Tiktok ਵੀਡੀਉ ਬਣਾਉਣ ਦੇ ਚੱਕਰ ’ਚ ਕੀਤਾ ਦਿਲ ਕੰਬਾਉਣ ਵਾਲਾ ਕਾਰਾ!
ਇਹ ਖਦਸ਼ਾ ਇਸ ਲਈ ਵੀ ਹੈ ਕਿਉਂਕਿ ਜਦੋਂ ਬੱਚੀ ਬਾਥਰੂਮ 'ਚ ਫਾਹੇ ਨਾਲ ਲਟਕ ਰਹੀ ਸੀ
ਜਲੰਧਰ: Tiktok ਤੇ ਮਸ਼ਹੂਰ ਹੋਣ ਦੀ ਇੱਛੁਕ ਦਸ ਸਾਲਾ ਮਾਸੂਮ ਬੱਚੀ ਨੇ ਘਰ ਦੇ ਬਾਥਰੂਮ 'ਚ ਲੱਗੀ ਪਾਈਪ ਨਾਲ ਗਲ਼ੇ 'ਚ ਚੁੰਨੀ ਨਾਲ ਫਾਹਾ ਲਗਾ ਕੇ ਖੁਦਕੁਸ਼ੀ ਕਰ ਲਈ। ਸਰੀਰ 'ਤੇ ਟੈਟੂ ਬਣਾਉਣ, ਫੈਸ਼ਨ ਕਰਨ 'ਤੇ ਉਸ ਦੇ ਮਾਂ-ਬਾਪ ਉਸ ਨੂੰ ਡਾਂਟਦੇ ਸਨ। ਬੁੱਧਵਾਰ ਨੂੰ ਵੀ ਮਾਂ ਦੀ ਡਾਂਟ ਪਈ ਤਾਂ ਰਾਤ ਲਗਪਗ ਪੌਣੇ 10 ਵਜੇ ਉਸ ਨੇ ਜਾਨ ਦੇ ਦਿੱਤੀ। ਜਿਵੇਂ ਹੀ ਫਾਹਾ ਲੱਗਣ ਦਾ ਪਤਾ ਚੱਲਿਆ ਤਾਂ ਪਰਿਵਾਰਕ ਮੈਂਬਰ ਉਸ ਨੂੰ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਲੈ ਗਏ।
ਬੱਚੀ ਦੇ ਗਲ਼ੇ 'ਤੇ ਨਿਸ਼ਾਨ ਮਿਲਿਆ ਹੈ ਪਰ ਡਾਕਟਰੀ ਰਿਪੋਰਟ ਆਉਣ ਤੋਂ ਬਾਅਦ ਹੀ ਇਹ ਸਪੱਸ਼ਟ ਹੋਵੇਗਾ ਕਿ ਬੱਚੀ ਨਾਲ ਕੀ ਹੋਇਆ। ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਬੱਚੀ ਉਨ੍ਹਾਂ ਨੂੰ ਬਾਥਰੂਮ 'ਚ ਪਈ ਮਿਲੀ। ਪੋਸਟਮਾਰਟਮ ਰਿਪੋਰਟ ਆਉਣ ਤੋਂ ਬਾਅਦ ਅਗਲੇਰੀ ਕਾਰਵਾਈ ਹੋਵੇਗੀ। ਸ਼ੁਰੂਆਤੀ ਪੁੱਛਗਿੱਛ ਵਿਚ ਇਹੀ ਸਾਹਮਣੇ ਆਇਆ ਹੈ ਕਿ ਆਮ ਘਰਾਂ ਵਾਂਗ ਮਾਂ-ਬਾਪ ਉਸ ਨੂੰ ਸ਼ਰਾਰਤ 'ਤੇ ਡਾਂਟਦੇ ਸਨ।
