ਐਸਐਚਓ ਨੂੰ ਭਾਜਪਾ ਵਿਧਾਇਕ ਦੇ ਡਰਾਇਵਰ ਨਾਲ ਉਲਝਣਾ ਪਿਆ ਮਹਿੰਗਾ
ਟ੍ਰੈਫਿਕ ਵਿਵਸਥਾ ਸੰਭਾਲ ਰਹੇ ਐਸਐਚਓ ਨੂੰ ਕੀਤਾ ਮੁਅੱਤਲ
ਜੀਂਦ: ਹਰਿਆਣਾ ਦੇ ਜੀਂਦ ਵਿਚ ਟ੍ਰੈਫਿਕ ਵਿਵਸਥਾ ਸੰਭਾਲ ਰਹੇ ਐਸਐਚਓ ਨੂੰ ਸਥਾਨਕ ਵਿਧਾਇਕ ਦੇ ਡਰਾਇਵਰ ਨਾਲ ਉਲਝਣਾ ਮਹਿੰਗਾ ਪੈ ਗਿਆ। ਵਿਧਾਇਕ ਦੇ ਡਰਾਇਵਰ ਨਾਲ ਉਲਝਣ ਵਾਲੇ ਐਸਐਚਓ ਨੂੰ ਪੁਲਿਸ ਅਧਿਕਾਰੀਆਂ ਨੇ ਮੁਅੱਤਲ ਕਰਨ ਦੇ ਆਦੇਸ਼ ਜਾਰੀ ਕਰ ਦਿੱਤੇ ਹਨ।
ਦੱਸ ਦਈਏ ਕਿ ਇਕ ਦਿਨ ਪਹਿਲਾਂ ਭਾਜਪਾ ਦੇ ਕਿਸੇ ਸਮਾਰੋਹ ਦੌਰਾਨ ਟ੍ਰੈਫਿਕ ਐਸਐਚਓ ਦਾ ਸਥਾਨਕ ਵਿਧਾਇਕ ਦੇ ਡਰਾਇਵਰ ਨਾਲ ਵਿਵਾਦ ਹੋਇਆ ਸੀ। ਵਿਵਾਦ ਦਾ ਕਾਰਨ ਗੱਡੀ ਨੂੰ ਸਹੀ ਜਗ੍ਹਾ ਖੜ੍ਹਾ ਨਾ ਕਰਨਾ ਅਤੇ ਸੀਟ ਬੈਲਟ ਨਹੀਂ ਲਗਾਉਣਾ ਸੀ।
ਇਸ ਤੋਂ ਬਾਅਦ ਵਿਧਾਇਕ ਨੇ ਐਸਐਚਓ ਦੇ ਨਸ਼ੇ ਵਿਚ ਹੋਣ ਦਾ ਅਰੋਪ ਲਗਾਇਆ ਸੀ। ਅਜਿਹੇ ਦੌਰਾਨ ਉਹਨਾਂ ਦਾ ਮੈਡੀਕਲ ਵੀ ਕਰਵਾਇਆ ਗਿਆ ਪਰ ਰਿਪੋਰਟ ਵਿਚ ਨਸ਼ਾ ਕਰਨ ਸਬੰਧੀ ਕੋਈ ਪੁਸ਼ਟੀ ਨਹੀਂ ਹੋਈ ਹੈ।
ਉੱਥੇ ਹੀ ਮਾਮਲੇ ਵਿਚ ਡੀਐਸਪੀ ਧਰਮਬੀਰ ਦਾ ਕਹਿਣਾ ਹੈ ਕਿ ਐਸਐਚਓ 'ਤੇ ਦੁਰਵਿਵਹਾਰ ਦੇ ਦੋਸ਼ ਲਗਾਏ ਗਏ ਹਨ, ਜਿਸ ਤੋਂ ਬਾਅਦ ਟ੍ਰੈਫਿਕ ਐਸਐਚਓ ਨੂੰ ਮੁਅੱਤਲ ਕਰ ਦਿੱਤਾ ਗਿਆ। ਉਹਨਾਂ ਦੱਸਿਆ ਕਿ ਮੈਡੀਕਲ ਜਾਂਚ ਦੌਰਾਨ ਉਹਨਾਂ ਵਿਚ ਨਸ਼ੇ ਦੇ ਲੱਛਣ ਨਹੀਂ ਮਿਲੇ। ਐਸਐਚਓ ਸਰੀਰਕ ਜਾਂਚ ਅਤੇ ਵਰਕਿੰਗ ਜਾਂਚ ਵਿਚ ਫਿੱਟ ਹਨ।