ ਵਿਚ ਹਮੇਸ਼ਾ ਸ਼ਾਮਲ ਰਹਿੰਦਾ ਹੈ। ਖੇਤੀ ਵਿਗਿਆਨੀਆਂ ਨਾਲ ਵੀ ਮੁਲਾਕਾਤ ਕੀਤੀ। ਇਸ ਤੋਂ ਇਲਾਵਾ ਕੇਂਦਰੀ ਖੇਤੀ ਖੋਜ ਪ੍ਰੀਸ਼ਦ ਦੇ ਕੇਂਦਰਾਂ ਦੇ ਸੰਪਰਕ ਵਿਚ ਰਹੇ। ਉੱਥੋਂ ਉਸ ਨੂੰ ਲਾਲ ਮੂਲੀ ਦੀ ਖੇਤੀ ਕਰਨ ਦਾ ਵਿਚਾਰ ਆਇਆ।

ਉਸ ਨੇ ਬਹੁਤ ਸਾਰੀਆਂ ਕਿਤਾਬਾਂ ਪੜ੍ਹੀਆਂ ਅਤੇ ਲਾਲ ਮੂਲੀ ਦੀ ਕਾਸ਼ਤ ਲਈ ਖੇਤੀਬਾੜੀ ਖੋਜਕਰਤਾਵਾਂ ਨੂੰ ਮਿਲਿਆ। ਇਸ ਤੋਂ ਬਾਅਦ ਦੋ ਕਟਿੰਗਜ਼ ਨੂੰ ਮਿਲਾ ਕੇ ਇੱਕ ਬੂਟਾ ਬਣਾਇਆ ਗਿਆ। ਇਸ ਦਾ ਬੀਜ ਪੁਰਾਣੀ ਵਿਧੀ ਨਾਲ ਤਿਆਰ ਕੀਤਾ ਗਿਆ ਸੀ। ਚਾਰ ਸਾਲ ਲਗਾਤਾਰ ਸਰਦੀਆਂ ਦੇ ਦਿਨਾਂ ਵਿਚ ਬੀਜਿਆ। ਇਸ ਵਿਚ ਹਰ ਸਾਲ ਸੁਧਾਰ ਹੋਇਆ। ਇਸ ਵਾਰ ਉਸ ਦੇ ਖੇਤ ਦੇ ਇੱਕ ਹਿੱਸੇ ਵਿਚ ਲਾਲ ਮੂਲੀ ਦੀ ਚੰਗੀ ਪੈਦਾਵਾਰ ਹੋਈ।  

ਕਿਸਾਨ ਦਾ ਕਹਿਣਾ ਹੈ ਕਿ ਉਹ ਹੁਣ ਇਸ 'ਤੇ ਹੋਰ ਕੰਮ ਕਰੇਗਾ। ਇਸ ਦੇ ਸਵਾਦ 'ਚ ਕੋਈ ਕਮੀ ਨਹੀਂ ਹੈ। ਇਸ ਮੂਲੀ ਵਿਚ ਐਂਟੀਆਕਸੀਡੈਂਟ ਭਰਪੂਰ ਮਾਤਰਾ ਵਿਚ ਪਾਏ ਜਾਂਦੇ ਹਨ। ਇਸ ਦੇ ਬੀਜ ਵੀ ਤਿਆਰ ਕੀਤੇ ਜਾ ਰਹੇ ਹਨ, ਤਾਂ ਜੋ ਇਸ ਦਾ ਉਤਪਾਦਨ ਵਧਾਇਆ ਜਾ ਸਕੇ। ਜਿੱਥੇ ਬਾਜ਼ਾਰ ਵਿਚ ਸਾਧਾਰਨ ਮੂਲੀ 10 ਤੋਂ 20 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਮਿਲਦੀ ਹੈ ਤਾਂ ਲਾਲ ਮੂਲੀ 100 ਰੁਪਏ ਪ੍ਰਤੀ ਕਿਲੋ ਵਿਕ ਰਹੀ ਹੈ। ਕਿਸਾਨ ਦਾ ਕਹਿਣਾ ਹੈ ਕਿ ਫਿਲਹਾਲ ਉਹ ਮੰਡੀ 'ਚ ਸਪਲਾਈ ਨਹੀਂ ਕਰ ਪਾ ਰਿਹਾ ਹੈ। ਕੁਝ ਵੱਡੇ ਹੋਟਲ ਅਤੇ ਰੈਸਟੋਰੈਂਟ ਉਨ੍ਹਾਂ ਤੋਂ ਇਹ ਮੂਲੀ ਲੈ ਰਹੇ ਹਨ। ਵਿਆਹ ਸਮਾਗਮ ਵਿਚ ਵੀ ਉਙ ਇਹ ਮੂਲੀਆਂ ਲੈ ਕੇ ਜਾਂਦਾ ਹੈ। 

ਕਿਸਾਨ ਦਾ ਕਹਿਣਾ ਹੈ ਕਿ ਅਗਲੇ ਸਾਲ ਰਕਬਾ ਵਧਾ ਕੇ ਇਸ ਦੀ ਪੈਦਾਵਾਰ ਨੂੰ ਮੰਡੀ ਵਿਚ ਲਿਆਂਦਾ ਜਾਵੇਗਾ। ਕਿਸਾਨ ਖੇਤੀਬਾੜੀ ਵਿਚ ਨਵੀਨਤਾ ਕਰਦਾ ਰਹਿੰਦਾ ਹੈ। ਲਾਲ ਮੂਲੀ ਤੋਂ ਪਹਿਲਾਂ, ਉਸ ਨੇ ਦੁਰਗਾ, ਲਾਲ ਗਾਜਰ ਦੀ ਇੱਕ ਉੱਨਤ ਕਿਸਮ ਦਾ ਵਿਕਾਸ ਕੀਤਾ ਹੈ। ਉਹ ਇਸ ਦੇ ਬੀਜ ਪੂਰੇ ਦੇਸ਼ ਵਿਚ ਸਪਲਾਈ ਕਰਦੇ ਹਨ। ਇਸ ਤੋਂ ਇਲਾਵਾ ਕਣਕ ਵਿਚ ਵੀ ਨਵੀਨਤਾ ਕੀਤੀ ਗਈ ਹੈ। ਇਸ ਕੰਮ ਲਈ 2017 ਵਿਚ ਰਾਸ਼ਟਰਪਤੀ ਪ੍ਰਣਬ ਮੁਖਰਜੀ ਅਤੇ 2018 ਵਿਚ ਕੇਂਦਰੀ ਖੇਤੀਬਾੜੀ ਮੰਤਰੀ ਰਾਧਾ ਮੋਹਨ ਸਿੰਘ ਵੀ ਉਨ੍ਹਾਂ ਨੂੰ ਸਨਮਾਨਿਤ ਕਰ ਚੁੱਕੇ ਹਨ।