JP Nadda and Rahul Gandhi

ਨਵੀਂ ਦਿੱਲੀ: ਭਾਜਪਾ ਪ੍ਰਧਾਨ ਜੇਪੀ ਨੱਡਾ ਨੇ ਸੋਮਵਾਰ ਨੂੰ ਕਾਂਗਰਸ ‘ਤੇ ਤਿੱਖਾ ਹਮਲਾ ਬੋਲਦੇ ਹੋਏ ਇਲਜ਼ਾਮ ਲਗਾਇਆ ਕਿ ਇਕ ਪਰਿਵਾਰ ਸਾਲਾਂ ਤੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਨਸ਼ਟ ਕਰਨ ਦੀ ਕੋਸ਼ਿਸ਼ ਵਿਚ ਜੁਟਿਆ ਹੋਇਆ ਹੈ। ਉਹਨਾਂ ਨੇ ਟਵੀਟ ਕਰ ਕੇ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ‘ਤੇ ਵੀ ਹਮਲਾ ਬੋਲਿਆ ਹੈ।

ਜੇਪੀ ਨੱਡਾ ਨੇ ਟਵੀਟ ਕੀਤਾ, ‘ਸਾਲਾਂ ਤੋਂ ਇਕ ਰਾਜਵੰਸ਼ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਨਸ਼ਟ ਕਰ ਵਿਚ ਲੱਗਿਆ ਹੋਇਆ ਹੈ। ਪਰ ਉਹਨਾਂ ਲਈ ਦੁੱਖ ਦੀ ਗੱਲ਼ ਹੈ ਕਿ ਪੀਐਮ ਮੋਦੀ ਦਾ 130 ਕਰੋੜ ਭਾਰਤੀਆਂ ਨਾਲ  ਡੂੰਘਾ ਸਬੰਧ ਹੈ। ਉਹ ਉਹਨਾਂ ਲਈ ਜਿਉਂਦੇ ਹਨ ਅਤੇ ਉਹਨਾਂ ਲਈ ਹੀ ਕੰਮ ਕਰਦੇ ਹਨ’।

ਉਹਨਾਂ ਨੇ ਅੱਗੇ ਲਿਖਿਆ ਕਿ ਜੋ ਉਹਨਾਂ ਨੂੰ ਨਸ਼ਟ ਕਰਨਾ ਚਾਹੁੰਦੇ ਹਨ, ਉਹ ਖੁਦ ਹੀ ਅਪਣੇ ਦਲ ਨੂੰ ਨਸ਼ਟ ਕਰ ਲੈਣਗੇ। ਨੱਡਾ ਨੇ ਇਕ ਹੋਰ ਟਵੀਟ ਵਿਚ ਲਿਖਿਆ, ‘ਹਾਲ ਹੀ ਦੇ ਸਾਲਾਂ ਵਿਚ ਫਿਰ ਚਾਹੇ ਉਹ ਡੋਕਲਾਮ ਮੁੱਦਾ ਹੋਵੇ ਜਾਂ ਫਿਰ ਮੌਜੂਦਾ ਮੁੱਦਾ, ਰਾਹੁਲ ਗਾਂਧੀ ਜੀ ਭਾਰਤੀ ਫੌਜ ਦੀ ਬਜਾਏ ਚੀਨੀਆਂ ਨਾਲ ਬ੍ਰੀਫਿੰਗ ਕਰਨਾ ਜ਼ਿਆਦਾ ਪਸੰਦ ਕਰਦੇ ਹਨ’।

ਨੱਡਾ ਨੇ ਪੁੱਛਿਆ ਕਿ ਆਖਿਰ ਕਿਉਂ ਇਕ ਪਰਿਵਾਰ ਕਮਜ਼ੋਰ ਭਾਰਤ ਅਤੇ ਤਾਕਤਵਰ ਚੀਨ ਦੀ ਚਾਹਤ ਰੱਖਦਾ ਹੈ। ਕਾਂਗਰਸ ਵਿਚ ਹੀ ਕਈ ਨੇਤਾਵਾਂ ਨੇ ਇਕ ਪਰਿਵਾਰ ਦੇ ਰਾਜਵੰਸ਼ ਨੂੰ ਅਸਵੀਕਾਰ ਕਰ ਦਿੱਤਾ ਹੈ। ਭਾਜਪਾ ਪ੍ਰਧਾਨ ਨੇ ਅੱਗੇ ਕਿਹਾ ਕਿ ਸਾਲ 1950 ਤੋਂ, ਚੀਨ ਨੇ ਇਕ ਅਜਿਹੇ ਰਾਜਵੰਸ਼ ਵਿਚ ਰਣਨੀਤਿਕ ਨਿਵੇਸ਼ ਕੀਤਾ ਹੈ, ਜਿਸ ਨੇ ਉਹਨਾਂ ਨੂੰ ਜ਼ਿਆਦਾ ਲਾਭਅੰਸ਼ ਦਿੱਤਾ ਹੈ।

ਜੇਪੀ ਨੱਡਾ ਨੇ ਰਾਹੁਲ ਗਾਂਧੀ ‘ਤੇ ਹਮਲਾ ਬੋਲਦੇ ਹੋਏ ਕਿਹਾ ਕਿ ਅੱਜ ਅਸੀਂ ਫਿਰ ਤੋਂ ਪ੍ਰਾਜੈਕਟ ਰਾਹੁਲ ਗਾਂਧੀ ਰਿ-ਲਾਂਚ ਨੂੰ ਦੇਖਿਆ ਹੈ। ਉਹ ਹਮੇਸ਼ਾਂ ਦੀ ਤਰ੍ਹਾਂ, ਤੱਥਾਂ ‘ਤੇ ਕਮਜ਼ੋਰ ਅਤੇ ਚਿੱਕੜ ਉਛਾਲਣ ‘ਤੇ ਮਜ਼ਬੂਤ ਸੀ।