ਆਮ ਆਦਮੀ ਪਾਰਟੀ ਦੇ ਬਗਾਵਤ `ਤੇ ਉਤਾਰੂ ਵਿਧਾਇਕਾਂ ਦੀ ਅਗਵਾਈ ਕਰ ਰਹੇ ਸੁਖਪਾਲ ਸਿੰਘ ਖਹਿਰਾ ਨੇ ਪਾਰਟੀ ਹਾਈਕਮਾਨ `ਤੇ ਦੂਜਾ ਵੱਡਾ ਹੱਲਾ ਬੋਲ ਦਿੱਤਾ ਹੈ। ਅੱਜ ਜਿਥੇ ਗੜਸੰਕਰ ਤੋਂ ਪਾਰਟੀ ਵਿਧਾਇਕ ਜੈ ਕਿਸਨ ਸਿੰਘ ਰੋੜੀ ਮੁੜ ਖਹਿਰਾ ਖੇਮੇ `ਚ ਪਰਤ ਆਏ,ਉਥੇ ਹੀ ਰੋੜੀ ਦੀ ਵਾਪਸੀ ਬਹਾਨੇ ਮੀਡੀਆ ਨੂੰ ਸੰਬੋਧਨ ਕਰਦਿਆਂ ਖਹਿਰਾ ਨੇ ਪੰਜਾਬ `ਚ ਰੈਲੀਆਂ ਅਤੇ ਮੀਟਿੰਗਾਂ ਦਾ ਪ੍ਰੋਗਰਾਮ ਐਲਾਨ ਦਿਤਾ ਹੈ।

ਖਹਿਰਾ ਨੇ 11 ਅਗਸਤ ਵਾਲੀ ਹੁਸ਼ਿਆਰਪੁਰ ਕਨਵੇਨਸਨ ਦਾ ਸਥਾਨ ਬਦਲ ਕੇ ਗੜਸ਼ੰਕਰ ਕਰ ਦਿੱਤਾ ਉਥੇ ਹੀ 15 ਅਗਸਤ ਨੂੰ ਇਸੜੂ ਵਿਖੇ ਵੀ ਇਕੱਠ ਕਰਨ ਦਾ ਸੱਦਾ ਆਪਣੇ ਸਮਰਥਕਾਂ ਨੂੰ ਭੇਜ ਦਿੱਤਾ ਹੈ। ਦੱਸਣਯੋਗ ਹੈ ਕਿ ਪਾਰਟੀ ਦੇ ਪੰਜਾਬ ਮਾਮਲਿਆਂ ਬੜੀ ਇੰਚਾਰਜ ਮਨੀਸ਼ ਸਿਸੋਦੀਆ ਨੇ ਪਹਿਲਾ ਹੀ 13 ਅਗਸਤ ਨੂੰ ਪੰਜਾਬ `ਚ ਰੈਲੀ ਐਲਾਨੀ ਹੋਈ ਹੈ।  ਜਿਸ ਮਗਰੋਂ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਦੇ ਪੰਜਾਬ `ਚ ਪ੍ਰੋਗਰਾਮ ਸ਼ੁਰੂ ਹੋ ਰਹੇ ਹਨ।  ਖਹਿਰਾ ਨੇ ਹਾਈਕਮਾਨ ਦੇ ਬਰਾਬਰ ਆਪਣੇ ਪ੍ਰੋਗਰਾਮ ਐਲਾਨ ਕੇ ਇਕ ਵਾਰ ਤਾ ਪਾਰਟੀ ਲਈ ਸੰਕਟ ਖੜਾ ਕਰ ਦਿੱਤਾ ਹੈ।