Floods destroy Rs 400 crore cash at Bank of Maharashtra’s Nagpur branch

Floods destroy Rs 400 crore cash at Bank: ਹੜ੍ਹ ਦੇ ਪਾਣੀ ਵਿਚ ਕਰੀਬ 400 ਕਰੋੜ ਰੁਪਏ ਦੇ ਨੋਟ ਬਰਬਾਦ ਹੋ ਗਏ। ਘਟਨਾ ਮਹਾਰਾਸ਼ਟਰ ਦੇ ਨਾਗਪੁਰ ਸਥਿਤ ਬੈਂਕ ਦੀ ਦੱਸੀ ਜਾ ਰਹੀ ਹੈ। ਫਿਲਹਾਲ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਹੋ ਗਈ ਹੈ ਅਤੇ ਭਾਰਤੀ ਰਿਜ਼ਰਵ ਬੈਂਕ ਯਾਨੀ ਆਰਬੀਆਈ ਨੂੰ ਵੀ ਤਾਜ਼ਾ ਸਥਿਤੀ ਤੋਂ ਜਾਣੂ ਕਰਾਇਆ ਗਿਆ ਹੈ। ਬੀਤੀ 23 ਸਤੰਬਰ ਨੂੰ ਨਾਗ ਨਦੀ 'ਚ ਆਏ ਤੂਫਾਨ ਦਾ ਪਾਣੀ ਬੈਂਕ ਦੇ ਸਟਰਾਂਗ ਰੂਮ ਤਕ ਪਹੁੰਚ ਗਿਆ ਸੀ।

ਨਾਗਪੁਰ 'ਚ ਬੈਂਕ ਆਫ ਮਹਾਰਾਸ਼ਟਰ (BoM) ਦੀ ਸੀਤਾਬੁਲਦੀ ਬ੍ਰਾਂਚ 'ਚ ਪਾਣੀ ਦਾਖਲ ਹੋਣ ਕਾਰਨ ਕਰੋੜਾਂ ਰੁਪਏ ਦੇ ਨੋਟ ਖਰਾਬ ਹੋ ਗਏ। ਟਾਈਮਜ਼ ਆਫ ਇੰਡੀਆ ਦੀ ਰੀਪੋਰਟ ਮੁਤਾਬਕ ਵੀਡੀਉ 'ਚ ਸਾਫ ਦਿਖਾਈ ਦੇ ਰਿਹਾ ਹੈ ਕਿ ਹੜ੍ਹ ਦਾ ਪਾਣੀ ਉਸ ਕਮਰੇ 'ਚ ਦਾਖਲ ਹੋ ਰਿਹਾ ਹੈ, ਜਿਥੇ ਨੋਟ ਰੱਖੇ ਹੋਏ ਹਨ ਅਤੇ ਗਾਰਡ ਬੇਵੱਸ ਹੋ ਕੇ ਦੇਖ ਰਹੇ ਹਨ। ਰੀਪੋਰਟ 'ਚ ਸੂਤਰਾਂ ਦੇ ਹਵਾਲੇ ਤੋਂ ਕਿਹਾ ਗਿਆ ਹੈ ਕਿ ਘੱਟੋ-ਘੱਟ 400 ਕਰੋੜ ਰੁਪਏ ਦੇ ਨੋਟ ਨਸ਼ਟ ਹੋ ਗਏ ਹਨ।

ਦਸਿਆ ਜਾ ਰਿਹਾ ਹੈ ਕਿ ਪਾਣੀ ਦੀ ਨਿਕਾਸੀ ਲਈ ਪੂਰਾ ਦਿਨ ਲੱਗ ਗਿਆ। ਇਸ ਦੌਰਾਨ ਨਿਗਮ ਅਧਿਕਾਰੀਆਂ ਅਤੇ ਬੈਂਕ ਮੁਲਾਜ਼ਮਾਂ ਨੂੰ ਕਾਫੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ। ਘਟਨਾ ਦੀ ਸੂਚਨਾ ਆਰਬੀਆਈ ਨੂੰ ਦਿਤੀ ਗਈ ਅਤੇ ਜਾਂਚ ਲਈ ਟੀਮ ਵੀ ਭੇਜੀ ਗਈ, ਜੋ ਨੋਟਾਂ ਨਾਲ ਭਰੇ ਬਕਸੇ ਚੁੱਕ ਕੇ ਲੈ ਗਈ। ਰੀਪੋਰਟ ਮੁਤਾਬਕ ਸੂਤਰਾਂ ਨੇ ਕਿਹਾ ਕਿ ਨੋਟ ਤੁਰੰਤ ਬਦਲ ਦਿਤੇ ਗਏ।

 (For more news apart from Floods destroy Rs 400 crore cash at Bank of Maharashtra’s Nagpur branch, stay tuned to Rozana Spokesman)