ਪੁਲਿਸ ਵੀ ਇਸ ਗੱਲ ਦਾ ਖਦਸ਼ਾ ਪ੍ਰਗਟਾਅ ਰਹੀ ਹੈ ਕਿ ਘਰ ਵਿਚ ਮਾਂ ਨੂੰ ਡਰਾਉਣ ਲਈ ਤਾਂ ਉਸ ਨੇ ਕਿਤੇ ਖੁਦਕੁਸ਼ੀ ਵਾਂਗ ਸ਼ਰਾਰਤ ਦਿਖਾਉਣ ਅਜਿਹਾ ਨਾ ਕੀਤਾ ਹੋਵੇ ਅਤੇ ਅਚਾਨਕ ਪੈਰ ਤਿਲਕ ਗਿਆ ਅਤੇ ਚੁੰਨੀ ਨਾਲ ਉਸ ਦਾ ਗਲਾ ਫਸ ਗਿਆ। ਦੂਸਰਾ ਕਾਰਨ ਟਿਕਟਾਕ ਲਈ ਵੀਡੀਓ ਦੀ ਵੀ ਗੱਲ ਸਾਹਮਣੇ ਆ ਰਹੀ ਹੈ। ਇਹ ਵੀ ਖਦਸ਼ਾ ਪ੍ਰਗਟਾਇਆ ਜਾ ਰਿਹਾ ਹੈ ਕਿ ਕਿਤੇ ਉਸ ਨੇ ਟਿਕਟਾਕ 'ਤੇ ਖੁਦਕੁਸ਼ੀ ਦੇ ਨਾਟਕ ਦਾ ਵੀਡੀਓ ਦੇਖਿਆ ਹੋਵੇ ਅਤੇ ਉਸੇ ਤਰ੍ਹਾਂ ਕਰਨ ਦੇ ਚੱਕਰ ਵਿਚ ਗਲੇ ਵਿਚ ਫਾਹਾ ਪਾਇਆ ਪਰ ਪੈਰ ਤਿਲਕਣ ਕਾਰਨ ਉਸ ਦੀ ਮੌਤ ਹੋ ਗਈ।
ਮਾਂ-ਬਾਪ ਆਮ ਤੌਰ 'ਤੇ ਡਾਂਟਦੇ ਸਨ ਕਿ ਉਹ ਬੱਚੀ ਮੋਬਾਈਲ ਤੇ ਵੀਡੀਓ ਬਣਾਉਣ ਦੀ ਬਜਾਏ ਪੜ੍ਹਾਈ 'ਚ ਧਿਆਨ ਦੇਵੇ। ਮੌਕੇ 'ਤੇ ਮੌਜੂਦ ਪੱਕਾ ਬਾਗ ਵਿਚ ਰਹਿਣ ਵਾਲੇ ਲੋਕਾਂ ਨੇ ਦੱਸਿਆ ਕਿ ਦੋ ਦਿਨ ਪਹਿਲਾਂ ਵੀ ਉਸ ਨੂੰ ਪਿਤਾ ਤੋਂ ਗਲੀ ਵਿਚ ਹੀ ਡਾਂਟ ਪੀ ਸੀ। ਇਸ ਤੋਂ ਬਾਅਦ ਉਹ ਕਹਿਣ ਲੱਗੀ ਕਿ ਮੈਂ ਮਰ ਜਾਵਾਂਗੀ। ਉਹ ਅਕਸਰ ਹੀ ਅਜਿਹਾ ਕਹਿੰਦੀ ਸੀ ਜਿਸ ਨੂੰ ਮਾਂ-ਬਾਪ, ਪਰਿਵਾਰਕ ਮੈਂਬਰ ਤੇ ਆਸ-ਪਾਸ ਦੇ ਲੋਕ ਬੱਚੀ ਦਾ ਚੰਚਲ ਸੁਭਾਅ ਸਮਝਦੇ ਸਨ। ਉਹ ਅਸਲੀਅਤ ਵਿਚ ਅਜਿਹਾ ਕਰ ਲਵੇਗੀ, ਇਸ ਦਾ ਕਿਸੇ ਨੂੰ ਪਤਾ ਤੱਕ ਨਹੀਂ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।